JOEL 2:12 - Dios Rimashca Shimicunami

¹² Mandaj Diosca cashnami nin: “Chaimanta cunanca ayunashpa huacashpa, llaquirishpa tucui shunguhuan ñucapajman cutirichij.

JOEL 2:12 Iomraidhean Croise

2 SAMUEL 24:10

Tucui israelcunata quillcashpa yupashca q'uipami Davidca, mana allita rurashcata paipaj shungupi yuyarishpa Mandaj Diostaca: –Cashna rurashpaca yallitaj mana allitami rurashcani. Mandaj Dioslla cambajta ruraj ñuca juchallishcata anchuchipailla nishpami rogani. Ñucaca upa shinami chashna rurashcani– nirca.

2 CRÓNICAS 30:6

Cachashca huillajcunaca jatun mandaj pai churashca mandajcunandij quillcashca quillcacunata apashpami, tucui Israel llajtatapish, tucui Judá llajtatapish rircacuna. Chashna rishpaca, jatun mandaj yachachishpa cachashca shinallatajmi cashna huillarcacuna: “Israelcuna, Abrahamta, Isaacta, Israelta Mandaj Taita Diosman cutirichij. Asiria llajtata jatun mandajpaj maquimanta quishpirishpa saquirishca cai ashallacunapish pai Diosman cutirijpica, paipish cancunataca chasquingami.

2 CRÓNICAS 6:27

jahua pachamanta can uyashpa cambajta rurajcunapaj juchacunata, can agllashca israelcunapaj juchacunata perdonashpa, alli ñanpi purinata yachachishpa, paicunapaj allpacuna cachun can cushca allpacunapica tamyachinguimi.

ESTER 4:16

“Judiocuna cai Susa pueblopi causajcunataca tandanacuchun mandagri. Chashna tandanacushpaca quimsa punllata, quimsa tutata ama imata micushpa, ama imata ubyashpa ñucamanta Diosta mañanguichij. Ñucapish ñucapajta ruraj huarmicunahuanmi ayunagrini. Chai q'uipami jatun mandajhuan rimanaman yaicusha. Mandashcata p'aquishpa chaiman yaicugrishcamanta huañuchishpapish, huañuchingallatajchari ninmi” nichunmi cacharca.

ÉXODO 33:5

Mandaj Diosca Moisestaca: –Israelcunataca cashna ni: Cancunaca yallitaj rumi shungucunami canguichij. Ñuca cancunapaj chaupiman ashata huichiyashpaca tucuicunatami chingachiman. Sumajta allichirishcacunata churarishcacunata anchuchichij. Cancunahuan ñuca imata rurana cashcata yuyaringapaj nigri– nircami.

ISAÍAS 22:12

Chaimi tucuita Mandaj Jatun Diosca cancunataca umata lluchuta ruturishpa, cañamazuta churarishpa chai punllapi jatunta llaquirishpa caparishpa huacachun cayarca.

ISAÍAS 58:4

Riquichij, p'iñanacushpa, ch'imbapura rimanacungapajllami ayunanguichij. Huajtanacushpa chugrichinacungapajllami ayunanguichij. Cancuna mañashcata jahua pachapi uyachunca, cunancama ayunacushca shinaca ama ayunaichijchu.

JEREMÍAS 3:22

Mana cazuj huahuacuna, ñucapajman tigrarichigari. Cancuna tigrarijpica ñucata mana cazushcamanta, llaqui tucushcataca alliyachishallami” ninmi. “Canca ñucanchijta Mandaj Diosmari cangui, chaimanta cunanca ñami cambajman tigramunchij.

JEREMÍAS 36:7

Mandaj Dios jatunta p'iñarishpa paicunata chashna mancharinata llaquichisha nicujta uyashpaca, Mandaj Dios uyana shinata tucui shunguhuan mañangacunapishchari. Paicunapaj millai causaitapish saquishpa cutiringacunapishchari” nircami.

JEREMÍAS 4:1

Mandaj Diosca cashnami nin: “Israelcunalla, ñucapajman tigrarishpaca, shungumantataj cutiringuichij. Ñuca ñaupajmantaca, cancuna rurashca millanana dioscunata anchuchichij. Ña ama ashtahuan caiman chaiman callpacuichijllachu.

JEREMÍAS 4:2

Chaimantaca mana nij tucushpalla, alli yuyaihuantaj, tucui shunguhuantaj: Mandaj Diosca causacunmi nichigari. Chaipica shujtaj llajtacunapi causajcunapish, ñucamantamari allicunata chasquingacuna. Ñucahuanmari cushicungacuna” ninmi.

EZEQUIEL 33:11

Cashnapish ningui: Mandaj Jatun Diosca cashnami nin: Ñucaca causacunimi. Ñucata mana manchaj runataca, mana huañuchun munanichu. Ashtahuanpish pai ima shina causacushcata saquishpa causaita charichunmi munani. Chashna cashcamantaca israelcunalla, cancuna millaita ruracushcata saquishpa, ñucapajman cutirichigari, cutirichigari. ¿Maitataj yangamantaca huañunguichigari? ninmi ni.

DANIEL 9:3

Chaita ricushpaca, mana micushpa, cañamazuta churarishpa, ushpata shitarishpa Taita Diosta, Jatun Diosta mañashpa rogarishpa mashcangapajmi paipaj ladoman ñuca ñahuita churarcani.

OSEAS 12:6

Canca cambaj Taita Diospajman cutiri. Llaquij, cashcata ruraj tucuyari. Cambaj Taita Diospi punllanta shunguta churayari.

OSEAS 12:7

Cananeocunaca mana alli pizaj balanzatami paicunapaj maquipi charincuna. Paicunaca umashpa shuhuanallatami munancuna.

OSEAS 14:1

¡Israel, Mandaj cambaj Taita Diospajman cutiriyari. Canca cambaj juchallamantatajmi urmashcangui!

OSEAS 6:1

Shamuichij, Mandaj Diosman cutirishunchij. Paimi ñucanchijtaca mirga mirgata rurarca. Paillatajmi jambinga. Paillatajmi chugrichirca. Paillatajmi alliyachinga.

JOEL 1:13

Curacuna, chumbillirishpa caparishpa huacaichigari. Mandaj Diosman altarpi cushpa rupachijcuna, huacaichigari. Ñuca Diospajta rurajcuna, cañamazuta churarishpa dormichigari. Cancunapaj Diospaj huasimantaca imalla cuna cashcatapish, tallina vinotapishmi anchuchishca.

ZACARÍAS 7:3

Paicunaca, tucuita Mandaj Diospaj huasipi causaj curacunatapish, pai ima nishcata huillajcunatapish cashnami nircacuna: “¿Ñucanchijca pichca quillapica huacanachu canchij? ¿Sarun huatacunaman imatapish ch'icanchishpa ruracushca shinallatajchu catina canchij?” nishpami tapurcacuna.

ZACARÍAS 7:5

“Cai llajtapi causajcunatapish, curacunatapish cashna ni: Cancunaca canchis chunga huatacunataca, pichca quillapi, canchis quillapi ayunashca cashpapish, huacashca cashpapish mana ñucata yuyarishpatajchu chashna rurarcanguichij.

MALAQUÍAS 1:9

Chaimantaca: Cunanca Taita Dios ñucanchijpaj allita rurachun, ñucanchijta llaquichun mañapaichigari ninguichijmi. Ashtahuanpish chashna imapish mana allicunata cujpica, maitataj ñucaca cushicushari. Tucuita Mandaj Diostajmi chashna nini.

Hechos 26:20

Chaimi Damascopi huillai callarishpaca, Jerusalenpipish, tucui Judeapipish huillarcani. Chai q'uipaca mana judiocunamanpishmimana allita ruracushcata saquishpa Taita Diosman cutirichij nishpa huillarcani. Taita Diosman cutirishcata ricuchingapajca allicunata ruraichij nircanimi.

JUECES 2:4

Mandaj Diospaj ángel chashna rimajpica, tucui israelcunami sinchita caparishpa huacarcacuna.

JUECES 20:26

Chaimi tucui israelcunapish, tucui soldadocunapish, Taita Diospaj huasiman huichiyarcacuna. Mandaj Diospaj ñaupajpi tiyarishpami chai punllaca tutayangacama mana micushpa huacarcacuna. Mandaj Diosman cuna cashcatapish cushpami tucui rupachishpa curcacuna. Taita Dioshuan alli cangapajpish curcacunami.

1 SAMUEL 7:3

Chaimi Samuelca tucui israelcunataca: “Cancuna tucui shunguhuan Mandaj Diospajmantaj tigrarishpaca, shujtajcunapaj dioscunata, Astarot huarmi diosta cancunapuramanta anchuchishpa tucui shunguhuan Mandaj Diospajlla tucushpa paipajta ruraichij. Chaimi filisteocunapaj maquimantaca quishpichinga” nirca.

1 SAMUEL 7:6

israelcunaca Mizpapi tandanacushpa yacuta huishishpa Mandaj Diospaj ñaupajpi tallircacuna. Chai punllaca ayunashpami: “Mandaj Diostaca canta p'iñachishpamari juchallishcanchij” nishpa Samuelca israelcuna mana allita rurashcataca Mizpa pueblopi allichirca.