JEREMÍAS 9:6 - Dios Rimashca Shimicunami

⁶ Tucui laya umarishpami causacuncuna. Chashna yallitaj umajcuna cashpami, ñucataca mana paicunapaj Dios cashcata rijsishun nincuna” ninmi Mandaj Diosca.

JEREMÍAS 9:6 Iomraidhean Croise

PROVERBIOS 1:24

Cancunaca mashna cutin cayajpipish, pi mana shamurcanguichijchu. Maquihuan cayajpipish, tigrarishpallapish mana ricurcanguichijchu.

PROVERBIOS 1:29

Alli yachaitami p'iñarcacuna. Mandaj Diosta cazunatami manataj munarcacuna.

ISAÍAS 1:25

Ñuca maquihuanmi cutinllataj llaquichigrini. Fierro ishpashcata tucui anchuchij shinami p'ichagrini. Canpi tiyaj mapataca tucuitami anchuchigrini.

ISAÍAS 1:3

Huagrapish paipaj dueñota rijsinmi, burropish paipaj dueño rurashca corralta rijsinmi. Ashtahuanpish israelcunaca ñucapaj cashcataca mana entendincunachu. Ñuca agllashca israelcunaca ñuca paicunapaj dueño cashcataca mana rijsincunachu” ninmi.

ISAÍAS 4:4

Jatun Dios Sionpi causaj huarmicunata tucui mapata p'ichashcacuna, Jerusalén yahuarlla cajta llaquichij espirituhuan, tucuchij espirituhuan maillashcacunami chashna nishca cangacuna.

JEREMÍAS 11:10

Tucuicunamari ñuca rimashcata mana cazushun nishpa, shujtaj dioscunata mashcashpa chaicunata cungurij paicunapaj ñaupa yayacuna rurashca juchallatataj rurancuna. Chashna rurashpamari israelcunapish, Judá runacunapish paicunapaj ñaupa yayacunahuan ñuca ari ninacushcata p'aquishcacuna” ninmi.

JEREMÍAS 11:19

Ñucataca: “Cai runataca alli granota aparishca yurata urmachij shina huañuchishunchij. Cai pachapi causajcunapuramanta anchuchishunchij. Chashna rurajpica, paitaca pi mana ashtahuan yuyaringachu” ninacushcami carca. Ashtahuanpish ñucaca huañuchinaman apacushca malta c'ari oveja shina, imata mana yachashcachu carcani.

JEREMÍAS 13:10

Cai runacunaca ñuca yachachishcata mana uyashun nij millai runcunami. Paicunapaj shungu yuyashcatami rurashpa causancuna. Shujtajcunapaj dioscunata mashcashpami, chaicunata servincuna, chaicunatami cungurincuna. Chashna rurashcamantaca, cai ismushca chumbi shina imapaj mana valijcunami.

JEREMÍAS 18:18

Jeremías huillashcata uyashpaca, cashnami ninacurcacuna: “Shamuichij, Jeremiasta huañuchinata yuyarinacushunchij. Mandashcacunata ñucanchijman yachachichunpish curacunaca mana illanchu. Alli yuyaita cungapajpish, yachajcuna mana illanchu. Dios ima nishcata huillajcunapish mana illangachu. Juchachishpa huañuipi churashunchij. Pai huillashcataca imata mana uyashunchijchu” nircacunami.

JEREMÍAS 20:10

Maipipish ñucamantaca achcacunami huashalla parlanacuncuna. “Maipipish manchachishpamari puricun, jacuchij mandajcunaman huillashunchij” ninacushpami, ñucahuan apanacujcunallataj imapi pandarijta chapancuna. “Ima shina umajta saquingapishchari. Chaipitajca japishcahuan huañuchishpa, ñucanchijmi mishashun” ninacuncunami.

JEREMÍAS 5:27

Umashpa quichushpami, jatun charijcuna tucuncuna. Chashna japishca charinacunahuanca, paicunapaj huasica jaulapi pajarocuna jundachishca shinami tiyacun.

JEREMÍAS 8:5

Chashna cashcamantaca ¿imamantataj cai Jerusalenpi causajcunaca, huiñaita ñucahuan p'iñarishpa, manataj ñucapajman tigrancunachu imamí?

OSEAS 11:8

Efraín ¿maitataj cantaca saquishari? Israel cantaca shujtajcunapaj maquipica mana churai tucunichu. Cancunataca Adma pueblota shinapish mana llaquichi tucunichu. Zeboim pueblota shinapish mana llaquichi tucunichu. Cancunataca ñuca shungu rupajyashpamari jatun c'uyaihuan c'uyanayanlla.

OSEAS 4:6

Ñuca agllashcacunaca yachai illaj cashcamantami chingachishca carcacuna. Ashtahuanpish cantaca yachaita yanganchishcamantami ñucapajta ruraj cura canamantaca anchuchisha. Cambaj Taita Dios mandashcatamari cungarircangui. Ñucapish cambaj huahuacunataca cungarishami.

ZACARÍAS 13:9

Chai saquirijcunataca, ninapimi rupachisha. Ima shinami cullquitaj cashcata, curitaj cashcata ricungapaj ninapi rupachincuna, chashnallatajmi ñucapish paicunataca rurasha. Chashna rurajpimi, paicunaca ñuca shutipi mañangacuna. Paicuna mañashcataca uyashami. Chaimantaca: Ñuca agllashcacunami canguichij nishami. Shina nijpimi paicunapish: Mandaj Diosca ñucanchij Diosmi ningacuna” ninmi.

Romanos 1:28

Paicunallataj Taita Diosmantaca imata mana yachashun nijpimi, manapish rurana cashcata rurachun Taita Diosca paicunapaj ch'ahuanyashca yuyaillapitaj saquirca.

1 Corintios 15:34

Alli yuyaihuan chapaichij, ama juchallichijchu. Cancunamanta maijancunaca Diosta mana rijsinguichijchu. Cancuna pingarichunmi chashnaca nini.

1 SAMUEL 2:12

Elipaj churicunaca millaita rurajcuna, Mandaj Diostapish mana rijsijcunami carca.