JOEL 2:27 - Dios Rimashca Shimicunami

²⁷ Chaipimi can israelcunaca cancunahuan ñuca cashcata yachanguichij. Ñucaca cancunata Mandaj Taita Diosmi cani, pi shujtajca mana tiyanchu. Ñuca agllashcacunaca cunanmantapacha ña mana cutin pingachishca cangacunachu.

JOEL 2:27 Iomraidhean Croise

SALMOS 46:5

Taita Diosca chai pueblo chaupipimi. Pi mana cuyuchingachu. Taita Diosmi utca ayudanga.

SALMOS 68:18

Taita Dios, jahuamanmi huichiyarcangui. Prezu cajcunataca quiquinhuanmi pusharcangui. Runacunamantami aichayuj tucurcangui. C'ariyajcunamantami aichayuj tucurcangui. Mandaj Dioslla paicunapurapi causangapajmi chashna rurarcangui.

PROVERBIOS 1:23

Ñuca jarcashcata uyashpa cutirichigari. Chaita rurajpica, ñuca Espiritutaca cancunapi churashami. Ñuca shimicunata yachachishami.

ISAÍAS 12:6

Siónpi causajcuna, cushicuichigari, cantaichigari. Israelcunapaj jucha illaj Diosca cambaj chaupipica jatunmari” ninguichijmi.

ISAÍAS 44:3

Chaquishca pambacunapica yacu callpacujtami rurasha. Chaquishca allpacunataca jatun yacumi callpacunga. Cambaj huahua huahuacunapica ñuca Espiritutami tallisha. Cambaj huahua huahuacunapica allicunatami tallisha.

ISAÍAS 44:8

Ama manchaichijchu, ama chujchuichijchu. Imalla tucuna cashcataca ¿manachu cancunamanca ñaupamantapacha ña huillarcani? Chaitaca cancunallataj allimi yachanguichij. ¡Shujtaj Diosca mana tiyanchu, ñucallami cani! ¡Shujtaj jatun rumica mana tiyanchu, pita mana ricushcanichu!

ISAÍAS 45:18

Jahua pachata ruraj Mandaj Diosmi chashna nin. Cai pachata ruraj. Ima shinalla canapi churaj Diosmi paica. Paica cai pachataca mana yanga tiyachun rurarcachu, runacuna causachunmi rurarca. Ñucami Mandaj Dios cani, shujtajca mana tiyanchu.

ISAÍAS 45:5

Mandaj Diosca ñucami cani, pi shujtaj mana tiyanchu. Ñucamanta shujtaj Diosca mana tiyanchu. Ñucata mana rijsij cajpipish, ñucami cantaca chumbillichisha.

ISAÍAS 45:6

Inti llujshinmanta, inti huashicuncama ñuca shinaca pi mana tiyashcata yachachunmi chashna rurasha. Mandaj Diosca ñucami cani, pi shujtajca mana tiyanchu.

ISAÍAS 46:9

Ñaupa huatacunamanta ñuca imallata rurashcata yuyarichij. Ñucallami Dios cani, shujtaj Diosca mana tiyanchu. Ima shujtajca ñuca shinaca mana tiyanchu.

ISAÍAS 49:23

Jatun mandajcunami cancunataca huahuata cuidaj shina cuidanga. Jatun mandaj huarmicunami cancunapajca huiñachij mama shina canga. Cambaj ñaupajpi cungurishpami pambaman tupajta cumuringacuna. Cambaj chaquipi caj ñutu allpatami lambingacuna. Chaipimi ñucataca Mandaj Diostaj cashcata yachangui. Ñucapi shunguta churashpa shuyajcunaca, manataj pingai tucungacunachu” ninmi.

ISAÍAS 53:6

Tucui ñucanchijca caita chaita rishca ovejacuna shinamari ch'icanyashcanchij. Cada quiquinmi quiquin ñanta rishcanchij. Ashtahuanpish Mandaj Diosca, tucui ñucanchij juchacunataca paimanmari apachirca.

EZEQUIEL 37:6

Shinallataj cancunapica angucunata churashpa, aichata jundachishpami, jahuataca carahuan tapachisha. Chai q'uipami espirituta cancunapi churasha. Chashna rurajpimi, cutin causaita charinguichij. Chaita ricushpami ñucataca, Mandaj Diostaj cashcataca yachanguichij ninmi ni” nircami.

EZEQUIEL 39:22

Chai punllamantapachami israelcunaca, paicunata Mandaj Dios cashcataca yachangacuna.

EZEQUIEL 39:28

Shujtaj llajtacunapi prezu causacunmanta shujllatapish mana saquishpa llujshichishpami, tandachishpa quiquin llajtapi causachun churasha. Chashna rurajpimi ñucataca, Mandaj Diostaj cashcataca yachangacuna.

EZEQUIEL 39:29

Paicunamantaca ñuca ñahuitaca, ña mana cutinca anchuchishachu, ashtahuanpish israelcunapica ñuca Espiritutami churasha ninmi Mandaj Jatun Diosca ningui” nircami.

JOEL 2:26

Cancunaca chai granocunataca mana nijtami micunguichij. Cancunaman achca allicunata cuj, Mandaj Taita Dios ñucatami: Sumajmari cangui ninguichij. Cunanmantapacha ñuca agllashcacunaca, ña mana cutin pingachishca canguichijchu.

JOEL 3:17

“Chashna rurajpimi, cancunata Mandaj Taita Diostaj cashcataca rijsinguichij. Ñucapajlla Sión urcupi causacushcatami ricunguichij, Jerusalenpish ñucapajllami tucunga. Shujtajcunaca ña mana ashtahuan chaita puringacunachu.

JOEL 3:21

Yahuarlla cajcunata manaraj p'ichashcataca, ñucami p'ichasha. Mandaj Dios ñucami Sión urcupi causasha” ninmi.

SOFONÍAS 3:11

Cancunapaj chaupimantaca, jatun tucushpa cushicujcunataca anchuchishami. Chaimantami ñucapajlla urcupica, ña mana cutinca jatun tucunguichij. Chashnami chai punllapica, cancunaca millaita rurashpa ñucata c'ariyashcamanta ña mana pingachishca canguichij.

SOFONÍAS 3:17

Mandaj Diosca cancunapaj chaupipimari, paica tucuita rurai tucuj cashcamantaca cancunataca quishpichingami. Cancunamantaca Mandaj Diosca cushicungamari. Paica c'uyashcamantaca upallangamari. Cancunamantaca cushicushpami paica cantanga.

ZACARÍAS 2:9

Chaimantami ñuca maquita alzashpa, paicunataca llaquichigrini. Paicuna imalla charishcacunatapish, servijcunallatajmi tucuita quichushpa apangacuna. Chashna rurajpimari ñucataca, tucuita Mandaj Dios cachashcata yachanguichij” ninmi.

NÚMEROS 11:29

Chaimi Moisesca: –¿Canca Dios huillachishcata huillajca ñucalla cachun nishpachu huañuricungui? Tucui israelcuna Mandaj Dios huillachishcata huillaj cashpapish allichari canman. Mandaj Diosca tucui paicunapaj jahuapipish paipaj Espirituta churashpachari alli canman– nircami.

NÚMEROS 23:21

Jacobpaj huahua huahuacunapica ima mana allita rurajta mana ricushcachu. Israelcunapica ima millaita rurajta mana ricushcachu. Mandaj paicunapaj Taita Diosmari paicunahuanca. Paicunaca ñucanchijta Jatun Mandaj nishpami alabancuna.

2 Corintios 6:16

Dios causana huasica, rurashcalla dioscunahuanca mana shuj shinalla cai tucunchu. Cancunamari causacuj Dios causana huasi canguichij. Diosllatajmi, cashna nirca: “Ñucaca paicunapurapimi causasha, purisha. Ñucaca paicunapaj Diosmi casha, paicunaca ñuca agllashcacunami cangacuna” nishcami.

DEUTERONOMIO 23:14

Mandaj Dios cancunapaj Taita Diosca cancunata quishpichingapaj, cancunata p'iñajcunata cancunapaj ñaupajpi churangapajmi carpa huasicuna chaupipi puricun. Chaimantami cancunapaj carpa huasicuna tiyanca ima mapa illaj cana can. Cancunapaj chaupipi ima mapata mana ricushpaca paica cancunapaj chaupimantaca mana anchungachu.

1 Pedro 2:6

Quillcachishcapica: “Riquichij, huasichi callaringapaj esquinapi churana agllashca valij rumitaca Sionpimi churani. Maijanpish paipi crijca, mana pingachishca cangachu” ninmi.

Apocalipsis 21:3

Cielomanta cashna nishpa sinchita caparijtami uyarcani: “Diospaj carpa huasica cunanca tucui gentecunahuanmi. Paicunahuanmi causanga paicunaca Diospaj huahuacunami canga. Paicunapaj Diostaj cashcamantaca, paitajmi paicunahuan canga.