JEREMÍAS 9:5 - Dios Rimashca Shimicunami

⁵ Mana llullaca, shujllapish mana tiyanchu. Tucuicuna caishuj chaishuj umanacunllami. Paicunapaj c'alluca llullangapajca, mana huatarinchu. Millaita ruranallapimi yuyaita churancuna.

JEREMÍAS 9:5 Iomraidhean Croise

GÉNESIS 19:11

Ashtahuanpish canllaman caj c'aricunataca huambracunatapish, yuyajcunatapish ñahui mana ricujcunatami rurarca. Chaimantami paicunaca pungu maipi cashcata mashcacushpalla shaicurcacuna.

JOB 11:3

Can umashpa rimarishca shimicunaca runacunataca ¿upallachi tucungachu? ¿Mana cazushpa asijpica cantaca manachu pipish pingachinman?

JOB 15:5

Ashtahuanpish cambaj shimillatajmari millaita rurashcataca huillarca. Canca, chai yachaj tucushca runacunapaj rimaitamari agllashcangui.

SALMOS 140:3

Paicunapaj c'alluca culebrapaj c'allu shina puntasapamari. Paicunapaj shimi ucupica víbora culebrapaj venenomi tiyan. Selah

SALMOS 50:19

Cambaj shimihuanca millaita rimanapimi satirishpa puringui. Cambaj c'alluca umanapimi amañarishca.

SALMOS 52:3

Allita ruranata c'uyanapaj randica, millaita ruranatarajmari c'uyangui. Mana llullaj canapaj randica, llullaj canatarajmari munangui. Selah

SALMOS 64:3

Paipaj c'allutaca espadata shinami filojllata ruran. Puntajlla caspita shitaj shinami millai shimita riman.

SALMOS 7:14

Diosta mana manchajcunaca millaitamari chichushca, paicunaca juchatamari chichushca, umaj cashcaca huacharigrinmari.

PROVERBIOS 12:5

Cashcata rurajcunaca, alli yuyaitami cuncuna. Ashtahuanpish mana manchajcuna cunashcaca umajllami.

PROVERBIOS 4:16

Paicunaca ima millaita mana rurashpaca, mana dormincunachu. Pita mana urmachishpaca, dormitapish mana japincunachu.

ISAÍAS 5:18

Millaita ruranataca mana alli anguhuan, juchahuan apamujcunalla, huagracunaman carrota aisachij shina millaita ruranata apamujcunalla. ¡Aij imachari tucungacuna!

ISAÍAS 57:10

Cambaj achca ñancunapimi shaicurcangui. Ashtahuanpish: “Mana allitamari ruracuni” ninallatapish mana nircanguichu. Chaipaj randica, ashtahuan fuerzata japishpami, mana rurashachu ninapaj randica ashtahuan rurashpa catircangui.

JEREMÍAS 12:13

Trigota tarpushpapish, cashallatami tandancuna. Sumaj allpata cushcapi causacushpapish, ima allita mana japincunachu. Ñuca, Mandaj Dios jatunta p'iñarijpica, paicuna imallata rurashcamantaca pingaringacunami.

JEREMÍAS 12:6

Cambaj yayapaj familiapura cambaj quiquin huauquicunallatajmari canta huañuchingapaj jatarishcacuna. Paicunamari canta japingapaj caparinacushpa catincuna. Paicuna sumajta rimajpipish, ama shunguta churanguichu.

JEREMÍAS 13:23

Etiopía llajta runaca, mana yuraj aicha tucui tucunchu. Leopardopish, muru millmataca mana shujtajyachi tucunchu. Chai shinamari cancunapish, millaita ruranapi aichayashcamantaca, manataj ima allita ruranaman tigrari tucunguichij.

JEREMÍAS 4:22

Ñuca runacunaca alli yuyaihuan canapaj randica, imatapish mana uyashun nij rumi shungucunamari. Allitaca imata mana yachancunachu, millaita ruranapajtajcarinpish jatun yachajcunamari.

JEREMÍAS 51:58

Tucuita Mandaj Diosca cashnapishmi nin: “Babilonia pueblo muyundijta shayacuj jatun ancho pircaca tucui urmachishpa, pambapi shitashcami canga. Chai pircapi caj jatun pungucunapish ushpallami saquiringa. Tucui llajtacunamanta shamushca runacuna shaicuita trabajashcaca ninapajlla, yanga trabajashcami tucunga” ninmi.

JEREMÍAS 51:64

Chaipi shitashpaca: Cai Babilonia llajtaca, chashnami ñuca cachashca jatun llaquipica huashicunga. Chai llaquimantaca cutinca ña mana jataringachu. Tucuimi chingaringa ningui” nircami. Jeremías huillashca shimicunaca caicamallami.

JEREMÍAS 7:28

Chashna cashcamantaca cashna ningui: Cai llajta runacunaca, paicunata Mandaj Diosta mana cazuj runacunami. Imata jarcashpa yachachishcatapish, mana chasquishun nincunachu. Paicunapaj shimimantaca mana llullaj shimicunaca tucui chingarishcami ningui” nircami.

JEREMÍAS 9:3

Mandaj Diosca cashnami nin: “Paicunapaj c'alluhuanca puntajlla caspita arcohuan shitaj shinamari llullancuna. Cai llajtapi charijyashpapish, ima allitaca mana rurancunachu. Ashtahuanpish ashtahuan millaicuna tucushpami, ñucataca ña mana rijsincuna.

JEREMÍAS 9:8

Paicunapaj c'alluca llullashpa umangapajca, filosapa espada shinami. Shimihuanca apanacujcunapurapish sumajtami rimanacuncuna. Ashtahuanpish shungupica, ima llaquita ruranallatami yuyarincuna.

EZEQUIEL 24:12

Fierro ishpashcata llujshichisha nishpa yangallamari shaicurca, chaica manataj llujshircachu. Ninapi rupachijllapimi, tucui rupashpa chingaringa.

MIQUEAS 6:12

Achcata charijcunaca imatapish shuhuashpallami charijyarcacuna. Chaipi causajcunaca llullashpallami rimarcacuna. Paicunaca umangapajllami shimi llujshincuna.

MIQUEAS 6:3

Ñuca agllashcacunalla, ¿imata rurashpataj p'iñachircaniyari? Cancunata llaquichishca cajpica, rimaichigari.

HABACUC 2:13

¿Manachu caica tucuita Mandaj Diosmanta canga? Pueblocunapi causajcunaca ninapi rupachichunllami trabajangacuna. Llajtacunapi causajcunaca yangamantami shaicujta trabajangacuna.

MALAQUÍAS 2:10

¿Manachu tucuicunallataj shujlla yayata charinchij? ¿Manachu tucuicunallataj Taita Dios rurashca canchij? Shina cajpica, ¿ima nishpataj ñucanchij ñaupa yayacunahuan ari ninacushcataca yangata rurashpa, caishuj chaishuj mana cazunacunchigari?

Efesios 4:25

Chaimanta llullanata saquishpa, tucuicuna caishujta chaishujta ama llullanacushpa parlanacuichijchu. Tucuicunami chai cuerpopajlla miembrocuna canchij.

1 Timoteo 4:2

Chaicunapaj yuyaicunaca mishqui shimi jayaj shungucuna, llullajcuna canapi sinchiyashcami.

JUECES 2:10

Josuehuan huiñai israelcunapish huañushpami paicunapaj ñaupa yayacunahuan tandanacugrirca. Q'uipa huiñai israelcunaca Mandaj Diostaca mana rijsircacunachu. Israelcunapaj pai imalla rurashcatapish mana yacharcacunachu.