JEREMÍAS 9:8 - Dios Rimashca Shimicunami

⁸ Paicunapaj c'alluca llullashpa umangapajca, filosapa espada shinami. Shimihuanca apanacujcunapurapish sumajtami rimanacuncuna. Ashtahuanpish shungupica, ima llaquita ruranallatami yuyarincuna.

JEREMÍAS 9:8 Iomraidhean Croise

2 SAMUEL 3:27

Hebronman Abner tigrajpica, Joabca paillahuan parlasha nishpami puebloman yaicuna pungu c'uchuman pusharca. Chaipimi paipaj huauqui Asaelta huañuchishcamantaca paitapish pechopi lanzahuan satijpi huañurca.

SALMOS 12:2

Tucuicunami caishujmanta chaishujmanta llullashpa parlanacun. Shimihuanca mishquijlla uyananquitami riman. Shungupica manapish pajtachina yuyaihuanmi.

SALMOS 12:3

Mandaj Diosca jahua shimilla uyananquita rimajcunataca tucuitami chingachinga. Jatun tucushpa rimarijcunatapish chingachingami.

SALMOS 120:3

Llullaj c'allu llullaj cashcamantaca ¿imatataj japigringuiyari? ¿imatataj chasquigringuiyari?

SALMOS 28:3

Millaicunahuan tandallaca ñucataca ama llaquichihuaichu. Millaita rurajcunahuan chagruca ama llaquichihuaichu. Paicunaca pihuanpish sumaj causaimantami rimaj tucuncuna. Ashtahuanpish paicunapaj shungupica millaitami yuyancuna.

SALMOS 35:20

Paicunaca sumaj causaimantaca mana rimanchu. Llajtapi sumajta causajcunata p'iñashpami umanata yuyarincuna.

SALMOS 55:21

Pai rimashcacunaca mantequilla shina sumaj cashpapish, paipaj shungupica macanacuna yuyaillami tiyan. Rimashcacunaca aceitetapish yalli sumajtami nuyuchin. Ashtahuanpish paica lluchulla espada shinami.

SALMOS 57:4

Ñuca causaica leoncunapaj chaupipimari. Lunyacuj ninata shimiman shitacujcunapaj chaupipimari siricuni. Paicunapaj quirucunaca lanzacuna shina, puntajlla caspicuna shinami. Paicunapaj c'alluca filosapa espada shinami.

SALMOS 62:5

Ñuca almaca Taita Diosllapimi samarin. Pai yuyailla canaca Taita Diosmantami shamun.

SALMOS 64:8

Quiquin c'allullatajmi llaquipi churanga. Chaita ricujcunaca tucuicunami mancharingacuna.

PROVERBIOS 25:18

Pitapish yanga juchachishpa mandajcunaman huillagrij runaca, martillohuan huajtaj shina, cuchillohuan satij shina, puntajlla caspihuan shitaj shinami llaquichin.

JEREMÍAS 5:26

Ñuca agllashcacunapurapimari, ñucata mana manchajcuna tiyan. Linchita churaj shinamari caishujcunataca tucuchincuna. Ima shinapish chapashpami, pitapish urmachincuna.

JEREMÍAS 5:9

Cashna juchamantaca ¿manachu llaquichina cani imatagari? Chashna millai runacunataca ¿manachu p'iñarishpa ñacachisha imatagari? Mandaj Diostajmi chashna nini.

JEREMÍAS 9:3

Mandaj Diosca cashnami nin: “Paicunapaj c'alluhuanca puntajlla caspita arcohuan shitaj shinamari llullancuna. Cai llajtapi charijyashpapish, ima allitaca mana rurancunachu. Ashtahuanpish ashtahuan millaicuna tucushpami, ñucataca ña mana rijsincuna.

JEREMÍAS 9:4

Maijanpish: Ñucahuan apanacujhuanmi cani nishpa, ama cungailla purichun. Quiquin huauquillapitajpish ama shunguta churachun. Huauquillatataj umanllacunami, alli apanacujcunapish llullashpa llaquipi churanllacunami.

JEREMÍAS 9:5

Mana llullaca, shujllapish mana tiyanchu. Tucuicuna caishuj chaishuj umanacunllami. Paicunapaj c'alluca llullangapajca, mana huatarinchu. Millaita ruranallapimi yuyaita churancuna.

MIQUEAS 6:12

Achcata charijcunaca imatapish shuhuashpallami charijyarcacuna. Chaipi causajcunaca llullashpallami rimarcacuna. Paicunaca umangapajllami shimi llujshincuna.