JOEL 1:4 - Dios Rimashca Shimicunami

⁴ Cancuna tarpushca granocunamanta oruga c'urucuna mana tucui micushcataca, p'ichachaucunami micurca. P'ichachaucuna mana tucui micushcataca, revoltón c'urucunami micurca. Revoltón c'urucuna mana tucui micushcataca, langostacunami micushpa chingachirca.

JOEL 1:4 Iomraidhean Croise

1 REYES 8:37

Cai pachapi yaricai, ungüi, granocuna chaquiri, granocuna quilluyai, langostacuna, mana cashpaca piquicuna tiyajpi, maipi causacujpipish paicunata p'iñajcuna muyunchishca cajpi, ima llaquicunahuan, mana cashpaca ungüicunahuan cashpa,

2 CRÓNICAS 6:28

Cai llajtapica yaricaipish, ungüicunapish tiyangachari. Mana cashpaca granocunata inti chaquichingachari. Mana cashpaca huaira quilluyangachari. Mana cashpaca langostacuna, piquicuna shamushpa chagracunata llaquichingachari. Mana cashpaca ñucanchijta p'iñajcuna ñucanchijhuan macanacungapaj shamushpa pueblocuna muyundijpi chapangachari. Mana cashpaca ima shujtaj llaqui cashpa, ungüi cashpapish japingachari.

2 CRÓNICAS 7:13

Ñuca agllashca israelcunataca mana tamyachishpa, mana cashpaca chagracunata llaquichichun langostacunata cachashachari, mana cashpaca ungüita cachashachari.

SALMOS 105:34

Taita Dios rimajpica langostacunapish, mana yupai tucuipaj piquicunapishmi shamurcacuna.

SALMOS 78:46

Egipciocunapaj p'ucushca granocunataca oruga c'urucunamanmi curca. Paicunapaj trabajashca chagracunatapish langostacunamanmi curca.

ÉXODO 10:4

Can mana cazushpa, paicuna richun mana saquijpica cambaj llajtamanca cayatajmi langostacunata ñuca apamujpi,

ÉXODO 10:5

tucui allpata tapangacuna. Allpataca mirgallatapish maipi mana ricuipajmi canga. Chaicunami rundumanta saquirishca granocunatapish tucuita micunga. Yurapi huiñacujcunatapish tucuimi micunga.

ISAÍAS 33:4

Paicuna quichushcacunataca oruga c'urucuna shinami tandangacuna. Langostacuna shujpi imata tucuchishpa shujman huaica tiyarigrij shinami paicunapaj jahuaman ringacuna.

JEREMÍAS 51:14

Tucuita Mandaj Diosca: “Ñucaca canta p'iñajcunataca langostacunata shina ñahui amsayanatami apamugrini. Paicunami caparirishpa canhuan macanacungapaj shayaringacuna” nircami. Paipaj shutillamantatajmi chaitaca rurashatajmi nirca.

JEREMÍAS 51:27

Tucui cai pachapi banderata alzaichigari. Chai pueblopi causajcunahuan macanacungapaj, trompetapi tocashpa tucui llajtacunamanta tandanacuichigari. Tucui runacuna paicunahuan macanacungapaj. Ararat, Mini, Askenaz shuti llajtacunamanta tandanacuichigari. Chai pueblopi causajcunahuan macanacuipi alli pushachun, alli mandajta churaichigari. P'iña langostacunatajlla caballocunapi tiyarishca huichiyamuichigari.

JOEL 2:25

Oruga c'urucunapish, p'ichachaucunapish, revoltón c'urucunapish, langosta c'urucunapish ñuca soldadocuna cajpimi, cancunata llaquichichun cacharcani. Paicunami tucui granocunata micushpa tucuchirca. Paicuna micushcamantaca, cancunamanca yallitami cutichisha.

AMÓS 4:9

“Ñucaca rupaj huairatapish, oruga c'urucunatapish, langosta c'urucunatapish cachashpami, cancunapaj achca huertacunatapish, uva chagracunatapish, higo yuracunatapish, olivo yuracunatapish micushpa tucuchichircani. Chashna llaquichijpipish, cancunaca manataj ñucamanca cutirircanguichijchu” ninmi Mandaj Diosca.

AMÓS 7:1

Mandaj Jatun Diosca cashnatami muscuipi shina ñucamanca ricuchirca: Jatun mandaj tucui cuzichashca q'uipami, q'uipa tarpushca granocuna ña huiñai callaricujpi, achca langosta c'urucunata Mandaj Diosca huiñachirca.

MALAQUÍAS 3:11

Cancuna tarpushca granocunata chingachijtapish jarcashami. Chaimantami granocunataca, imata mana chingachinga. Cancunapaj uva chagracunapish allimi p'ucunga. Tucuita Mandaj Diostajmi chashna nini.

DEUTERONOMIO 28:38

Achca muyucunata llujshichishpa allpapi tarpushpapish, langostacuna micushcamanta ashallatami japinguichij.

DEUTERONOMIO 28:42

Tucui yuracunatapish, cancunapaj allpacunapi p'ucushcacunatapish langostacunallami tucui micungacuna.