JOEL 2:32 - Dios Rimashca Shimicunami

³² Mandaj Diosta mañajcunallami quishpiringacuna. Mandaj Dios nishca shinallatajmi Sión urcupi, Jerusalenpica quishpirina tiyanga. Chaipica israelcunapuramantaca, Mandaj Dios cayashcacunallami saquiringacuna.

JOEL 2:32 Iomraidhean Croise

GÉNESIS 4:26

Setca shuj c'ari huahuatami charirca. Chai huahuatami Enos shutita shutichirca. Chai punllamantapachami runacunaca, Mandaj Diosta yuyarinata callarirca.

SALMOS 50:15

Llaqui punllapi cashpaca, ñucata mañangui. Ñucaca quishpichishami. Canpish ñucataca alli” ninguimi.

ISAÍAS 10:22

Israel llajtalla, canpi causacuj gentecunaca mama cucha uripi tiyaj t'iyu allpa shina yallitaj achca cashpapish puchushcacunallami tigrangacuna. Israelcuna ima shinalla rurashcata ricushpa chingachinata yuyarishcataca paicuna ima shinalla rurashcata ricuchishpami chingachinga.

ISAÍAS 11:11

Chai punllacunapica cashnami tucunga: Mandaj Diosca mana huañushpa puchushcacunata prezu apashcacunata tigrachimungapajmi cutinllataj paipaj maquita alzanga. Paicunataca: Asiria, Egipto, Patros, Etiopía, Elam, Sinar, Hamat, mama cucha uripi caj llajtacunamantami tigrachimunga.

ISAÍAS 11:16

Israelcuna mana huañushpa saquirishcacuna Asiriamanta tigracujpica, israelcunata Egiptomanta ñanta pascashpa llujshichimucushca shinallataj ñanmi canga.

ISAÍAS 4:2

Chai punllacunapica Mandaj Dios retoñachishca yuraca alli nishca canapaj, jatun nishca canapajmi canga. Chai llajtapi p'ucushca granocunaca saquirij israelcunata jatun nishca alli nishca canapajmi canga.

ISAÍAS 46:13

Cashcata rurashpa ñuca quishpichinaca ñami c'uchuyamugrin. Ñuca quishpichinaca mana uniyangachu. Sionpimi quishpirinataca churagrini. Ñuca jatun cashcataca Israelpimi churagrini.

JEREMÍAS 31:7

Mandaj Diosca cashnami nin: “Jacobopaj huahuacunamanta jatunta cushicuichij. Tucui llajtacunapaj uma caj llajtataca jatun cushicuihuan cantaichij. Tucuicuna alabashpa uyarichigari: Mandaj Dioslla, can agllashcacunamanta causaihuan saquirishca israelcunata quishpichishcanguimari nichigari.

JEREMÍAS 33:3

Ñucata caparilla, ñucaca cutichishallami. Can mana yachashca, pacalla tiyacuj jatun yachanacunata yachachishallami ninmi.

AMÓS 9:8

Mandaj Jatun Dios ñucaca, jucha mandacun Israel llajtataca ricucunimi. Paicuna chashna millaita rurashcataca p'iñanimi. Chaimanta cai llajtapi causajcunataca anchuchishami. Chashna anchuchicushpapish, ñaupa yaya Jacobpaj huahua huahuacunataca manataj tucuita chingachishachu.

ABDÍAS 1:17

Ashtahuanpish Sión urcupica, saquirishcacunami quishpiringacuna. Chai urcuca, Diospajlla ch'icanyachishcami canga. Jacobpaj huahua huahuacunaca, paicunapaj quiquin allpacunallatatajmi japingacuna.

ABDÍAS 1:21

Esaupaj urcupi causajcuna imalla rurashcata ricungapajmi, quishpichijcunaca Sión urcuman huichiyangacuna. Chai punlla mandanaca, Mandaj Diospajllami canga.

MIQUEAS 5:3

Ashtahuanpish shuj huarmi chichushpa huachangacamallami paicunallata saquinga. Shinallataj saquirij paipaj huauquicunaca ñaupa yaya Israelpaj churicunahuanmi tigrangacuna.

ZACARÍAS 13:9

Chai saquirijcunataca, ninapimi rupachisha. Ima shinami cullquitaj cashcata, curitaj cashcata ricungapaj ninapi rupachincuna, chashnallatajmi ñucapish paicunataca rurasha. Chashna rurajpimi, paicunaca ñuca shutipi mañangacuna. Paicuna mañashcataca uyashami. Chaimantaca: Ñuca agllashcacunami canguichij nishami. Shina nijpimi paicunapish: Mandaj Diosca ñucanchij Diosmi ningacuna” ninmi.

Juan 10:16

Mana cai corralpi caj shujtaj ovejacunatapish charinimi. Paicunatapish pushamunami cani. Paicunapish ñuca rimaitami uyangacuna. Shuj canllallami tucunga, shuj michijllami tiyanga.

Juan 4:22

Cancunaca pita adoracushcatapish mana yachanguichijchu. Ñucanchijca pita adoracushcataca yachanchijmi. Quishpichijca judiocunamantami shamun.

Hechos 15:17

Chashna rurajpimi tucui saquirishcacunapish, ñuca agllashca mana judiocunapish Jatun Diostaca mashcangacuna.

Hechos 2:39

Taita Dios cusha nishcaca cancunapajpish, cancunapaj huahuacunapajpish, tucui cai pachapi cajcunata ñucanchij Jatun Dios maijanllata quishpichisha nishcacunapajpishmi– nircami.

Romanos 11:26

Chai q'uipaca, tucui israelcunatami quishpichishca canga. Cashnami quillcashca tiyacun: “Quishpichijca Sionmantami shamunga. Paica, Jacobpaj huahua huahuacunamantami, millaita ruraj canata anchuchinga.

Romanos 11:5

Chashnallatajmi cunan punllacunapish tucun. Dios paipaj mana c'uyaipajta c'uyashpa agllashcataj caj saquirishca israelcunallatami quishpichirca.

Romanos 11:7

Shina cajpica ¿ima nishuntaj? Israelcuna cashpapish mashcacushcataca mana japircacunachu, Dios agllashcataj cajcunallami japircacuna. Ashtahuanpish caishujcunataca, sinchi shungutami rurarca.

Romanos 9:24

Chai allichishca vasocunallatami cayarca. Judiocunapurallamantaca mana cayarcachu, ashtahuanpish mana judiocunapuramantapishmi cayarca. Chaicunaca ñucanchijllatajmi canchij.

Romanos 9:27

Shinallataj Isaiaspish, israelcunamanta huillashpaca: “Israelpaj huahua huahuacunaca, mama cuchapi tiyaj allpa shina achcacuna cashpapish, saquirijcunallami quishpichishca canga.

1 Corintios 1:2

Corintopi caj Diospaj tandanacushca crijcunaman quillcanchij. Cristo Jesuspi shujlla tucujpi jucha illajta rurashca, jucha illaj cachun cayashcacunami canguichij. Ñucanchijta Mandaj Jesucristopaj shutipi, maipipish tucui mañajcunandijmi chashna canguichij. Paicunapajpish, ñucanchijpajpish Mandaj Jesusmi.

Hebreos 12:22

Ashtahuanpish cancunaca Sión urcuman, causaj Diospaj jahua pacha Jerusalenman, huaranga huaranga angelcuna tandanacushpa Diosta alabacunmanmi c'uchuyarcanguichij.