JEREMÍAS 9:7 - Dios Rimashca Shimicunami

⁷ Chashnacuna cajpimi, tucuita Mandaj Diosca cashnapish nin: “Ñuca agllashcacunataca imata ashtahuan mana rurai tucunichu. Cunanca ninapi churashpami, tucui mapata anchuchigrini.

JEREMÍAS 9:7 Iomraidhean Croise

2 SAMUEL 13:26

Chaimi Absalonca: –Shinashpaca ñuca huauqui Amnontaca ñucanchijhuan richunmi rogani– nijpi jatun mandajca: –Amnontaca ¿imapajtaj canhuan richun ninguiyari?– nirca.

2 CRÓNICAS 36:15

Paicunapaj ñaupa yayacunata Mandaj Diosca, pai agllashca cashcamanta paicunatapish, paipaj huasitapish llaquishcamantami, paicuna mana allita ruracujpica, pai ima nishcata huillajcunahuan cutin cutin huillachishpa jarcacurcalla.

SALMOS 120:4

C'ari c'ari runa cajmari puntasapa caspicunahuan huañuchinga. Enebro rupaj puca ninahuanmari llaquichinga.

SALMOS 55:22

Cambaj llaquitaca, Mandaj Diosman apachi. Paica canta charirangami. Cashcata rurajtaca, llaquita apacuchunllaca mana saquingachu.

SALMOS 62:5

Ñuca almaca Taita Diosllapimi samarin. Pai yuyailla canaca Taita Diosmantami shamun.

ISAÍAS 1:25

Ñuca maquihuanmi cutinllataj llaquichigrini. Fierro ishpashcata tucui anchuchij shinami p'ichagrini. Canpi tiyaj mapataca tucuitami anchuchigrini.

ISAÍAS 48:10

Riqui, cantaca chuyayachircanimi. Cullquita chuyayachij shinaca mana chuyayachircanichu. Hornopi rupachij shina llaquicunahuanmi cantaca agllarcani.

ISAÍAS 59:3

Cancunapaj maquicunaca, yahuarhuan mapamari. Cancunapaj dedocunaca millaihuan jundamari. Cancunapaj shimicunaca llullallatami rimancuna. Cancunapaj c'alluca millaillatami riman.

JEREMÍAS 31:20

Efrainca mana ñuca c'uyashca huahua cajpichu, mana ñuca cushicuna huahua cajpichu mana llaquishari. Paimanta rimashpaca, paitaca punllanta yuyaricunillami. Ñuca paita yuyarishpaca, shungumantami llaquirini. Paitaca llaquishatajmi.

JEREMÍAS 5:1

“Shuj runallapish cashcata ruraj, ima millaita ruranata mana munaj tiyangapishchari. Tucui Jerusalén pueblo callecunapi, tandanacuna pambacunapi callarishpa mashcashpa ricuichigari. Shuj runallapish chashna tiyajpica, Jerusalentaca mana llaquichishachu.

JEREMÍAS 6:27

“Cantaca, ñuca agllashcacunapajca miticuna jatun torre shina sinchi cachunmi churarcani. Canllataj paicuna ima shina yuyajta, ima shina causajtaca callarishpami ricungui.

OSEAS 4:1

Israelcuna, Mandaj Dios rimashcata uyaichij. Mandaj Diosca cai llajtapi causajcunataca p'iñarishpami rimacun. Cai llajtapica cashcata rurajcunapish, llaquijcunapish, Diosta rijsijcunapish mana tiyanchu.

ZACARÍAS 13:9

Chai saquirijcunataca, ninapimi rupachisha. Ima shinami cullquitaj cashcata, curitaj cashcata ricungapaj ninapi rupachincuna, chashnallatajmi ñucapish paicunataca rurasha. Chashna rurajpimi, paicunaca ñuca shutipi mañangacuna. Paicuna mañashcataca uyashami. Chaimantaca: Ñuca agllashcacunami canguichij nishami. Shina nijpimi paicunapish: Mandaj Diosca ñucanchij Diosmi ningacuna” ninmi.

MALAQUÍAS 3:3

Paica paipaj tiyarinapi tiyarishpami, levitacunapaj juchacunataca cullquita, curita ninapi rupachishpa mapata anchuchij shina anchuchinga. Chashna ima mapa illajlla cashpami, Mandaj Diosman imalla cuna cashcatapish cungapaj apamungacuna.

1 Pedro 1:7

Cancunata crijtaj cashcata ricushcaca, sumaj curitapish ashtahuan yallimari. (Chingarijlla curitapish ninapi rupachishpami, alli cashcata mana alli cashcataca ricuna) Llaquita apashpaca, shamuj punllapi Jesucristo ricurijpica alabashca, alli nishca, sumajyachishcami canguichij.

1 Pedro 4:12

C'uyashcacuna, cancuna crijtaj cashcata ricuchij llaquicuna nina shina cancunapajman shamujpica, ima mana ricushcata shinaca ama mancharichijchu.