JOEL 1:10 - Dios Rimashca Shimicunami

¹⁰ Chagracunaca llaquinayajmari. Tarpuna allpaca, chushaj yana allpallamari. Trigopish tucurishcamari, llullu vinopish chaquirishcamari, aceitepish chingarishcamari.

JOEL 1:10 Iomraidhean Croise

GÉNESIS 4:12

Chaimanta allpapi tarpujpipish ña mana alli p'ucungachu. Chai allpapica maipi causanata mana charij, caru llajtamanta shina puricunguillami– nircami.

ISAÍAS 15:6

Nimrimpi tiyaj yacucunapish chaquishcami canga. Q'uihuapish chaquiringami. Retoñacuj q'uihuacunapish chaquiringami. Tucui verdijlla cajcunami chingaringa.

ISAÍAS 24:11

Vino illashcamantami ñancunapi caparishpa puricuncuna. Yallitaj cushicunaca chulunyashcamari. Cushicunataca cai pachamanta anchuchishcamari.

ISAÍAS 24:7

Uva chagraca ungurcami. Vinopish ashallayarcami. Cushijlla shungucuna cashcaca tucuicunami aij nicurcacuna.

JEREMÍAS 12:11

Shujllapish mana yuyaita japishpa causajpimi, tucui llajtata llaquichircani. Jatunta llaquichichun saquijpimi, ñuca shitashcacunaca llaquinayajta huacancuna.

JEREMÍAS 12:4

Cai llajtapi causacujcunaca: “Ñucanchij imata ruracujtaca, Diosca mana ricungachu” nishpami, yallitaj millaita rurancuna. Chaimantamari q'uihuacunapish tucui chaquishpa, allpapish shitashca pamba shina chaquishca saquiricun. Animalcunapish, pajarocunapish huañushpa tucuricunmari. ¿Maicamataj chashna saquigringuiyari?

JEREMÍAS 48:33

Moab llajtapica, chagra pambacunapi cushicushpa caparirina illangami. Vinota rurangapaj uvata capina tanquecunapipish vino illangami. Cantashpa uvata sarunaca tucuringami, ima cantopish mana tiyangachu.

OSEAS 4:3

Chaimantami cai llajtaca achca jatun llaquilla canga. Cai llajtapi causajcunaca tucuicunami fuerza illajlla tucungacuna. Sacha animalcuna, huairata purij alasyuj animalcunaca huañungami. Mama cuchapi causaj chalhuacunacamami huañunga.

OSEAS 9:2

Trigo parbacunapish illangami, uvata sarunapi uvapish illangami. Llullu vinoca mana pajta tiyangachu.

JOEL 1:12

Uva chagracunapish chaquirishcamari, higo yuracunapish chingarishcamari. Granada yuracunapish, palmera yuracunapish, manzana yuracunapish, tucui shujtaj yuracunapish chaquirishcamari. Chashnami huañujlla aichayuj runacuna cushicunaca chingarishca.

JOEL 1:5

Machajcunalla, rijcharishpa huacaichigari. Llullu vinota rurashpa ubyajcunalla, tucuicuna caparirishpa huacaichigari. Cancuna ubyana vinotaca quichugrinmari.

JOEL 2:19

Mandaj Diosca pai agllashcacunamanca cashnami cutichinga: “Riquichij, ñucaca cancunamanca micunatapish, llullu vinotapish, aceitetapish pajtatami caragrini. Cancunata p'iñaj llajtacuna llaquichichunpish manataj saquishachu.

LEVÍTICO 26:20

Cancunapaj fuerzapish yangallami tucuringa. Cancunapaj allpapica ima mana p'ucungachu. Yuracunapish imata mana p'ucungachu.

HABACUC 3:17

Higocuna mana sisajpipish, uvacuna mana granujpipish, olivocuna mana p'ucujpipish, imalla tarpushcacuna mana huiñajpipish, ovejacunata quichujpipish, vacacuna corralpi mana tiyajpipish,

HAGEO 1:11

Ñucamari cai llajtapica mana tamyachircani. Chaimantami urcucunapish, tarpuna allpacunapish tucui chaquishca siricun. Shinallataj trigotapish, vinotapish, aceitetapish, allpapi imalla p'ucushcatapish tucuimi chaquichircani. Runacunatapish, animalcunatapish, runacunapaj maquihuan trabajashcacunatapish tucuimi chingachircani” nishpami huillachirca.

MALAQUÍAS 2:3

Cancuna tarpushca chagratapish chingachishami. Ñucaman cushpa huañuchishca animalcunapaj mapacunatapish, cancunapaj ñahuipimi shitasha. Cancunataca, chai animalcunapaj mapacunandijmi tandachishpa, p'ichashpa shitasha.