JOEL 2:26 - Dios Rimashca Shimicunami

²⁶ Cancunaca chai granocunataca mana nijtami micunguichij. Cancunaman achca allicunata cuj, Mandaj Taita Dios ñucatami: Sumajmari cangui ninguichij. Cunanmantapacha ñuca agllashcacunaca, ña mana cutin pingachishca canguichijchu.

JOEL 2:26 Iomraidhean Croise

GÉNESIS 33:11

Canman convidangapaj ñuca apamushcacunataca chasquipailla. Taita Dios ñucaman cushcamanta tucui caicunaca ñucapajmi– nicujllapimi, Esauca japirca.

NEHEMÍAS 9:25

Muyundij pircayuj pueblocunatapish japircacunami. Alli granota p'ucuj allpacunatapish japircacunami. Huasicunatapish tucui imalla tiyashcacunahuan jundatami japircacuna. Yacupaj tanque rurashcacunatapish, uva chagracunatapish japircacunami. Olivos yuracunatapish, tucui laya micunata p'ucuj yuracunatapish japircacunami. Paicunaca mana nijtami micurcacuna. Fuerzasapacunami tucurcacuna. Mandaj Dios c'uyaj cashcapimi cushicurcacuna.

SALMOS 103:5

Paica cambaj shimi jundata mana nijta carajmi. Chashna rurashpaca águila shina fuerzayujtami ruran.

SALMOS 116:7

Cunantajca samari tucunimi. Mandaj Diosmari ñucapaj allita rurarca.

SALMOS 13:6

Mandaj Diostami cantasha. Paica ñucapaj allita rurashcami.

SALMOS 22:26

Mana jatun tucushcacunaca micungacunami. Mana nijtami micungacuna. Mandaj Diosta mashcajcunaca paita alabangacunami. Paicunaca unitami causangacuna.

SALMOS 37:19

Llaqui punllacunapipish, pingai tucuchun mana saquingachu. Yaricai punllacunapipish huijsa pajtatami caranga.

SALMOS 67:5

¡Taita Dios quiquintaca tucui llajtacuna alabachun. Tucui llajtacuna quiquinta alabachun!

SALMOS 72:18

Mandaj Taita Diosca alli nishca cachun. Israelcunapaj Taita Diosca alli nishca cachun. Mancharinacunata rurajca paillamari.

PROVERBIOS 13:25

Cashcata rurajca micunatapish pajtatami charincuna. Ashtahuanpish Diosta mana manchajcunaca, chushaj huijsami puringacuna.

CANTARES 5:1

Ñuca panilla, ñuca c'uyashca huarmiculla, ñuca huertamanmi shamurcani. Ñuca mirratapish, mishquiman ashnaj jambicunatapish ñamari japini. Sacha chuspi huachashca mishquitapish ñamari micuni. Vinotapish, lechetapish ñamari ubyani. Ñucahuan alli apanacujcunapish, ñuca c'uyashca huauquicunapish cushicushpa huijsa pajtata micupaichijlla, ubyapaichijlla.

ISAÍAS 25:1

Mandaj Dios canmi ñuca Dios cangui. Mancharinacunata quiquin rurashcamantaca cambaj shutitaca jatunyachishami. Cambaj shutitaca alabashami. Ñaupaman quiquin imata ruranata yuyarishcataca chaitatajmi pajtachishcangui.

ISAÍAS 29:22

Chaimantami Abrahamta quishpichij Mandaj Diosca, Jacobpaj huahua huahuacunataca cashna nin: “Cunanca Jacobca ña mana pingaichishcachu canga. Paipaj ñahuipish ña mana huajlliringachu.

ISAÍAS 45:17

Ashtahuanpish israelcunaca Mandaj Diospimi huiñaipaj quishpiringacuna. Cancunaca nunca mana pingachishca canguichijchu. Nunca mana cumurichishca canguichijchu.

ISAÍAS 49:23

Jatun mandajcunami cancunataca huahuata cuidaj shina cuidanga. Jatun mandaj huarmicunami cancunapajca huiñachij mama shina canga. Cambaj ñaupajpi cungurishpami pambaman tupajta cumuringacuna. Cambaj chaquipi caj ñutu allpatami lambingacuna. Chaipimi ñucataca Mandaj Diostaj cashcata yachangui. Ñucapi shunguta churashpa shuyajcunaca, manataj pingai tucungacunachu” ninmi.

ISAÍAS 54:4

Ama manchaichu, mana muspachishca canguichu. Ama pingarichu ña mana ashtahuan pi pingaichingachu. Can chairaj cashpa pingai tucushcatapish cungaringuimi. Viuda cajpi canta pingaichishcataca ña mana ashtahuan yuyaringuichu.

ISAÍAS 55:2

¿Ima nishpataj manapish micuna cajta randishpa cullquitaca tucuchinguichij? Cancuna trabajashcamanta japishcatapish yangapimari tucuchinguichij. Alli uyaichigari: Alli micunata micuichigari. Sumaj micunata micushpamari cancunapaj almaca cushijlla canga.

LEVÍTICO 25:19

Chai llajtapish alli granocunatami p'ucunga. Mana nijtami micunguichij. Chai llajtapica imata mana manchashpami causanguichij.

LEVÍTICO 26:26

Cancunapaj micunacunata ñuca chingachijpica, chunga huarmicunami shuj hornollapi tandata cusashpa, chaita chaupinacushpa micushpapish yaricai pararijtaca mana micunguichijchu.

LEVÍTICO 26:5

Cancunapaj trigota manaraj tucui trillajpimi, uvata tandanapish ña chayamunga. Uvata manaraj tucui tandajpimi, tarpuipish chayamunga. Cancunaca quiquin micunatami mana nijta micunguichij. Quiquin llajtapimi imata mana manchashpa causanguichij.

MIQUEAS 6:14

Micushpapish mana sajsanguichu, yaricaillahuantajmi saquiringui. Ima charinacunata tandachishpapish, mana pacai tucunguichu. Imata pacajpipish, canta p'iñajcunamanmi cushpa cachasha.

SOFONÍAS 3:11

Cancunapaj chaupimantaca, jatun tucushpa cushicujcunataca anchuchishami. Chaimantami ñucapajlla urcupica, ña mana cutinca jatun tucunguichij. Chashnami chai punllapica, cancunaca millaita rurashpa ñucata c'ariyashcamanta ña mana pingachishca canguichij.

ZACARÍAS 9:15

Paicunataca, tucuita Mandaj Diosmi huaquichinga. Paicunata p'iñajcunataca huañuchingacunami. Huaracahuan shitana rumicunatapish sarungacunami. Yahuartapish vinota shinami ubyangacuna. Chaimantaca machashcacuna shinami caparirishpa puringacuna. Jatun tazapi, altarpi tiyaj gachucunapi shinami jundachingacuna.

ZACARÍAS 9:17

Paicunapaj c'uyaica achcami canga, paicunaca sumaj ñahui runacunami canga. Trigoca mosocunata, vinoca solteracunatami cushichinga.

Romanos 10:11

Quillcachishcapica: “Maijanpish paipi crijtaca, mana pingachishcachu canga” ninmi.

Romanos 5:5

Shuyaj yuyailla canaca mana pingachinchu. Diosca paipaj jucha illaj Espirituta ñucanchijman cushpami, paipaj c'uyaitaca ñucanchij shungupi tallirca.

Romanos 9:33

Cashnami quillcashca tiyacun: “Riquichij, ñucaca Sionpimi ñitcachij rumitaca, urmachij jatun rumitaca churani. Maijanpish paipi crijtaca, mana pingachishcachu canga” ninmi.

DEUTERONOMIO 11:15

Cancunapaj animalcunapajpish q'uihuapish mana illangachu. Cancunapish mana nijtami micunguichij.

DEUTERONOMIO 12:12

Mandaj Dios cancunapaj Taita Diospaj ñaupajpi cancunapish, cancunapaj churicunapish ushushicunapish, cancunapajta ruraj c'aricunapish, huarmicunapish, cancuna causanpi causaj levitacunapish chaicunata micushpami cancunahuan cushicungacuna. Paicunaca allpacunata mana charishcamantami cancunahuan cushicungacuna.

DEUTERONOMIO 12:18

Ashtahuanpish Mandaj Dios cancunapaj Taita Dios agllashca pueblopimi Mandaj Dios cancunapaj Taita Diospaj ñaupajpi micuna canguichij. Cancunapish, cancunapaj churicunapish, ushushicunapish, cancunapajta ruraj c'aricunapish, huarmicunapish, cancuna causacunpi causaj levitacunahuanpishmi chaitaca micuna canguichij. Cancunapaj maquihuan trabajashcamantaca Mandaj Dios cancunapaj Taita Diospaj ñaupajpi chashna cushicunguichij.

DEUTERONOMIO 12:7

Chaipimi Mandaj Dios cancunapaj Taita Diospaj ñaupajpi micushpa, cancunapaj maquihuan tucui imalla rurashcapi, Mandaj Dios cancunapaj Taita Dios allicunata cushcamantaca cancunapish, cancunapaj familiapish cushicuna canguichij.

DEUTERONOMIO 8:10

Cancunaca chaipimi huijsa jundata micunguichij. Mandaj Dios cancunapaj Taita Diostaca chai sumaj llajtata cancunaman cushcamantami alli ninguichij.

1 Timoteo 6:17

Cai pachapi achcata charijcunataca ama jatun tucuchun, charinacunallapi ama yuyaita churachun mandangui. Chaicunaca chingarijllami. Ashtahuanpish ñucanchij cushicuchun tucui imatapish yallijta cuj causaj Taita Diospi yuyaita churachun mandangui.

1 Juan 2:28

Cunanca huahuacuna, pai ricurijpi ama manchashpa ñahui ñahui ricuringapajca, paihuan shuj shinalla catichijlla.