JEREMÍAS 9:9 - Dios Rimashca Shimicunami

⁹ Chashna rurashcamantaca ¿manachu llaquichisha imatagari? Chashna millai runacunataca ¿manachu p'iñarishpa ñacachisha imatagari?” ninmi Mandaj Diosca.

JEREMÍAS 9:9 Iomraidhean Croise

ISAÍAS 1:24

Chaimanta Jatun Diosca, tucuita Mandaj Diosca, israelcunapaj tucuita rurai tucuj Diosca cashnami nin: “Aij, cunantajca ñucata p'iñajcunataca llaquichishpatajmi cushicugrini. Paicunatapish tigra llaquichishpatajmi alli cagrini.

ISAÍAS 10:3

Chashna rurashcamanta llaquichina punlla chayamujpica ¿imatashi ruranguichij? Caru llajtamanta llaquichijcuna chayamujpica, ¿pitashi ayudachun japinguichij? Cancuna charishcacunataca ¿maipishi saquinguichij?

ISAÍAS 57:6

Canca pugru pambapi tiyaj llambu rumicunatami adorangui. Chaicunami canmanca imatapish cun yuyanguimi. Chai rumicunamanmi vinotapish tallircangui. Granocunatapishmi cushpa rupachircangui. Chai tucui millaita rurashcamantaca, ¿manachu llaquichisha imatagari?

JEREMÍAS 12:11

Shujllapish mana yuyaita japishpa causajpimi, tucui llajtata llaquichircani. Jatunta llaquichichun saquijpimi, ñuca shitashcacunaca llaquinayajta huacancuna.

JEREMÍAS 12:4

Cai llajtapi causacujcunaca: “Ñucanchij imata ruracujtaca, Diosca mana ricungachu” nishpami, yallitaj millaita rurancuna. Chaimantamari q'uihuacunapish tucui chaquishpa, allpapish shitashca pamba shina chaquishca saquiricun. Animalcunapish, pajarocunapish huañushpa tucuricunmari. ¿Maicamataj chashna saquigringuiyari?

JEREMÍAS 4:25

Tucui muyurishpa ricujpipish, maipi shuj runallapish mana ricurircachu. Huairata purij pajarocunacamami mancharishpa, maitatajshi rishca carca.

JEREMÍAS 5:29

Chashna rurashcamantaca ¿manachu llaquichisha imatagari? Chashna millai runacunamanca ¿manachu paicuna chasquina cashcata cusha imatagari? Mandaj Diostajmi chashna nini.

JEREMÍAS 5:9

Cashna juchamantaca ¿manachu llaquichina cani imatagari? Chashna millai runacunataca ¿manachu p'iñarishpa ñacachisha imatagari? Mandaj Diostajmi chashna nini.

OSEAS 4:3

Chaimantami cai llajtaca achca jatun llaquilla canga. Cai llajtapi causajcunaca tucuicunami fuerza illajlla tucungacuna. Sacha animalcuna, huairata purij alasyuj animalcunaca huañungami. Mama cuchapi causaj chalhuacunacamami huañunga.

JOEL 1:19

Mandaj Dioslla, cantami caparisha. Shitashca pambapi huiñacuj q'uihuacunatapish, urcucunapi tiyaj yuracunatapish nina lunyashpamari, tucuita rupachishpa chingachirca.

AMÓS 5:1

Israelcunalla, cancunamantaca yupashpa yupashpami huacagrini. Caita uyahuaichij.

AMÓS 5:2

Israelcunaca c'arihuan manaraj chayarinacushca soltera shina cashpapish, urmashcamari. Cutinca ña mana jatari tucungachu. Quiquin allpallapitajmari urmashpa saquirishca. Paita jatarichijca, pi mana tiyanchu.