JOEL 2:5 - Dios Rimashca Shimicunami

⁵ Paicunaca macanacuna carretacuna c'ulun nishpa puricuj shinami, urcu jahuacunapica saltangacuna. Chaquishca p'angacuna ninapi rupacuj shinami uyaringa. Paica, jatun macanacuiman rinalla, c'ari c'ari soldadocuna shinami canga.

JOEL 2:5 Iomraidhean Croise

JOB 39:20

¿Paitaca langosta c'uruta shinalla manchachinguimanchu? Paica singahuan p'ucushpallapish sinchitamari p'ucun.

ÉXODO 5:12

Shina nijpica israelcunaca tucui Egipto llajtata rishpami, ladrillocunata rurana ujshapaj randica rastrojocunata tandanaman rircacuna.

ISAÍAS 30:30

Mandaj Diosca tucuita rurai tucuj caparishcahuanmi uyaringa. Paipaj maquita uri chutashcatapishmi ricuchinga. Yallitaj p'iñarishca ñahuihuan tucuchij lunyacuj nina shinami ricuringa. Jatun acapana, huairandij tamya, rumi vali runduhuanmi ricuringa.

ISAÍAS 5:24

Nina lunyacuj c'allucunami rastrojo ujshata shina tucuchinga. Ujshata nina tucuchij shinami tucuchinga. Chashnami sapi ismushca yura shina chingaringa. Paicuna sumaj sisacuna shina cashcapish ñutu allpa shinami chingaringa. Tucuita Mandaj Diospaj mandashcata yanganchishcamantami chashna tucunga. Israelcunapaj jucha illaj Diospaj shimita millashcamantami chashna tucunga.

JEREMÍAS 50:42

Paicunaca arcohuanpish, lanzahuanpish alli macanacunata yachajcunami. Pita mana llaquishpa huañuchingallacunami. Paicuna caparirishcapish mama cucha yacu jatarishca shina manchananatami uyaringa. Babiloniapi causajcunalla, chai runacunamari cancunahuan macanacungapaj allichirishpa, caballocunapi tiyarishca shamungacuna.

Mateo 3:12

Granota chuyanapaj palaca ñami paipaj maquipi. Paipaj trigotaca huaquichinapimi churanga. Ujshataca manataj huañuj ninapimi rupachinga” nircami.

Apocalipsis 9:9

Pechopish huashapish fierro churana shinami carca. Paicunapaj alaspish, achca caballocuna carretacunata aisashpa jatun macanacuiman ricuj shinami huajiarca.