JOEL 1:13 - Dios Rimashca Shimicunami

¹³ Curacuna, chumbillirishpa caparishpa huacaichigari. Mandaj Diosman altarpi cushpa rupachijcuna, huacaichigari. Ñuca Diospajta rurajcuna, cañamazuta churarishpa dormichigari. Cancunapaj Diospaj huasimantaca imalla cuna cashcatapish, tallina vinotapishmi anchuchishca.

JOEL 1:13 Iomraidhean Croise

2 SAMUEL 12:16

Chaimi Davidca chai huahuamanta Diosta mañarca, ayunarca. Huasiman yaicushpaca tutapish pamballapimi sirishpa pacarirca.

1 REYES 21:27

Chashna nishcacunata Acab uyashpaca, pai churarishca churanataca lliquishpa cañamazuta churarishpa, ayunashpami, cañamazullapitaj dormishpa llaquilla purirca.

ISAÍAS 22:12

Chaimi tucuita Mandaj Jatun Diosca cancunataca umata lluchuta ruturishpa, cañamazuta churarishpa chai punllapi jatunta llaquirishpa caparishpa huacachun cayarca.

ISAÍAS 61:6

Cancunaca Mandaj Diospaj curacuna nishcami canguichij. Ñucanchij Taita Diospajta rurajcuna nishcami canguichij. Shujtaj llajtacuna imalla charishcacunatami micunguichij. Paicuna sumaj cashcahuanmi jatunyachishca canguichij.

JEREMÍAS 4:8

Mandaj Diosca, ñucanchijhuanca p'iñarajmi, manaraj alli tucushcachu. Chashna cashcamantaca cañamazuta churarishpa, aij nishpa huacaichigari.

JEREMÍAS 9:10

Urcucunapimi caparishpa huacasha. Chaquishca pambacunapipishmi huacagrisha. Cunanca chai michina pambacunataca, maijan purishpallapish mana ricurinca, huagracuna huacashcapish mana uyarinchu. Sacha animalcunapish, huairata purij pajarocunapishmari mancharishpa maitatajshi rishcacuna.

EZEQUIEL 21:12

Huañujlla aichayuj runalla, canca caparirishpa huacayari. Chai espadataca ñuca agllashcacunata huañuchingapajmari, ña allichishca tiyacun. Chai espadallatajmi Israel llajtata mandajcunatapish huañuchinga. Chai mandajcunapish ñuca agllashcacunandijmi, tandalla espadapi urmangacuna. Chaimanta cambaj mama changata chugrichiyari,

EZEQUIEL 27:31

Ajchatapish ruturingacunami, cañamazutami churaringacuna. Canmantaca shungu ucupi nanarishpami, yupashpa yupashpa huacangacuna.

EZEQUIEL 7:18

Paicunaca cañamazutami churaringacuna, jatun manchaipishmi japinga. Tucuicunallatajmi pingai tucungacuna. Umatapish tucuicunami lluchullata ruturingacuna.

OSEAS 9:5

Mandaj Diospajlla jatun tandanacui punllapica ¿imahuanshi imata ruranguichij? Mandaj Diospajlla fiesta punllapica ¿imatashi cunguichij?

JOEL 2:12

Mandaj Diosca cashnami nin: “Chaimanta cunanca ayunashpa huacashpa, llaquirishpa tucui shunguhuan ñucapajman cutirichij.

JOEL 2:14

Cancunata llaquishcamanta mana llaquichishpa, ashtahuanpish achca allicunata cuna cashcatapish ¿pitaj yachanguichigari? Taita Dios allicunata cushcamanta, paillamantaj imalla cuna cashcatapish, tallina vinotapish cunami canguichij.

JOEL 2:17

Mandaj Diospajta ruraj curacunalla, cancunaca pungu ucuman yaicushpa, altarhuan chaupipi shayarishpa huacashpa: Mandaj Dioslla, cambajlla agllashcacunataca perdonahuayari. Cambajlla cachun can japishcacunataca, p'iñajcunaman ama cuhuangui. Paicunataca shujtaj llajtapi causajcuna mandachunpish ama saquihuangui ninguichij. Shujtajcunaca: ¿Maipitaj paicunapaj Diosca? ningacunami” ninmi.

NÚMEROS 28:14

Tallina vinotaca cashna cuchun: Bizicunahuanca cada bizihuan shuj hinta ishquipi chaupishca shuj parte vinohuan cuchun. Carnerocunahuanca cada carnerohuan shuj hinta quimsapi chaupishca shuj parte vinohuan cuchun. Shuj huatayuj c'ari ovejacunahuanca cada ovejahuan shuj hinta chuscupi chaupishca shuj parte vinohuan cuchun. Mandaj Diosman cushpa tucui rupachinataca, quilla callari punllapica, cada quilla huata jundatataj cucuchunlla.

NÚMEROS 28:4

Shuj malta c'ari ovejataca tutamanta cuchun, caishuj malta c'ari ovejataca chishita cuchun.

NÚMEROS 28:7

Tallina vinotaca shuj hinta chuscupi chaupishca, shuj parteta cada malta c'ari ovejahuan cuchun. Ashtahuan alli vinotaca Diospajlla ucupi Mandaj Diospaj ñaupajpi tallichun.

NÚMEROS 29:6

Quillanta cushpa tucui rupachinatapish, punllanta cushpa tucui rupachinatapish, tallina vinotapish chai punllacunapipish cunataca ama saquishpa mandashcapi nishca shinallataj cunguichij. Chai cushcacunaca Mandaj Diospajca mishquiman ashnacujmi canga.

1 Corintios 4:1

Chaimanta ñucanchijtaca, Cristopajta rurajcuna cashcata, Diospaj pacallapi cajta alli ricushpa yachachichun mingashcacuna cashcata yuyaichij.

1 Corintios 9:13

Diospaj huasipi paipajllata trabajajcunaca chaimantami micuncuna, shinallataj altarpi servijcunapish chai altarmantami japincuna. Chaitaca ¿manachu yachanguichij?

2 Corintios 11:23

¿Paicunaca Cristopajta rurajcunachu? (Loco shina rimarij cashpapish ñucamari paicunamanta yalli trabajani). Mana yupaipajta azotishcami carcani, carcelpi churashcami carcani, tauca cutinmi huañunallapi carcani.

2 Corintios 3:6

Mushuj ruranata ari nishcapi ruraj cachunpish, paillatajmi yachachirca. Chaica mana quillcashcamantachu, ashtahuanpish Diospaj Espiritumantami. Quillcashpa mandashcaca huañuchijmi, ashtahuanpish Diospaj Espirituca causaita cujmi.

2 Corintios 6:4

Ashtahuanpish tucui imata rurashpapish, Diospajta rurajcuna cashcataca mana utca p'iñarishcapimi cashna ricuchinchij. Llaquichijpipish, ima illajlla cashpapish, llaquihuan cashpapish,

Apocalipsis 11:3

Chaipimi ñucamanta imallata ricushcata huillachun ishqui huillajcunata cachasha. Paicunaca llaquilla cashcata ricuchingapajmi, cañamazuta churarishca 1.260 punllacunacama ñucamanta huillangacuna.