JOEL 2:10 - Dios Rimashca Shimicunami

¹⁰ Paicunata ricushpaca cai pachapish, jahua pachapish chujchungami, intipish, lunapish amsayangami, luzerocunapish ña mana achijyachingachu.

JOEL 2:10 Iomraidhean Croise

SALMOS 114:7

Mandaj Diospaj ñaupajpica, allpaca chujchunmari. Jacobpaj Taita Diospaj ñaupajpimari chujchun.

SALMOS 18:7

Allpaca cuyurishpami chujchurca. Urcucunapish cuyurijpica, urcuta charicuj rumicamami cuyurirca. Pai p'iñarijpimi, chashna chujchurca.

ISAÍAS 13:10

Chashna llaqui cajpica jahua pacha uchilla luzerocunapish, uchilla luzerocunamanta achijyachicuj jatun luzerocunapish mana achijyachingachu. Intipish pacarijpi llujshicushca manaraj unipimi amsayanga. Lunapish lamyachina illajllami canga.

ISAÍAS 34:4

Jahua pachapi imalla tiyajcunapish, yacuyangami. Jahua pachaca, quillcana cara pillurij shinami pilluringa. Jahua pachapi imalla tiyajcunaca, uva p'anga urmaj shina, higo p'anga urmaj shinami urmanga.

ISAÍAS 5:30

Chai punllaca jatunta huajiashpami shamunga. Mama cucha yacu huajiaj shinami shamunga. Jahua pachamanta achijyachijcunapish amsayangami. Maijanpish cai llajtata ricushpaca, jatun amsa llaquitami ricunga.

JEREMÍAS 4:23

Cai llajtata ricujpica, chushaj allpallami ricurirca. Jahua pachata ricujpipish, amsallami carca. Ima achijyachij mana ricurircachu.

JOEL 2:2

Chai punllaca, manchanana amsa tutami tucunga. Chai punllaca, p'uyu llandu punllami tucunga. Tutamanta utcata urcu jahuacunapi inti shitashpa achijyachicuj shinami, c'ari c'ari achca runacuna shamunga. Paicuna shinaca pi mana tiyarcachu. Paicuna shamushca q'uipapish, q'uipa huahua huahuacuna causai huatacunapica pi mana paicuna shina tiyangachu.

JOEL 2:31

Mandaj Dios agllashca jatun mancharina punlla manaraj chayamujpica, intica amsayanga, lunapish yahuarmi tucunga.

JOEL 3:4

Tiro pueblolla, Sidón pueblolla, Filistea llajtalla, ñucaca cancunataca ¿imatataj rurashcaniyari? ¿Ñucatachu llaquichisha yuyanguichij imamí? Chashna yuyashcamantaca, ñallami cancuna japina cashcataca cugrini.

AMÓS 5:8

Pléyades, Orión shuti luzerocunatapish ruraj Diosta mashcaichij. Paica tutatapish achijyachinmi, punllatapish tutayachinmi. Paica mama cucha yacutapish mandajmi, paica chai yacutaca allpa jahuapi tsirapajmi. Paica Mandaj Dios shutimi.

NAHUM 1:5

Paipaj ñaupajpica urcucunapish chujchunmi, lomacunapish yacuyanmi. Paita ricushpaca, allpapish chujchunmi. Cai pachapish, paipi causajcunapish tucuicunami mancharincuna.

Mateo 24:29

Chai jatun llaqui punllacuna ña tucurijpica, intica amsayangami, lunapish mana achijyachingachu. Luzerocunapish jahua pachamanta urmangacunami, jahua pachapi jatun mana cuyuripajcunapish cuyuringami.

Mateo 27:51

Chaipica, Diospaj huasi ucupi jarcachishca linsoca, jahuamanta urimanmi chaupita lliquirirca. Allpapish chujchurcami, jatun rumicunapish chaupirircami.

Hechos 2:20

Intica amsayangami, lunapish yahuarmi tucunga. Jatun Dios shamuna punllapajmi chashna tucunga.

Apocalipsis 20:11

Chaimantaca yurajlla jatun tiyarinatapish chai jahuapi tiyacujtapishmi ricurcani. Paipaj ñaupajmantaca allpa pachapish cielopish tucuimi chingarirca. Cutinca ña manataj ricurircachu.

Apocalipsis 6:12

Pichcapaj q'uipa sellashcata Oveja pascajpi ñuca ricujpica, cai pachapica jatunta allpa chujchushpami t'imburirca. Intipish llaquihuan cashpa churarina yanajlla churanata churarishca shinami tucurca. Shinallataj lunapish tucuimi, yahuar shina tucurca.

Apocalipsis 8:12

Quimsapaj q'uipa ángel trompetapi tocajpica, quimsapi chaupishca shuj parte inti, quimsapi chaupishca shuj parte luna, quimsapi chaupishca shuj parte luzerocunatapishmi p'aquirca. Chaimantami tucui chaicunaca quimsapi chaupishca shuj parteca achijyachij illaj saquirirca. Chaimantami quimsapi chaupishca shuj parte punllapish, tutapish achijyachij illaj carca.

Apocalipsis 9:2

Chai ucujta jutcupaj punguta pascajpica, jatun hornomanta cushni llujshicuj shinami cushni llujshirca. Chai jutcumanta cushni llujshishpaca, intitapish huairatapishmi amsayachirca.