JOEL 2:23 - Dios Rimashca Shimicunami

²³ Siónpi causajcunalla, cancunata Mandaj Taita Dioshuan cushicuichigari. Cancunamanca punta tamyataca tamyana punllallatajmi curca. Paimari punta tamyatapish, q'uipa tamyatapish ñaupaman cachashca shinallataj cancunamanca cachanga.

JOEL 2:23 Iomraidhean Croise

1 REYES 8:36

jahua pachamanta can uyashpa cambajta rurajcunapaj juchacunata, can agllashca israelcunapaj juchacunata perdonashpa, alli ñanpi purinata yachachishpa, paicunapaj allpacuna cachun can cushca allpacunapica tamyachinguimi.

JOB 33:23

Alli rimajcunamanta agllashca runa tiyashpachari, runahuan Dioshuan chaupipi shayarishpa, runa imallata rurana cashcataca huillanman.

JOB 37:13

Taita Diosca chai tucuitaca huaquinpica llaquichingapaj, huaquinpica pai rurashca allpata c'uyashcamanta, huaquinpica llaquishcata ricuchingapajmi cachan.

SALMOS 104:34

Ñuca pai munashcata yuyarishcaca mishquimari. Ñucaca Mandaj Diospimi cushicusha.

SALMOS 147:8

Paica jahua pachata p'uyuhuan tapachijmi. Paica tamyata allpapaj allichijmi. Paica urcucunapi q'uihuata huiñachijmi.

SALMOS 149:2

Israelcuna, cancunata Ruraj Taita Dioshuan cushicuichigari. Siónpi causajcuna, cancunata Jatun Mandajhuan cushicuichigari.

SALMOS 28:7

Mandaj Diosca ñuca fuerzami, ñuca escudomi. Paipimi ñuca shunguta churani. Paimi ñucata ayudan. Ñucaca shungumantatajmi cushicuni. Ñuca cantohuanmi alabani.

SALMOS 32:11

Cashcata rurajcuna, Mandaj Diospi cushicuichij. Alli nishcacuna paillapi cushicuichij. Ima pandata mana ruraj shunguyujcuna cushicuihuan cantaichij.

SALMOS 84:6

Huacana pugru pambata ch'imbashpaca, yacucuna pajchacuj pugrutami rurancuna. Yacu tandana tanquepi yacu jundajtami tamyan.

PROVERBIOS 16:15

Jatun mandaj cushijlla ñahuihuan cajpica, huañuna manchaipish mana tiyanchu. Pai alli cashcaca, q'uipa tamya shamushca shinami.

ISAÍAS 30:21

Cancunapaj rinrincunaca cancunapaj huashamantaca: “Caimari ñan, paillapi purichij. Alli ladomanpish, lluqui ladomanpish ama llujshinguichijchu” nishca shimicunatami uyanguichij.

ISAÍAS 30:23

Chaipica Jatun Diosca, allpapi cancuna tarpushca chagramanpish tamyata cachajpimi, chai allpaca yallitaj granota p'ucunga. Chaica cancunaman fuerzata cujmi canga. Chai punllacunapica cancunapaj huagracunatapish, yallitaj achca q'uihuacunapimi michinga.

ISAÍAS 41:16

Chaicunataca aventanguichijmi, huairami apanga. Acapanami caita chaita apanga. Ashtahuanpish canca Mandaj Diospimi jatunta cushicungui. Israelcunapaj jucha illaj Diospimi sumajyaringui.

ISAÍAS 61:10

Mandaj Diospimi ñucaca yallitaj cushicusha. Ñuca Taita Diospimi ñuca almaca cushicunga. Paimi ñucamanca churanata shinaca quishpirinata churachirca. Cashcata ruranahuanmi pilluchirca. Noviota shinami sumajta allichirca. Noviata shinami achca valijcunahuan sumajta allichirca.

JEREMÍAS 3:3

Chashna rurashcamantamari punta tamyana punllacunapipish, q'uipata tamyana punllacunapipish mana tamyarca. Shina cajpipish huainayaj, pingai illaj huarmi shinamari manataj pingai tucungui.

JEREMÍAS 5:24

Cancunapaj shungupica: Cunanca ñucanchijta Mandaj Diosta manchashpa causashunchij. Paimari punta tamyatapish, q'uipa tamyatapish tamyana punllacunapitaj cachan. Chagracuna tandana tucuchunpish paimari usyachin ninallatapish mana yuyaringuichijchu.

LAMENTACIONES 4:2

Siónpi causajcunaca, imahuan mana chagru curitapish yalli munashca c'uyashcamari carca. Cunanca, mangata ruraj rurashca allpa mangata shinallamari yangata ruran.

EZEQUIEL 34:26

Ñuca ovejacunataca ñucapajlla urcu muyundijpimi churasha, paicunamanca achca allicunatami cusha. Shinallataj tamyana punllacunapimi tamyatapish cachasha, chai tamyahuanmi achca allicunata japingacuna.

OSEAS 6:3

Mandaj Diosta rijsishunchij. Paitaca rijsingacamataj fuerzarishpa mashcashunchij. Paica pacaripi mana uniyashpa inti llujshij shinami shamunga. Punta tamya, q'uipa tamya allpaman shamuj shinami ñucanchijpajmanca shamunga.

LEVÍTICO 26:4

Chashna cajpica tamyana punllapitajmi tamyachisha. Chaipica cancunapaj allpacunapish, cancunapaj allpapi caj yuracunapish alli granocunatami p'ucunga.

AMÓS 4:7

“Shinallataj granocunata tandanapaj quimsa quilla illajpirajmi, tamyatapish mana cacharcani. Maijan pueblota tamyachishpapish, maijan pueblotaca mana tamyachircanichu. Chaimantami maipi tamyashcapica, alli grano p'ucurca. Maipi mana tamyashcapica, tucui chaquirirca.

ZACARÍAS 10:1

Mandaj Diostaca, q'uipa tamyata cachachun mañaichigari. Mandaj Diosca relampacunata ricuchishpami, cancunamanca manchanayaj tamyata cachanga. Chai tamyahuanmi chagracunapica, tucuicunapajllataj q'uihuacunaca verdijlla huiñanga.

ZACARÍAS 10:7

Efrainpaj huahua huahuacunaca, c'ari c'ari macanacujcuna shinami canga. Paicunaca vinota ubyashpa cushicuj shinami cushicunga. Chaita ricushpaca, paicunapaj churicunapish cushicungacunami. Paicunaca Mandaj Dioshuan cashcamantami, achcata cushicungacuna.

ZACARÍAS 9:13

Judá llajtapi causajcunataca, arcota shinami ñucapajca allichircani. Efrainpaj huahua huahuacunataca, chai arcopi churashpa shitana puntajlla caspitami rurarcani. Siónpi causajcunalla, cancunataca espadatami rurarcani. Cancunapaj churicunataca, Grecia llajtapi causajcunahuan c'ari c'ari macanacujcunatami rurarcani” ninmi.

ZACARÍAS 9:9

Siónpi causajcunalla, achcata cushicuichigari. Jerusalenpi causajcunalla, cushicushpa caparichigari. Cancunapajmanmi jatun mandajca shamunga. Paica cashcata rurajpish, quishpichijpishmi canga. Jatun mandajca, alli shungumi. Burropi tiyarishcami shamunga, aparij burropaj huahua, malta burropimi paica tiyarishpa shamunga.

Hechos 14:17

Chashna causacujpipish Taita Diosca tamyata cachashpa granocuna p'ucuna punllapitaj p'ucuchishpami ñucanchijmanca mana nijta carashpa cushichin. Chashnami pai alli cashcataca ricuchin– nircacunami.

DEUTERONOMIO 11:14

cancunapaj allpapica tamyana punllacunallapitaj ñaupa tamyatapish, q'uipa tamyatapish tamyachisha. Chaipica trigota, vinota, aceitetami cancunaca tandanguichij.

DEUTERONOMIO 28:12

Mandaj Diosca tamyata huaquichishca jahua pachata pascashpami, cancunapaj allpacunapica tamyana punllacunapitaj tamyachishpa cancunapaj maquihuan tucui imalla rurashcacunapica allicunata cunga. Cancunaca achca shujtaj llajtacunaman mañachingapajmi charinguichij. Ashtahuanpish cancunaca pita mana mañanguichijchu.

DEUTERONOMIO 32:2

Ñuca yachachishcaca tamya shinami urmanga. Ñuca imallata yuyachishcaca shulla shinami shutujyachinga. Gramapi garhuashca shinami canga. Q'uihuapi tamya shutuj shinami canga.

Filipenses 3:1

Chaimanta huauquicuna, Mandaj Jesuspi cushicuichij. Chaillatataj cutin quillcanapish ñucataca mana p'iñachinchu. Cancunapaj alli cana cajpimi quillcani.

Filipenses 3:3

Ñucanchijmi circuncisionta rurashcacuna, Espiritupi Diospajta rurajcuna canchij. Aichata p'itichishcapica mana shunguta churashpami, Cristo Jesuspi jatunyarinchij.

Filipenses 4:4

Mandaj Jesuspi shujlla cashcamanta yallitaj cushicucuichijlla. Cutinmi nini: ¡Yallitaj cushicucuichijlla!