JOEL 1:12 - Dios Rimashca Shimicunami

¹² Uva chagracunapish chaquirishcamari, higo yuracunapish chingarishcamari. Granada yuracunapish, palmera yuracunapish, manzana yuracunapish, tucui shujtaj yuracunapish chaquirishcamari. Chashnami huañujlla aichayuj runacuna cushicunaca chingarishca.

JOEL 1:12 Iomraidhean Croise

SALMOS 4:7

Granotapish, llullu vinotapish charijcunaca achcatami cushicuncuna. Mandaj Dioslla ñucataca paicuna cushicushcatapish yallitami cushichingui.

SALMOS 92:12

Ashtahuanpish cashcata rurajca, palmera yura sisaj shinami sisanga. Líbano urcupi cedro yura huiñaj shinami huiñanga.

CANTARES 2:3

Ñuca c'uyashcaca mosocunapaj chaupipica, sacha yuracuna chaupipi huiñashca manzana yura shinami ricurin. Ñuca munashcapaj llandupimi tiyarircani. Pai p'ucushca micunaca, ñuca shimipica mishquimari.

CANTARES 4:13

Cambaj retoñocunaca, granada yuracunayuj huerta shinamari. Chai yurapi p'ucucuj grano shina mishquimari. Canca alheña sisacunahuan, nardocunahuan junda huerta shinamari cangui.

ISAÍAS 16:10

Alli granota p'ucuj allpapi cushicuna, yallitaj cushicunataca ñami anchuchishca. Uva chagracunapipish ña mana cantangacunachu. Ña mana yallitaj cushicungacunachu. Vinota rurangapaj uvata sarunapi uvata sarujpish ña mana ashtahuan sarungachu. Uvata sarujcuna caparinaca ña mana ashtahuan tiyangachu.

ISAÍAS 24:11

Vino illashcamantami ñancunapi caparishpa puricuncuna. Yallitaj cushicunaca chulunyashcamari. Cushicunataca cai pachamanta anchuchishcamari.

ISAÍAS 24:7

Uva chagraca ungurcami. Vinopish ashallayarcami. Cushijlla shungucuna cashcaca tucuicunami aij nicurcacuna.

ISAÍAS 9:3

Gentecunataca achcayachircanguimi. Cushicuitapish mirachircanguimi. Cozicha punllapi cushicuj shinami quiquinpaj ñaupajpica cushicungacuna. Quichumushcacunata chaupishpa cushicuj shinami quiquinpaj ñaupajpica cushicungacuna.

JEREMÍAS 48:3

Horonaim pueblotapish jatun llaquita rurashpamari tucuchicuncuna. Jatunta caparirishpa huacashcami uyaricun.

JEREMÍAS 48:33

Moab llajtapica, chagra pambacunapi cushicushpa caparirina illangami. Vinota rurangapaj uvata capina tanquecunapipish vino illangami. Cantashpa uvata sarunaca tucuringami, ima cantopish mana tiyangachu.

JOEL 1:10

Chagracunaca llaquinayajmari. Tarpuna allpaca, chushaj yana allpallamari. Trigopish tucurishcamari, llullu vinopish chaquirishcamari, aceitepish chingarishcamari.

JOEL 1:16

Ñucanchijtaca ñahui ricucuitamari micunacunatapish quichurca. Taita Diospaj huasipi cushicushpa micunatapishmari quichurca.

JONÁS 4:7

Cayandij tutamanta pacarinapajca, Taita Diosllatajmi chai yurata micuchun shuj c'uruta churarca. Chai c'uru micujpimi, chai yuraca chaquirirca.

HAGEO 2:19

Cancunapaj tarpuna muyucunaca p'utsacunapirajmi tiyacun. Uvapish, higocunapish, granadacunapish, olivo yuracunapish manaraj sisanllapishchu. Shina cajpipish cancunamanca cunan punllamantami allicunata cusha ninmi” nircami.

MALAQUÍAS 3:11

Cancuna tarpushca granocunata chingachijtapish jarcashami. Chaimantami granocunataca, imata mana chingachinga. Cancunapaj uva chagracunapish allimi p'ucunga. Tucuita Mandaj Diostajmi chashna nini.

NÚMEROS 13:23

Moisés cachashcacuna Escol nishca yacu huaicucama chayashpaca, chaipimi shuj huangu uvata ramacunandij p'itircacuna. Chaitaca shuj caspipi churashpami, ishqui tucushpa apamurcacuna. Granadacunatapish, higocunatapish apamurcacunami.