JOEL 2:3 - Dios Rimashca Shimicunami

³ Paicuna manaraj chayamujpimi, ninaca tucuita rupachishpa tucuchinga. Paicuna rishca q'uipapish, ninallatajmi tucui ima tiyajta rupachinga. Paicuna chayamunapajca, cai llajtaca, Edén huerta shinami canga. Paicuna rishca q'uipaca, shitashca pamba shinami llaquinayaj saquiringa. Paicunapaj maquimantaca, pipish mana quishpiri tucungachu.

JOEL 2:3 Iomraidhean Croise

GÉNESIS 13:10

Shina nijpi Lot ricushpaca Jordán yacu pambataca achca yacu regaricushcamanta Mandaj Diospaj huerta shinata, Zoar pueblo ch'imbapurapi caj Egipto llajta shina cajtami ricurca. Chai pambaca Sodoma, Gomorra pueblocunata Mandaj Dios manaraj chingachijpimi chashna carca.

GÉNESIS 2:8

Mandaj Taita Diosca inti llujshin ladoman caj Edén llajtapi huertata rurashpami, pai rurashca runataca chaipi churarca.

SALMOS 50:3

Ñucanchij Taita Diosca shamungami. Mana upajlla shamungachu. Ñaupajpica tucuchicuj ninahuan, muyundijtaca yallitaj jatun huairandij tamyahuanmi canga.

SALMOS 97:3

Lunyacuj ninamari paitaca ñaupashpa ringa. Chaimi paipaj muyundijpi caj p'iñajcunataca tucuchinga.

ÉXODO 10:15

Langostacuna Egipto llajtata tucui tapajpica tucui chai llajta allpami amsayarca. Chai llajtapi tiyaj tucui q'uihuacunata rundu mana tucui tucuchishca yuracunapi saquirij granocunatapish tucui micujpimi, tucui Egipto llajtapica yuracunapi ima verdijllacunapish, Egipto llajtapi tiyaj tucui q'uihuacunapish ima mana saquirirca.

ÉXODO 10:5

tucui allpata tapangacuna. Allpataca mirgallatapish maipi mana ricuipajmi canga. Chaicunami rundumanta saquirishca granocunatapish tucuita micunga. Yurapi huiñacujcunatapish tucuimi micunga.

ISAÍAS 14:17

Paica cai pachata shitashca pambata shina rurajmi. Pueblocunatapish ima illajta saquijmi. Prezupi cajcunapaj carcel pungucunatapish manataj pascajchu carca ningacunami.

ISAÍAS 15:6

Nimrimpi tiyaj yacucunapish chaquishcami canga. Q'uihuapish chaquiringami. Retoñacuj q'uihuacunapish chaquiringami. Tucui verdijlla cajcunami chingaringa.

ISAÍAS 33:4

Paicuna quichushcacunataca oruga c'urucuna shinami tandangacuna. Langostacuna shujpi imata tucuchishpa shujman huaica tiyarigrij shinami paicunapaj jahuaman ringacuna.

ISAÍAS 51:3

Mandaj Diosca Siontaca cushichingami. Chaica chashnatajmi canga. Ñuturishcacunataca cushichingami. Shitashca pambataca sumaj huertatami ruranga. Mana p'ucuj allpataca Mandaj Diospaj huertatami ruranga. Chaipica cushicushpa alabana, cushicushpa cantanacunami tiyanga.

ISAÍAS 9:18

Paicuna millaita rurashcaca nina shinami sindiringa. Casha q'uihuacunata, casha yuracunata, millpuj shinami tucuchinga. Sachapi nina lunyajpi, cushni muyurishpa llujshishpa huairapi chingarij shinami chingaringacuna.

ISAÍAS 9:19

Tucuita Mandaj Dios p'iñarijpica, cai pachaca amsayangami. Gentecunaca chaquishca q'uihua shinami lunyashpa rupanga. Gentecunaca paipaj quiquin huauquitapish mana llaquingachu.

JEREMÍAS 5:17

Paicunami cancunapaj chagracunamanta tandashca granocunata, ovejacunata, huagracunata, uvata, higota micushpa tucuchingacuna. Cancunapaj churicunatapish, ushushicunatapish tucuchingacunami. Cancuna shunguta churashca jatun pircayuj pueblocunatapish urmachishpami, espadahuan huañuchishpa chushajta saquingacuna” ninmi.

EZEQUIEL 36:35

Chaita purijcuna ricushpaca, cashnami ningacuna: Cai shitashca allpacunaca, Edén huerta shinamari tucushca. Pueblocunapish urmachishca, shitashca, llaquinayajmari carca. Cunanca huasichishpamari, muyujta pircashpa causacuncuna ningacunami.

AMÓS 7:4

Mandaj Jatun Diosca cashnatapishmi ñucamanca ricuchirca: Mandaj Jatun Diosca jatunta llaquichingapajmi ninata cacharca. Chai ninami achca yacucunatapish rupachishpa chaquichirca. Shinallataj chagracunatapish rupachicujtami ricurcani.

HABACUC 1:6

Riquichij, ñucaca caldeocunatami cancunapajman cachagrini. Paicunaca huañuchijcunami, utca imatapish mana allita rurajcunami. Paicunaca, cai pachata tucuita purishpa, shujtajcunapaj allpacunata, huasicunata quichujcunami.

ZACARÍAS 7:14

Ashtahuanpish paicunataca, jatun acapanahuanmi llujshichishpa tucui llajtacunaman caita chaita cacharcani. Chaimantami paicuna causana llajtaca, llaquinayaj saquirirca. Pipish mana tigrashpa ricuipaj jatun llaquimi tucurca. Paicuna munashca allpaca, shitashcami saquirirca” ninmi.