JOEL 2:31 - Dios Rimashca Shimicunami

³¹ Mandaj Dios agllashca jatun mancharina punlla manaraj chayamujpica, intica amsayanga, lunapish yahuarmi tucunga.

JOEL 2:31 Iomraidhean Croise

JEREMÍAS 4:28

Chai llaqui shamujpica, allpaca yanata churarishca shinami saquiringa. Jahua pachapish amsayangami. Chaitaca ñucatajmi chashnami rurasha nircani. Chashna ruranata yuyarishcataca, mana shujtajyachishachu. Ama chashna rurasha nishpa, mana saquishallachu” nircami.

EZEQUIEL 32:7

Canta chingachishpaca, jahua pachatapishmi tapasha. Jahua pachapi tiyaj luzerocunatapish amsayachishami, intitapish p'uyuhuanmi tapachisha, lunapish ña mana ashtahuan achijyachingachu.

JOEL 2:1

Sión urcupica, trompetapi tocaichigari. Ñucapajlla urcupica, caparichigari. Cai llajtapi causajcuna, tucuicuna chujchuichigari. Mandaj Dios shamuna punllaca ñamari pajtamucun, ñamari quichquiyamucun.

JOEL 2:10

Paicunata ricushpaca cai pachapish, jahua pachapish chujchungami, intipish, lunapish amsayangami, luzerocunapish ña mana achijyachingachu.

JOEL 2:11

Mandaj Diosca paipaj soldadocunatami mandanga. Paipaj soldadocunaca yallitaj achcacunami. Pai mandashcata rurajcunaca, yallitaj c'ari c'aricunami. Mandaj Dios shamuna punllaca, jatun mancharina punllamari. Chai jatun llaquicunataca ¿pitaj apai tucungari?

JOEL 2:2

Chai punllaca, manchanana amsa tutami tucunga. Chai punllaca, p'uyu llandu punllami tucunga. Tutamanta utcata urcu jahuacunapi inti shitashpa achijyachicuj shinami, c'ari c'ari achca runacuna shamunga. Paicuna shinaca pi mana tiyarcachu. Paicuna shamushca q'uipapish, q'uipa huahua huahuacuna causai huatacunapica pi mana paicuna shina tiyangachu.

JOEL 3:1

Riquichij, chai punllacunapica Judá llajtamanta, Jerusalén pueblomanta prezu apashcacunataca tigrachimushami.

JOEL 3:15

Chai punllapica intipish, lunapish amsayangami, luzerocunapish ña mana achijyachingachu.

ZACARÍAS 14:6

Chai punllapica intipish, lunapish, luzerocunapish mana achijyachingachu.

MALAQUÍAS 4:1

Tucuita Mandaj Diosca cashnami nin: “Riquichij, hornopi nina lunyacuj shina punllaca ñallami chayamugrin. Chai punllapimi jatun tucushcacunapish, millaita rurajcunapish ujsha shina tucui rupangacuna. Chaipica sapillapish, shuj ramallapish mana saquiringachu.

MALAQUÍAS 4:5

Riquichij, Mandaj Dios llaquichingapaj shamuna jatun llaqui punllacuna manaraj shamujpimi, ñuca ima nishcata huillaj Eliastaca cancunapajman cachani.

Mateo 24:29

Chai jatun llaqui punllacuna ña tucurijpica, intica amsayangami, lunapish mana achijyachingachu. Luzerocunapish jahua pachamanta urmangacunami, jahua pachapi jatun mana cuyuripajcunapish cuyuringami.

Mateo 27:45

Chaupi punllamanta, quimsa horas chishicamami tucui cai pacha amsayarca.

Lucas 21:25

Chai q'uipami intipipish, lunapipish, luzerocunapipish pi mana ricushcacuna ricuringa. Cai pachapica mama cucha yacucuna jahuata jatarishpa manchanayajta huajiajta uyashpami gentecunaca upayajta mancharingacuna.

Hechos 2:20

Intica amsayangami, lunapish yahuarmi tucunga. Jatun Dios shamuna punllapajmi chashna tucunga.

Apocalipsis 8:12

Quimsapaj q'uipa ángel trompetapi tocajpica, quimsapi chaupishca shuj parte inti, quimsapi chaupishca shuj parte luna, quimsapi chaupishca shuj parte luzerocunatapishmi p'aquirca. Chaimantami tucui chaicunaca quimsapi chaupishca shuj parteca achijyachij illaj saquirirca. Chaimantami quimsapi chaupishca shuj parte punllapish, tutapish achijyachij illaj carca.