JEREMÍAS 9:3 - Dios Rimashca Shimicunami

³ Mandaj Diosca cashnami nin: “Paicunapaj c'alluhuanca puntajlla caspita arcohuan shitaj shinamari llullancuna. Cai llajtapi charijyashpapish, ima allitaca mana rurancunachu. Ashtahuanpish ashtahuan millaicuna tucushpami, ñucataca ña mana rijsincuna.

JEREMÍAS 9:3 Iomraidhean Croise

GÉNESIS 39:16

Paipaj cusa shamungacamami Josepaj churanataca paipaj c'uchupi charicurca.

PROVERBIOS 12:5

Cashcata rurajcunaca, alli yuyaitami cuncuna. Ashtahuanpish mana manchajcuna cunashcaca umajllami.

ISAÍAS 1:3

Huagrapish paipaj dueñota rijsinmi, burropish paipaj dueño rurashca corralta rijsinmi. Ashtahuanpish israelcunaca ñucapaj cashcataca mana entendincunachu. Ñuca agllashca israelcunaca ñuca paicunapaj dueño cashcataca mana rijsincunachu” ninmi.

ISAÍAS 3:5

Cancunapurapica yallitaj jatun llaquimi tiyanga. Caishuj chaishujmi llaquichinacunga. C'uchullapi causajcunahuanmi llaquichinacunga. Q'uipa huiñaicunapish yuyajcunata llaquichingapajmi jataringacuna. Yanga runacunami alli nishca runacunata llaquichingapaj jataringacuna.

ISAÍAS 6:5

Chaimi ñucaca: “¡Aij, ñucalla ña huañunimi nircani! Ñucaca mapa shimicunata rimaj runamari cani. Mapa shimicunata rimaj runacunapaj chaupipipishmari causani. Chashna runami ñuca ñahuicunahuantaj Jatun Mandajta ricuni. Tucuita Mandaj Diostamari ricuni” nircanimi.

ISAÍAS 9:18

Paicuna millaita rurashcaca nina shinami sindiringa. Casha q'uihuacunata, casha yuracunata, millpuj shinami tucuchinga. Sachapi nina lunyajpi, cushni muyurishpa llujshishpa huairapi chingarij shinami chingaringacuna.

JEREMÍAS 12:6

Cambaj yayapaj familiapura cambaj quiquin huauquicunallatajmari canta huañuchingapaj jatarishcacuna. Paicunamari canta japingapaj caparinacushpa catincuna. Paicuna sumajta rimajpipish, ama shunguta churanguichu.

JEREMÍAS 22:16

Paica llaquita apacujcunamantapish, huajchacunamantapish shayarishpa allita rurarcami. Chaimantami alli causarca. Ñucata rijsishpaca chashna rurana cashcataca ¿manachu yachangui imatagari? Ashtahuanpish canca canlla jahuanpi, jahuanpi charinatami munangui. Manapish ima millaita rurajcunata huañuchinata, pitapish imata quichushpa llaquichinallatami chaparangui ninmi” Mandaj Diosca.

JEREMÍAS 31:34

Chaipica c'uchullapi causajcunapurapish, huauquindijpurapish: Mandaj Diosta rijsi nishpa yachachinacuna mana cangachu. Ñucataca uchillamantapacha jatuncunacama, tucuicunami rijsingacuna. Ñucallatajmari paicunapaj tucui juchacunata perdonasha. Paicuna mana allita rurashcataca, manataj cutinca yuyarishachu” ninmi Mandaj Diosca.

JEREMÍAS 4:22

Ñuca runacunaca alli yuyaihuan canapaj randica, imatapish mana uyashun nij rumi shungucunamari. Allitaca imata mana yachancunachu, millaita ruranapajtajcarinpish jatun yachajcunamari.

JEREMÍAS 5:4

Shina cajpipish ñucaca cashnami yuyarcani: Cai huajcha runacunallami yuyai chingarishca shina causacungacuna. Caicunallamari paicunata Mandaj Dios mandashcatapish, ima shina causachun pai munashcatapish mana yachangacuna.

JEREMÍAS 5:5

Cunanca yachajcunapajman rishpa paicunata rimasha. Paicunaca paicunata Mandaj Dios mandashcatapish, ima shina causachun pai munashcatapish yachangacunami yuyarcanimi. Ashtahuanpish paicunapish yugota p'aquircacunami, yugushca angucunata p'itircacunami.

JEREMÍAS 6:28

Tucuicunallataj ñucata mana cazujcuna, huashalla parlarishpa purij millaicunami. Tucuicunallataj bronce shina, fierro shinallami. Tucuicunallataj imatapish ismuchij mapa shinami.

JEREMÍAS 7:26

Shina cajpipish manataj uyancunachu, manataj cazuncunachu. Ashtahuanpish ashtahuan sinchi shungucuna tucushpami, paicunapaj yayacunatapish yalli millaita rurancuna.

JEREMÍAS 9:5

Mana llullaca, shujllapish mana tiyanchu. Tucuicuna caishuj chaishuj umanacunllami. Paicunapaj c'alluca llullangapajca, mana huatarinchu. Millaita ruranallapimi yuyaita churancuna.

JEREMÍAS 9:8

Paicunapaj c'alluca llullashpa umangapajca, filosapa espada shinami. Shimihuanca apanacujcunapurapish sumajtami rimanacuncuna. Ashtahuanpish shungupica, ima llaquita ruranallatami yuyarincuna.

EZEQUIEL 8:13

Chai q'uipaca cashnapishmi nirca: “Can muyurishpa ricushpaca, caitapish yalli millaita ruracujtami ricungui” nircami.

DANIEL 11:27

Chai ishqui jatun mandajcunaca paicunapaj shungupica llaquichina yuyaillami cangacuna. Mezapi micushpa tiyacushpapish caishujpish chaishujpish llullangacunami. Shina cashpapish punlla manaraj pajtashcamantaca, maijanpish mana imata rurangachu.

LEVÍTICO 19:11

Ama shuhuanguichijchu, ama llullanguichijchu, caishuj chaishuj ama umanacunguichijchu.

Marcos 8:38

Cunan cai punllacunapi causaj huainayaj millaicunapaj ñaupajpi, ñucamanta, ñuca yachachishcacunamantapish maijan pingarijtaca Runa Aichayuj ñucaca jucha illaj angelcunandij, ñuca Yayapaj achij nicuj sumaj cashcahuan shamushpaca, paimantapish pingarishami– nircami.

Juan 17:3

Huiñai causaita charinapajca: Quiquinlla shujlla Taita Diostaj cashcata crina. Jesucristotapish quiquin cachajpi shamushca cashcata crinami.

Hechos 24:9

Chashna huillashcataca paihuan caj judiocunapish chashnatajmi nicurcacunami.

Romanos 1:16

Ñucaca alli huillaimantaca mana pingarinichu. Alli huillaica tucuita rurai tucuj Diosmanta cashcamantami, puntaca judiocunata, griegocunatapish maijanpish crijpica, tucuicunata quishpichin.

Romanos 1:28

Paicunallataj Taita Diosmantaca imata mana yachashun nijpimi, manapish rurana cashcata rurachun Taita Diosca paicunapaj ch'ahuanyashca yuyaillapitaj saquirca.

Romanos 3:13

Paicunapaj tungurica, pambashca jutcuta pascashca shinami. Paicunapaj c'alluhuanmi umancuna. Paicunapaj shimi ucupica, culebracunapaj venenomi tiyan.

1 Corintios 15:34

Alli yuyaihuan chapaichij, ama juchallichijchu. Cancunamanta maijancunaca Diosta mana rijsinguichijchu. Cancuna pingarichunmi chashnaca nini.

Filipenses 1:28

Jarcajcuna manchachichunca, ama saquinguichijchu. Chashna rurashpaca, paicuna chingarinaman ricushcata, cancunaca quishpichishca cashcatami ricuchicunguichij. Chaica Diosmantami shamun.

2 Timoteo 3:13

Ashtahuanpish millaicuna, umajcunaca, ashtahuan ashtahuan millai tucushpami, umajcuna umashcacunapish tucushpa catingacuna.

Judas 1:3

C'uyashcacuna, cancunapish ñucapish quishpichishca cashcamantami chai quishpichishcamanta quillcana yuyai shamujpi cancunamanca quillcasha nicurcani. Crijpimi jucha illajta rurashpa shuj cutin huiñaipaj quishpichirca. Chaitaca alli macanacuj shina shungumantataj alli catichun nishpami, yuyachishpa quillcanataj cajpi quillcani.

Apocalipsis 12:11

Chai huauquicunaca, Ovejapaj yahuarhuan, paipaj shimita huillashcahuanmi diablotaca misharcacuna. Quiquin causaita mana llaquishpami huañuchingacama huillarcacuna.

JUECES 14:17

Chaipipish chai huarmica imata nisha nishcata huillahuailla nishpami cutin cutin jatun micui canchis punllacunataca huacacurcalla. Sansonca paipaj huarmi huacashpa tapucujllapimi, ña canchis punlla tucujpica pai nishcaca imata nisha nishcata paiman huillarca. Chai huarmica paipaj llajtapura caj mosocunamanmi huillagrirca.

JUECES 2:10

Josuehuan huiñai israelcunapish huañushpami paicunapaj ñaupa yayacunahuan tandanacugrirca. Q'uipa huiñai israelcunaca Mandaj Diostaca mana rijsircacunachu. Israelcunapaj pai imalla rurashcatapish mana yacharcacunachu.

1 SAMUEL 2:12

Elipaj churicunaca millaita rurajcuna, Mandaj Diostapish mana rijsijcunami carca.