JOEL 2:17 - Dios Rimashca Shimicunami

¹⁷ Mandaj Diospajta ruraj curacunalla, cancunaca pungu ucuman yaicushpa, altarhuan chaupipi shayarishpa huacashpa: Mandaj Dioslla, cambajlla agllashcacunataca perdonahuayari. Cambajlla cachun can japishcacunataca, p'iñajcunaman ama cuhuangui. Paicunataca shujtaj llajtapi causajcuna mandachunpish ama saquihuangui ninguichij. Shujtajcunaca: ¿Maipitaj paicunapaj Diosca? ningacunami” ninmi.

JOEL 2:17 Iomraidhean Croise

1 REYES 6:3

Diospaj huasi ñaupajpi caj corredorca, sunimanca Diospaj huasi ucu ancho shina iscun metromi carca. Anchomanca chuscu metro chaupimi carca.

1 REYES 9:7

ñuca cancunaman cushca allpamantaca israelcunataca anchuchishami. Ñucapajlla cachun ch'icanchishca cai huasitapish ñuca ñaupajmanta anchuchishami. Chashna rurajpimi israelcunamantaca, tucui cai pachapi causajcunaca yuyachij shimicunata rimashpa asicungallacuna.

2 CRÓNICAS 7:20

ñuca cancunaman cushca allpamantaca israelcunataca anchuchishami Ñucapajlla cachun ch'icanchishca cai huasitapish ñuca ñaupajmanta anchuchishami. Chashna rurajpimi israelcunamantaca tucui cai pachapi causajcunaca yuyachij shimicunata rimashpa asicungallacuna.

2 CRÓNICAS 8:12

Salomonca, Mandaj Diospaj paillataj rurashca altarpimi, Mandaj Diosman cushpa tucui rupachij carca. Chai altarca, Diospaj huasiman yaicuna corredor ñaupajpimi carca.

NEHEMÍAS 9:36

Cai llajtataca ñucanchij ñaupa yayacuna chaipi imalla p'ucushca granota micushpa cushicushpa causachunmi cushcangui. Chai llajtallapitajmari cunanca shujtajpajta huatashca shina rurajcuna tucushcanchij.

SALMOS 115:2

Imamantataj gentecunaca: “¿Cambaj Diosca cunanca maipitagari?” ningacunari.

SALMOS 42:10

Ñucata p'iñajcunaca punllantami: “¿Maitagari cambaj Taita Diosca?” nincuna. Chashna nishpaca ñuca tullucunata p'aquij shinami ñucataca llaquichincuna.

SALMOS 42:11

Ñuca almalla ¿ima nishpataj shaicuringuiyari? ¿Ima nishpataj ñuca ucupica yallitaj muspachinguiyari? Taita Diosta shuyailla. Paitaca alabasharajmi. Paica ñucata quishpichijmi. Ñuca Diosmi.

SALMOS 42:3

Tutapish, punllapish ñuca micunaca huiquillami carca. Punllantami ñucataca: “¿Maitagari cambaj Taita Diosca?” nincuna.

SALMOS 42:4

Caicunata ñuca yuyarishpaca, shungumantami llaquirini. Achcacunahuan ricuj cashcata, Taita Diospaj huasiman achcacunata pushacuj cashcata, jatun fiestapi achcacuna cushicushpa cantashpa alabacujcunapaj chaupipi caj cashcata yuyarishpami llaquirini.

SALMOS 74:10

Taita Dioslla, ¿maicamataj ñucanchijta llaquichijcunaca ñucanchijtaca c'amicungallari? Quiquinta p'iñajcunaca ¿huiñaitachu quiquinpaj shutita p'iñashpa c'amicungalla imatagari?

SALMOS 79:10

Diosta mana rijsijcunaca: “¿Maitagari cancunapaj Taita Diosca?” ningacunami. Tucui chai llajtacuna ricuna cachun quiquinpajta rurajcunata huañuchishpa yahuarta jichashcamantaca, ñucanchij ricuipi paicunatapish huañuchiyari. Chaitaca tucui shujtajcunapish yachashca cachun chashna rurayari.

SALMOS 79:4

Ñucanchij c'uchullapi causajcuna yanganchishcamari canchij. Ñucanchij muyundijpi cajcuna chanzata rurashpa asishcamari canchij.

SALMOS 89:41

Ñanta tucui pasajcunami imatapish shuhuancuna. Paipaj c'uchullapi cajcunapish yanganchincunamari.

SALMOS 89:51

Mandaj Dios, quiquinta p'iñajcunamari pingaichincuna. Quiquin churashca jatun mandajtaca cada chaqui sarushcapimi pingaichincuna.

ÉXODO 34:9

cashna nirca: –Jatun Dioslla, quiquinpaj ñaupajpi ñuca allitaj ricurishca cajpica cunanca Jatun Dioslla ñucanchijhuan jacupai. Cai israelcunaca rumi shungucunami. Shina cajpipish ñucanchij millaita rurashcacunata, ñucanchij juchacunata perdonashpa cambaj huahuacunata rurahuai– nircami.

ISAÍAS 22:12

Chaimi tucuita Mandaj Jatun Diosca cancunataca umata lluchuta ruturishpa, cañamazuta churarishpa chai punllapi jatunta llaquirishpa caparishpa huacachun cayarca.

ISAÍAS 37:20

Cunanca Mandaj Dios, ñucanchij Dioslla quishpichihuayari. Tucui cai pacha llajtacunapi causajcuna quiquin Mandaj Dioslla Diostaj cashcata yachachunmi chai jatun mandajpaj maquimanta quishpichichun nini” nishpami mañarca.

EZEQUIEL 20:9

Chashna nishca cashpapish, shujtaj llajtacunapi causajcunapaj ricuipi ama yangata rurashca cangapaj, ñuca shutipish alli nishca cangapajmi paicunataca mana llaquichircani. Chai llajtapi causajcunapaj ñahuipica, rijsishcami tucurcani. Chaimantami israelcunataca, Egipto llajtamanta llujshichircani.

EZEQUIEL 8:16

Chaimantaca ñucataca Mandaj Diospaj huasi canllamanmi pusharca. Mandaj Diospaj huasiman yaicuna punguhuan altarhuan chaupipica, ishqui chunga pichca runacunatami ricurcani. Paicunaca Mandaj Diospaj huasi ladoman huashata ricuchishpami, inti llujshin ladota ricushpa shayacurcacuna. Inti llujshin ladollamantajmi cungurishpa intita adorarcacuna.

OSEAS 14:2

Mandaj Diospajman cutirishpa cashna nishpa rogarichij: “Millaita ñucanchij rurashcataca tucuita anchuchi. Ñucanchij rogarishcataca c'uyaihuan chasquipai. Chaipica ñucanchij shimihuan cantashcatami quiquinmanca cushun.

JOEL 1:13

Curacuna, chumbillirishpa caparishpa huacaichigari. Mandaj Diosman altarpi cushpa rupachijcuna, huacaichigari. Ñuca Diospajta rurajcuna, cañamazuta churarishpa dormichigari. Cancunapaj Diospaj huasimantaca imalla cuna cashcatapish, tallina vinotapishmi anchuchishca.

JOEL 1:9

Mandaj Diospaj huasimanca Diosman imalla cuna cashcatapish, tallina vinotapish ña mana apamuncunachu. Chaimantami Mandaj Diospajta ruraj curacunaca, llaquirishpa huacacuncuna.

AMÓS 7:2

Chai langostacuna ñalla tucuita micucujta ricushpami ñucaca: –¡Mandaj Jatun Dioslla, perdonahuailla! Yaya Jacobopaj huahua huahuacunaca ashallamari ¿pitaj ayudai tucungari?– nishpami mañarcani.

AMÓS 7:5

Chashna llaquichicujta ricushpami ñucaca: –¡Mandaj Jatun Dioslla, cai ninataca huañuchipailla! Yaya Jacobopaj huahua huahuacunaca ashallamari, ¿pitaj ayudai tucungari?– nishpa mañarcani.

MIQUEAS 7:10

Chashna rurashcataca, ñucata p'iñajpish ricungami. Chaita ricushpaca, pingaringami. Paica ñucata llaquichicui punllapica: “¿Maipitagari canta Mandaj Taita Diosca?” nircami. Ashtahuanpish cunanca paitarajmi ñancunapi sirij lodota shina sarushpa llaquichicujta ricusha.

MALAQUÍAS 1:9

Chaimantaca: Cunanca Taita Dios ñucanchijpaj allita rurachun, ñucanchijta llaquichun mañapaichigari ninguichijmi. Ashtahuanpish chashna imapish mana allicunata cujpica, maitataj ñucaca cushicushari. Tucuita Mandaj Diostajmi chashna nini.

NÚMEROS 25:6

Moisespish, tucui israelcunapish Mandaj Dioshuan tupanacuna carpa huasi ñaupajpimi huacacurcacuna. Paicuna ricucujpimi israelcunapuramanta shuj runaca, paicunapajman madianita huarmita pushashca chayamurca.

Mateo 23:35

Chaimantaca, cashcata rurashpa causaj ñaupa gentecunata huañuchishca yahuarmanta llaquitaca, cancunami apanguichij. Cashcata ruraj Abelmanta callarishpa, Berequiaspaj churi Zacariastapish huañuchishcacamami, chai llaquitaca apana canguichij. Diospaj huasihuan, altarhuan chaupipimi Zacariastaca huañuchircanguichij.

Mateo 27:43

Paica: Diospaj Churimi cani nishpamari, Diospi shunguta churashpa puricurca. Paita Dios llaquishpaca, cunanllataj quishpichinmanmari” ninacurcacunami.

DEUTERONOMIO 28:37

Mandaj Dios cancunata apashca llajtacunapica cancunaca mancharishpa yuyanami tucunguichij, yuyachij shimicunahuan parlana, chanzata rurashpa asinami tucunguichij.

DEUTERONOMIO 32:27

Paicunata p'iñajcuna c'amishpa ñucata asichunca mana munashpami, mana chashna chingachircani. Chai runacuna pugllachunmi mana munarcani. Chai runacunataca: 'Mana Mandaj Dioschu cashna chingachin. Ashtahuanpish ñucanchij alli c'ari c'aricuna cashpami chashna tucuchinchij nishpami' jatun tucunmancuna carca.

JOSUÉ 7:9

Cai Canaán llajtapi causajcunapish, tucui llajtapi causajcunapish yachashpaca, tucuicuna tandanacushpa muyunchishpamari ñucanchijtaca chingachingacuna. Cambaj jatun shuti ama yanganchishca cachunca ¿imatataj ruranguiyari?– nircami.