JOEL 1:2 - Dios Rimashca Shimicunami

² “Cunaj yuyajcunapish, cai llajtapi tucui causajcunapish caita alli uyaichij: ¿Cancunaca cai shina llaquicunataca ricushcanguichijchu imatagari? ¿Cancunapaj ñaupa yayacunapish cai shina llaquicunataca ricushcachu canga imatagari?

JOEL 1:2 Iomraidhean Croise

JOB 12:12

Yuyajcunami alli yachaita charincuna. Unita causajcunami alli yuyaicunatapish charincuna.

JOB 15:10

Ñucanchijpurapica puzu umacuna, ña yuyaj runacunatamari charinchij. Paicunaca cambaj yayapaj causai punllacunapi causajcunatapish yalli alli yachajcunamari.

JOB 21:7

¿Imamantataj Diosta mana manchajcunaca causanllacuna, yuyajyashpapish ashtahuan charij tucuncuna?

JOB 8:8

Cunanca ñaupa huiñai yayacunata tapuiri, chai yayacunapaj yayacuna imallata yachashcata yachai.

SALMOS 49:1

Tucui gentecuna caita uyaichij. Tucui cai pachapi causajcuna uyaichij.

ISAÍAS 34:1

Llajtacunapi causajcuna, tandanacumuichij. Uyangapaj c'uchuyamuichij. Tucui cancuna uyaichigari. Allpapish, chaipi imalla causajcunapish uyaichigari. Cai pachapish chaipi imalla tiyajcunapish uyaichigari.

ISAÍAS 7:17

Mandaj Diosca cambaj jahuamanpish, can mandacun llajtapi causajcunapaj jahuamanpish, cambaj huasi ucupuracunapaj jahuamanpish jatun llaquitami cachanga. Efraín aillu, Judá aillumanta ch'icanyashca punllacunamanta cunancama mana ricushca llaquicunami shamunga. Asiria llajtata jatun mandaj shamushpami llaquichinga.

JEREMÍAS 30:7

¡Aij, Jacobpaj huahuacunalla! Paicunapajca manataj chashna tiyashca jatun punllamari chayamugrin. Jatun llaqui punllami canga. Shina cajpipish ñucami paicunataca quishpichisha nircami.

JEREMÍAS 5:21

Shungu illaj ch'ahuanyashca runacuna, cancunaca ñahuita charishpapish, mana ricunguichijchu. Rinrinta charishpapish, mana uyanguichijchu. Cunanca caita uyaichigari:

DANIEL 12:1

Chai punllacunapica, cambaj israelcunata cuidaj jatun mandaj Miguel shuti angelmi jataringa. Chai punllacunapica jatun llaquimi tiyanga. Gentecuna cai pachapi tiyai callari pachamanta chai punllacama, manataj tiyashca jatun llaquimi tiyanga. Shina cajpipish chai punllacunapica, cambaj israelcunaca quishpichishcami canga. Libropi paicunapaj shuti quillcashcacunaca tucuicunami quishpirishca canga.

OSEAS 4:1

Israelcuna, Mandaj Dios rimashcata uyaichij. Mandaj Diosca cai llajtapi causajcunataca p'iñarishpami rimacun. Cai llajtapica cashcata rurajcunapish, llaquijcunapish, Diosta rijsijcunapish mana tiyanchu.

OSEAS 5:1

Curacuna, caita uyaichij. Israelcuna, alli uyaichij. Mandana huasipi causaj mandajcuna uyaichij. Mizpa pueblopica, lazyana angu shinami carcanguichij. Tabor urcupica, urmachinapaj linchita tendishca shinami carcanguichij. Cancunapajmanca jatun llaquimi shamugrin.

JOEL 1:14

Ayunangapaj tandanacuchun tucuicunaman huillaichigari. Cancunata Mandaj Diospaj huasimanca cunaj yuyajcunatapish, cai llajtapi causajcunatapish tucuicunata tandachishpa, Mandaj Diosta caparishpa mañaichigari.

JOEL 2:2

Chai punllaca, manchanana amsa tutami tucunga. Chai punllaca, p'uyu llandu punllami tucunga. Tutamanta utcata urcu jahuacunapi inti shitashpa achijyachicuj shinami, c'ari c'ari achca runacuna shamunga. Paicuna shinaca pi mana tiyarcachu. Paicuna shamushca q'uipapish, q'uipa huahua huahuacuna causai huatacunapica pi mana paicuna shina tiyangachu.

AMÓS 3:1

Israelcunalla, Mandaj Dios cancunata rimashcata uyaichij. Egipto llajtamanta cancunata llujshichimuj Mandaj Diosca, cancunataca llaquichigrinmi. Paimi cashna nin:

AMÓS 4:1

Samaria urcupi causaj huarmicuna, cancunaca Basán llajta vacacuna shinami canguichij. Caita alli uyaichij: Cancunaca imata mana charij huajchacunataca, quichushpa jatunta llaquichijcunami canguichij. Cancunapaj cusacunatapish, machangapaj vinota apamuichij nishpa mañajcunami canguichij.

AMÓS 5:1

Israelcunalla, cancunamantaca yupashpa yupashpami huacagrini. Caita uyahuaichij.

MIQUEAS 1:2

Tucui cai pachapi causajcunapish, caipi imalla tiyajcunapish caita alli uyahuaichij. Mandaj Jatun Diosca, paipajlla huasimanta cancunata llaquichina cashcataca ricuchishca cachun.

MIQUEAS 3:1

Cashnami nircani: Cunanca Jacobpaj huahua huahua israelcunata mandajcunapish, pushajcunapish caita alli uyahuaichij. Imatapish cashcata ruranata yachanaca ¿manachu cancunapaj imatagari?

MIQUEAS 3:9

Cunanca Jacobpaj huahua huahua israelcunata mandajcunapish, pushajcunapish caillata alli uyahuaichij: Cancunaca cashcata ruranataca mana munanguichijchu, allita ruranatapish mana ruranguichijchu.

Mateo 13:9

Maijanpish uyanapaj rinrinta charijca uyaichigari” nircami.

Mateo 24:21

Chai punllacunaca jatun llaquimi canga. Cai pacha callarimanta cunancama chashna llaquica mana tiyashcachu, cutinpish manataj tiyangachu.

Apocalipsis 2:7

Rinrinta charijca, tandanacushca crijcunaman Diospaj Espíritu huillashcata uyachun. Millaita mishajmanca, Diospaj paraíso chaupipi caj, causaita cuj yuramantami carasha nishpa quillcai” nircami.