JOEL 1:20 - Dios Rimashca Shimicunami

²⁰ Larca yacucunapish chaquirinca. Shitashca pambacunapi tiyaj q'uihuacunatapish nina tucui rupachinca. Sacha animalcunapish, can Mandaj Diosmanca huacashpami huillangacuna.

JOEL 1:20 Iomraidhean Croise

1 REYES 17:7

Chai llajtata asha punllacunata ña manataj tamyajpimi, chai huaicu yacupish chaquirirca.

1 REYES 18:5

Acabca Abdiasta cayashpaca: –Tucui cai llajtapi tiyaj yacu pugyu tiyancunapipish, yacu huaicucunapipish q'uihuacuna tiyanpishchari ricumugri. Caballocunata, mulacunata chaicunapi michishpa animalcuna illajlla ama saquiringapaj– nircami.

JOB 38:41

Cuervocuna caita chaita micunata mashcashpa puricujpipish, paicunapaj huahuacuna yaricaihuan cashpa Taita Diosta caparijpipish ¿pitaj paicunaman caran?

SALMOS 104:21

Chaillapitajmi huahua leoncunapish micunata mashcashpa huacarishpa purincuna. Diostaca paicunapaj micunatami mañancuna.

SALMOS 145:15

Tucuicunami quiquintaca chaparashpa shuyancuna. Quiquinmi paicunamanca carana horaspitaj carangui.

SALMOS 147:9

Paica tucui animalcunaman carajmi. Cuervocunapaj huahuacuna mañajpipish cujmi.

JEREMÍAS 14:4

Mana tamyajpi allpa chijtarijta chaquishcamantami, chagrata rurashpa causajcunapish jatunta llaquirishpa umata tapashca purincuna.

JEREMÍAS 28:8

Ñaupa huatacunaca, canpish, ñucapish manaraj huacharijpimi, shujtaj huillajcunapish tiyashca. Paicunaca jatun llajtacunapi, achca llajtacunapi jatun macanacuicunapish, llaquicunapish, ungüicunapish tiyanatami huillashcacuna.

JOEL 1:18

¡Animalcunaca llaquinayajtamari huacarcacuna! ¡Vacacunaca yangallamari q'uihuata mashcashpa purircacuna! Shinallataj oveja canllapish yaricaihuanmi huañurcacuna” nircami.