JOEL 2:13 - Dios Rimashca Shimicunami

¹³ Ama churanataraj lliquirichijchu, ashtahuanpish cancunapaj shungupi llaquirichigari. Cancunata Mandaj Diospajman cutirichigari. Paica llaquishpa cashcata rurajmari, mana utca p'iñarij, jatunta llaquijmari, llaquichisha nishpapish, llaquishpa jarcarijmi.

JOEL 2:13 Iomraidhean Croise

GÉNESIS 37:29

Chai q'uipami Rubenca, chai jutcuman tigrashpa chaipi Joseta ña mana japishpaca, paipaj churanata lliquirirca.

GÉNESIS 37:34

Jacobca paipaj churanacunata lliquirishpa, cañamazuta churarishpami paipaj churimantaca achca punllacunata llaquilla carca.

2 SAMUEL 1:11

Chaimi Davidca pai churashca churanata chutashpa lliquirirca. Paihuan caj runacunapish chashnallatajmi rurarcacuna.

1 REYES 21:27

Chashna nishcacunata Acab uyashpaca, pai churarishca churanataca lliquishpa cañamazuta churarishpa, ayunashpami, cañamazullapitaj dormishpa llaquilla purirca.

2 REYES 22:11

Jatun mandajca mandashca libropi quillcashcata rezashcata uyashpaca, paipaj churanata lliquirishpami,

2 REYES 22:19

tucui shunguhuan chaipi cambaj yuyaita churashpami Mandaj Diospaj ñaupajpi cumurircangui. Cai llajtapish shitashca saquirinata, tucui chaipi causajcunapish llaquichishca canata huillashcatami uyarcangui. Chaita uyashpaca can churarishcata lliquirishpami, ñuca ñaupajpi huacarcangui. Chaita uyashpaca ñucapish cantaca llaquinimi ninmi Mandaj Diosca.

2 REYES 5:7

Israel llajtata jatun mandaj chai quillcata rezashpaca, p'iñarishpa paipaj churanata lliquirishpami: –Ñucaca Dios shina causaita cui tucuj, causaita quichui tucuj cajpi shinamari, cai runataca lepra ungüimanta alliyachichun ñucapajman cachashca. ¡Chashna rurashpaca ñucahuan p'iñanacungapaj mashcacushcatami ricuchin. Chaitaca cancunallataj ricunguichijmi!– nirca.

2 REYES 6:30

Chai huarmi chashna nijta jatun mandaj uyashpaca, pai churarishca churanata lliquirishpa, pirca jahuata puricujpimi, ucutaca cañamazuta churashca cashcata tucuicuna ricurcacuna.

2 CRÓNICAS 6:27

jahua pachamanta can uyashpa cambajta rurajcunapaj juchacunata, can agllashca israelcunapaj juchacunata perdonashpa, alli ñanpi purinata yachachishpa, paicunapaj allpacuna cachun can cushca allpacunapica tamyachinguimi.

NEHEMÍAS 9:17

Quiquin Dios paicunapaj, mancharinacunata rurashcatapish mana uyashun nircacunachu, mana yuyarishun nircacunachu. Quiquinpajta ruranatapish ch'ahuanyashpa mana rurashun nircacunachu. Ashtahuanpish c'ariyashpami, cutinllataj huatashca shina cangapaj chai llajtallamantaj tigrangapaj paicunapaj pushajcunata agllanata yuyarircacuna. Quiquinca perdonaj Dios, c'uyaj, llaquij, mana utca p'iñarijmi cangui. Chashna yallitaj c'uyaj cashpami, paicunataca mana shitashcangui.

JOB 1:20

Chaimantaca Jobca jatarishpami, paipaj churanatapish lliquirishpa, uma ajchatapish rasparishpa, pambapi cungurishpa Diosta adorashpa,

SALMOS 103:8

Mandaj Diosca, llaquij, mana maipish cachun llaquichijmi. Mana utca p'iñarij, jatunta c'uyajmi.

SALMOS 106:45

Paicunahuan ari ninacushcatapish paica yuyarircami. Pai yallitaj llaquij cashca shinallatajmi paicunataca llaquirca.

SALMOS 34:18

Mandaj Diosca shungupi llaquilla cajcunapaj c'uchullapimi. Espiritupi llaquilla cajcunata quishpichinmi.

SALMOS 51:17

Taita Diosman animalta cushpa rupachina shinaca, shungu p'aquirishca paiman c'uchuyanami. Taita Dioslla, shungu llaquirishca, mana jatun tucushca quiquinpajman c'uchuyajpica mana yanganchinguichu.

SALMOS 86:15

Ashtahuanpish quiquin Jatun Diosca llaquij, cashcata ruraj, mana utca p'iñarij, yallitaj llaquij, mana llullaj Taita Diosmari cangui.

SALMOS 86:5

Jatun Dios quiquinca allimari cangui, perdonajmari cangui. Quiquinta mañajcunataca tucuicunata jatunta llaquijmari cangui.

ISAÍAS 57:15

Jahuajman caj, tucuita yalli jatun, huiñaita causacuj, jucha illaj shutica cashnami nin: “Ñucaca jahuajman ima jucha illajpimi causani. Ashtahuanpish ñucaca llaquihuan cajcunahuan, mana jatun tucushcacunahuanmi causani. Mana jatun tucushcacunata, shungu p'aquirishcacunata jatarichingapajmi paicunahuan causani.

ISAÍAS 58:5

Cancunaca junco shina umata cumurichishpa llaquilla tucushpami ayunashpa cainanguichij. Cañamazuhuan mantashpa ushpata shitarishpami ayunanguichij. ¿Chashna ayunachunchari ñucaca mandarcani? ¿Chashna rurashpachu ayuno cashcata yuyanguichij? ¿Mandaj Dios munashcata rurashpa cainacushcatachu yuyanguichij?

ISAÍAS 66:2

Tucui caicunataca ñuca maquimi rurarca. Chaimantami tucui tiyai callarirca ninmi Mandaj Diosca. “Shina cajpipish ñucaca huajchacunapi, mana jatun tucushcacunapi, ñuca mandashcata manchaihuan cazujcunapimi ñuca ñahuita churani.

JEREMÍAS 36:7

Mandaj Dios jatunta p'iñarishpa paicunata chashna mancharinata llaquichisha nicujta uyashpaca, Mandaj Dios uyana shinata tucui shunguhuan mañangacunapishchari. Paicunapaj millai causaitapish saquishpa cutiringacunapishchari” nircami.

JEREMÍAS 41:5

Siquem, Silo shuti, Samaria shuti pueblocunamantaca, pusaj chunga runacunami Mizpa puebloman shamurcacuna. Paicunaca barbasta p'icharishca, churanacunata lliquirishca, tucui aichata aspirishcami, Mandaj Diospaj huasiman apangapaj Diosman cunatapish, inciensotapish apashca shamurcacuna.

JEREMÍAS 42:10

Cancuna cai llajtallapitaj casijlla saquirijpica, llajta cachun cutin shayachishami. Cutinca ña mana urmachishachu. Alli tarpushpa, cutinca ña mana aisashpa shitashachu. Cunan cancunata cashna llaquichishcataca, ñucallataj nanarishpa llaquirinimi ninmi.

EZEQUIEL 9:4

Mandaj Diosca chai runataca cashnami nirca: “Jerusalén puebloman rishpa, chai pueblopi causajcuna yallitaj millaita rurashcamanta huacashpa capariricujcunata frentepi señalta churagri” nircami.

OSEAS 14:1

¡Israel, Mandaj cambaj Taita Diospajman cutiriyari. Canca cambaj juchallamantatajmi urmashcangui!

JONÁS 3:9

Taita Dios p'iñarishpa llaquichina cashpapish, manapishchari llaquichinga” nishpami mandarca.

JONÁS 4:2

Chashna p'iñarishpami, Mandaj Diostaca cashna mañarca: –Mandaj Dioslla, canca jatunta c'uyaj, llaquij, mana utca p'iñarij, alli shungu Diosmi cangui. Llaquichisha nishpa huillachishpapish, jarcarishpa saquinguillami. Ñuca llajtapi cashparajmi, canca chashna ña yacharcani. Chaimantami can mandajpica, miticushpa Tarsis puebloman ricurcani.

MIQUEAS 7:18

Taita Dioslla, can shina Diosca manamari pi shujtajca tiyanchu. Canca can agllashcacunapuramanta saquirijcuna millaita rurashcatapish cungarijmi cangui. Paicunapaj juchatapish perdonajmi cangui. Paica mana huiñaita p'iñarinchu. Ashtahuanpish llaquij cashcata ricuchishpami cushicun.

NAHUM 1:3

Mandaj Diosca tucuita rurai tucujmi, mana utca p'iñarijmi. Chashna cashpapish, millaita rurajcunata llaquichinataca manataj saquinchu. Mandaj Diosca c'ulun nishpami, jatun acapanapi purin. Pai purina p'uyuca, ñutu allpa shinami.

NÚMEROS 14:18

Yayacunapaj juchamantaca churicunatami quimsa huahua huahuacunacama, chuscu huahua huahuacunacama llaquichini. Juchayujtaca mana juchayujta shinaca manataj saquinichu. Chashna cashpapish Mandaj Dios ñucaca mana utca p'iñarij, yallitaj jatunta c'uyaj cashcamantaca millaita rurashcatapish, c'ariyashcatapish perdonajmi cani nircanguimi.

Romanos 2:4

¿Paica alli canata, mana utca p'iñarij canata, millaita rurajpipish mana utca llaquichij canata achcata charij cashcatachu yanganchingui? Mana cashpaca, paica paipaj alli cashcahuan cutirinaman pushacushcatachu mana yachashca shina tucungui.

Efesios 2:4

Ashtahuanpish Diosca llaquij canapi charij cashpami, paipaj jatun c'uyaihuan ñucanchijtaca c'uyarca.

1 Timoteo 4:8

Aichata cuyuchinapish, asha allimi. Ashtahuanca Taita Dios yuyailla canami tucuipaj alli. Paimi cai causaipajpish, shamuj causaipajpish cusha nishcata charin.