JOEL 2:19 - Dios Rimashca Shimicunami

¹⁹ Mandaj Diosca pai agllashcacunamanca cashnami cutichinga: “Riquichij, ñucaca cancunamanca micunatapish, llullu vinotapish, aceitetapish pajtatami caragrini. Cancunata p'iñaj llajtacuna llaquichichunpish manataj saquishachu.

JOEL 2:19 Iomraidhean Croise

JEREMÍAS 31:12

“Paicuna tigramushpaca, jatun cushicuihuan cantashpamari, Sión urcuman huichiyangacuna. Mandaj Dios cushca allicunata chasquingapajmi, callpashpa shamungacuna. Pai cushca tucui laya sumaj micunahuan, vinohuan, aceitehuan, ovejacunahuan, huagracunahuanmi cushicungacuna. Punllanta yacuta regashca huerta shina cushijllatami causangacuna. Manataj cutinca ima llaquita charingacunachu.

EZEQUIEL 34:29

Paicunapajca sumaj michina pambatami rurasha. Cai llajtapica ña mana ashtahuan yaricaihuan huañungacunachu, ña mana ashtahuan shujtaj llajtacunapi causajcuna pingachishca causangacunachu.

EZEQUIEL 36:15

Shinallataj shujtaj llajtacunapi causajcuna c'amishpa rimashcatapish, ña mana ashtahuan uyanguichijchu. Cancunapi causaj huahuacunatapish, ña mana ashtahuan huañuchinguichijchu ninmi Mandaj Jatun Diosca ni” nircami.

EZEQUIEL 36:29

Cancunataca tucui mapamantami huaquichisha, achca trigotapishmi cusha. Ña mana cutinca yaricaica tiyangachu.

EZEQUIEL 36:30

Shujtaj llajtapi causajcuna, ama cutin cancuna yaricaihuan cajta ricushpa chanzata rurashpa asichunmi, yuracunapipish allpacunapipish granocunataca achcata p'ucuchisha.

EZEQUIEL 39:29

Paicunamantaca ñuca ñahuitaca, ña mana cutinca anchuchishachu, ashtahuanpish israelcunapica ñuca Espiritutami churasha ninmi Mandaj Jatun Diosca ningui” nircami.

OSEAS 2:15

Chaimantapachami uva chagracunataca paillamantaj cutin cusha. Acor pugru pambatapish, allicunata japina pungu canamanmi tigrachisha. Chaipimi paica, solteraraj cashpa cantashca shina cantanga. Egiptomanta huichiyacui punllapi cantashca shina cantanga.

OSEAS 2:21

Mandaj Diosca cashnami nin: “Chai punllacunapi imalla mañashcacunataca cutichishami. Jahua pacha mañashcataca ñucami cutichisha, cai pacha mañashcataca jahua pachami cutichinga.

OSEAS 2:22

Shinallataj allpaca trigota, uvata, aceitetami p'ucunga. Tucui chai granocunaca Jezreelpajmi canga.

JOEL 1:10

Chagracunaca llaquinayajmari. Tarpuna allpaca, chushaj yana allpallamari. Trigopish tucurishcamari, llullu vinopish chaquirishcamari, aceitepish chingarishcamari.

JOEL 2:24

Chaimantami trigotaca, erapi yallitaj parvanguichij. Vinotapish, aceitetapish yallitajmi charinguichij.

LEVÍTICO 26:5

Cancunapaj trigota manaraj tucui trillajpimi, uvata tandanapish ña chayamunga. Uvata manaraj tucui tandajpimi, tarpuipish chayamunga. Cancunaca quiquin micunatami mana nijta micunguichij. Quiquin llajtapimi imata mana manchashpa causanguichij.

ZACARÍAS 8:12

Ashtahuanpish paicunapajca, sumaj causaimi tarpushca shina saquiringa. Uvapish achcatami p'ucunga. Allpacunapish achca granocunatami p'ucunga. Jahua pachapish tamyata cachangami. Chai tucui allicunatami, cai pueblopi causajcunapuramanta saquirishcacunamanca cusha.

Mateo 6:33

Chaimanta cancunaca Taita Dios mandashcaraj tucuichij. Pai munashca shina causajcunaraj tucuichij. Chashna cajpica, Taita Diosca imalla illashcacunataca cancunamanca ashtahuan mirachingallami.

DEUTERONOMIO 11:14

cancunapaj allpapica tamyana punllacunallapitaj ñaupa tamyatapish, q'uipa tamyatapish tamyachisha. Chaipica trigota, vinota, aceitetami cancunaca tandanguichij.

RUT 1:6

Noemica Moabpi causacushpami: “Mandaj Diosca pai agllashcacunataca ñami ricuj shamushca. Granocunaca ñami p'ucucun” nijta uyashpami, Noemica, paipaj llajtallamantaj tigranata yuyarishpa, paipaj ishqui nueracunandij allichirirca.