JOEL 2:11 - Dios Rimashca Shimicunami

¹¹ Mandaj Diosca paipaj soldadocunatami mandanga. Paipaj soldadocunaca yallitaj achcacunami. Pai mandashcata rurajcunaca, yallitaj c'ari c'aricunami. Mandaj Dios shamuna punllaca, jatun mancharina punllamari. Chai jatun llaquicunataca ¿pitaj apai tucungari?

JOEL 2:11 Iomraidhean Croise

SALMOS 18:14

P'iñajcunataca paipaj puntajlla caspita shitashpami caita chaita cacharca. Paipaj relampacunata cachashpami chingachirca.

SALMOS 46:6

Llajtacunaca caparingacunami. Mandanacunaca chujchungami. Taita Dios rimajpica cai pachaca yacuyarcami.

SALMOS 68:18

Taita Dios, jahuamanmi huichiyarcangui. Prezu cajcunataca quiquinhuanmi pusharcangui. Runacunamantami aichayuj tucurcangui. C'ariyajcunamantami aichayuj tucurcangui. Mandaj Dioslla paicunapurapi causangapajmi chashna rurarcangui.

ISAÍAS 13:4

Achcacuna urcupi bullacujmi uyarin. Achca gentecuna caparinacushcami uyarin. Llajtacuna yallitaj bullashcami uyarin. Tandanacushca llajtacuna caparinacushcami uyarin. Macanacunapaj caj soldadocunataca tucuita Mandaj Diosmi yupashpa ricucun.

ISAÍAS 42:13

Mandaj Diosca, yallitaj jatun runa shinami llujshinga. Alli macanacuj runa tucuchina yuyailla rijcharij shinami llujshinga. Caparingami, macanacuiman llujshina caparitami caparinga. Paita p'iñajcunataca mishangami.

ISAÍAS 7:18

Chai punllapica Mandaj Diosca Egipto llajta jatun yacucuna tucurinpi caj tábano chuspicunatami silbashpa cayanga. Asiriapi caj abejacunatami silbashpa cayanga.

JEREMÍAS 25:30

Tucui paicunapaj llaqui shamunata cashna huillangui: Mandaj Diosca jahuamantami c'ulun nishpa uyaringa. Jucha illaj Diosca, pai causana huasimantami sinchita rimanga. Paipaj cashcamantami cai llajtataca p'iñarishpa caparinga. Tucui cai pachapi causajcunatami uvata sarujcuna cantanata cantaihuan llaquichinga.

JEREMÍAS 30:7

¡Aij, Jacobpaj huahuacunalla! Paicunapajca manataj chashna tiyashca jatun punllamari chayamugrin. Jatun llaqui punllami canga. Shina cajpipish ñucami paicunataca quishpichisha nircami.

JEREMÍAS 50:34

Shina cajpipish paicunata mitsaj, tucuita Mandaj Dios ñucatajmi Babilonia llajtataca llaquichisha. Ñucaca tucuita Mandaj shutimi cani. Ñuca shayarishpami, israelcunataca cacharichisha. Chashnamari ñucaca cai llajtataca, Babilonia llajta llaquichicunmantaca samachisha” ninmi.

EZEQUIEL 22:14

Cancunapaj shunguca ¿manachu manchan imamí? ¿Ñuca llaquichicui punllapica, cancunapaj maquicunaca fuerzasapachu canga? Mandaj Dios ñucatajmi chashna rimani, chaitaca pajtachishatajmi.

JOEL 1:15

¡Aij, Mandaj Dios shamuna punllaca ñamari pajtamucun! Tucuita Rurai Tucuj Mandaj Dios jatunta llaquichina punllaca ñamari chayamucun.

JOEL 1:6

Ñuca llajtamanca, mana yupaipaj c'ari c'ari achca runacunamari yaicumurca. Paicunapaj ñaupaj quirucunapish, jashlin quirucunapish leonpaj quirucuna shinamari.

JOEL 2:1

Sión urcupica, trompetapi tocaichigari. Ñucapajlla urcupica, caparichigari. Cai llajtapi causajcuna, tucuicuna chujchuichigari. Mandaj Dios shamuna punllaca ñamari pajtamucun, ñamari quichquiyamucun.

JOEL 2:2

Chai punllaca, manchanana amsa tutami tucunga. Chai punllaca, p'uyu llandu punllami tucunga. Tutamanta utcata urcu jahuacunapi inti shitashpa achijyachicuj shinami, c'ari c'ari achca runacuna shamunga. Paicuna shinaca pi mana tiyarcachu. Paicuna shamushca q'uipapish, q'uipa huahua huahuacuna causai huatacunapica pi mana paicuna shina tiyangachu.

JOEL 2:25

Oruga c'urucunapish, p'ichachaucunapish, revoltón c'urucunapish, langosta c'urucunapish ñuca soldadocuna cajpimi, cancunata llaquichichun cacharcani. Paicunami tucui granocunata micushpa tucuchirca. Paicuna micushcamantaca, cancunamanca yallitami cutichisha.

JOEL 2:31

Mandaj Dios agllashca jatun mancharina punlla manaraj chayamujpica, intica amsayanga, lunapish yahuarmi tucunga.

JOEL 3:14

Rurashcata ricuchina pambapica, achcacunami tandanacushca. Mandaj Diosmi paicuna imalla rurashcata ricuchina pambapi ricuchinga. Chai punllaca ñami quichquiyamucun.

JOEL 3:16

Mandaj Diosca Sionmantami caparinga, Jerusalenmantaca pai rimashcami uyaringa. Chaimantaca jahua pachapish, cai pachapish chujchungami. Ashtahuanpish Mandaj Diostami, pai agllashcacunaca shuyangacuna. Pai agllashca israelcunapajca, paca tucuna jatun pata shinami tucuimanta huaquichinga.

AMÓS 1:2

cashna huillarca: Sión urcupi caj Jerusalén pueblomantami, Mandaj Diosca león huacarij shina sinchita rimashpa uyaringa. Michina q'uihuacunapish chaquiringami. Carmelo urcupish, jahua urcucamami chaquiringa.

AMÓS 5:18

Mandaj Dios shamuna punllata shuyacujcunalla, ¡aij imachari tucunguichij! Mandaj Dios shamuna punllataca ¿imapajtaj shuyanguichigari? Pai shamui punllaca, amsa tutami canga. Ima achijyachijpish, mana tiyangachu.

AMÓS 5:20

Mandaj Dios shamui punllaca, tucuimi yallitaj amsa tucunga. Ima achijyachijpish, mana tiyangachu.

ABDÍAS 1:15

Tucui llajtacunata Mandaj Dios jatunta llaquichina punllaca, ñamari quichquiyamucun. Ima shinami shujtajcunata jatunta llaquichircangui, chashnallatajmi cantapish llaquichinga. Can japina cashcataca, apanallatajmi cangui.

NAHUM 1:6

Pai p'iñarijpica, ¿pitaj paipaj ñaupajpica shayari tucungari? Pai p'iñarishcataca ¿pitaj apai tucungari? Paipaj p'iñarinaca lunyacuj nina shinami tsiraparin. Paipaj ñaupajpica, jatun rumi urcucunapish chaupirinmi.

MALAQUÍAS 3:2

Pai shamui punllapica, ¿pitaj c'ari c'ari shayari tucungari? ¿Pitaj paipaj ñaupajpica mana pingaringari? Paica mapacunata anchuchij nina shinamari. Paica mapacunata llujshichij tajshana jabón shinamari.

NÚMEROS 24:23

Chai q'uipaca shamuj punllacunapi imalla tucuna cashcataca cashnapishmi nirca: “Tucui chaicunata Taita Dios chashna rurajpica ¡aij!, ¿pitaj causangari?

1 Tesalonicenses 4:16

Mandaj Jesusllatajmi cazuchij caparishcahuan, angelcunata mandaj caparishcahuan, Taita Diospaj trompeta uyarishcahuanpish jahua pachamanta uriyamunga. Chaipica, Cristota crij huañushcacunarajmi causaringa.

Apocalipsis 18:8

Chashna niricujpipish shuj punllallapimi paitaca huañuipish, huacaipish, yaricaipish chashna jatun llaquicunaca japinga. Tucuita Rurai Tucuj Mandaj Taita Diosca, pai ima shinalla rurashcata ricuchishpami ninapi rupachinga.

Apocalipsis 6:17

Pai p'iñarishpa jatunta llaquichina punllamari ña chayamushca ¿pitaj chai jatun llaquitaca apai tucungari?” nircacunami.