JEREMÍAS 9:2 - Dios Rimashca Shimicunami

² Mana cashpaca shitashca pambapi ñanta purijcuna llandurina shinallatapish ñuca causanapaj maijan cujpica, ñuca llajtapi causajcunata saquishpa chaimanchari riman. Chaipitajca paicunamanta ch'icanyaimanmi. Paicunaca tucuicuna huainayajcuna, mana cazujcunamari.

JEREMÍAS 9:2 Iomraidhean Croise

ISAÍAS 59:3

Cancunapaj maquicunaca, yahuarhuan mapamari. Cancunapaj dedocunaca millaihuan jundamari. Cancunapaj shimicunaca llullallatami rimancuna. Cancunapaj c'alluca millaillatami riman.

JEREMÍAS 12:1

Mandaj Dioslla, canca ñuca imata nijpipish cashcata cutichinguillami. Shina cajpipish caitamari cantaca tapusha nipani: ¿Imamantataj canta mana cazujcuna cashpapish, alli causanllacunari? Canmanta anchurijcunapish sumajta causanllacunamari.

JEREMÍAS 12:6

Cambaj yayapaj familiapura cambaj quiquin huauquicunallatajmari canta huañuchingapaj jatarishcacuna. Paicunamari canta japingapaj caparinacushpa catincuna. Paicuna sumajta rimajpipish, ama shunguta churanguichu.

JEREMÍAS 13:22

Cambaj shungupica: ¿Imamantataj ñucataca cai tucui llaquicuna japinchu imamí? yuyanguichari. Cai tucui millaita rurashcamantamari cambaj changacuna llatanarirca. Sanpi mucucunacamami lluchulla puringui.

JEREMÍAS 23:10

Cai llajtaca huainayajcunahuan jundamari. Millaita ruranallatami yachancuna, mandanapipish shujtajcunata llaquichishpallami tiyacuncuna. Chaimanta Dios llaqui tucuchun nijpimi, allpapish shitashca pamba shina chaquishca, michina pambacunapish tucui chaquishcami.

JEREMÍAS 4:22

Ñuca runacunaca alli yuyaihuan canapaj randica, imatapish mana uyashun nij rumi shungucunamari. Allitaca imata mana yachancunachu, millaita ruranapajtajcarinpish jatun yachajcunamari.

JEREMÍAS 5:1

“Shuj runallapish cashcata ruraj, ima millaita ruranata mana munaj tiyangapishchari. Tucui Jerusalén pueblo callecunapi, tandanacuna pambacunapi callarishpa mashcashpa ricuichigari. Shuj runallapish chashna tiyajpica, Jerusalentaca mana llaquichishachu.

JEREMÍAS 5:11

Israelcunapish, Judá runacunapish paicunapaj yuyaimantatajmi ñucataca mana cazurcacuna” ninmi Mandaj Diosca.

JEREMÍAS 5:2

Maijancuna: Mandaj Dios ricucunmi nishpapish, yangallami chashna nincuna” ninmi.

OSEAS 4:2

Ashtahuanpish ari nishcata mana pajtachina, llullana, huañuchina, shuhuana, huainayanami tiyan. Caishuj chaishuj huañuchinacunami tiyan.

OSEAS 5:7

Mandaj Diostaca c'ariyashpami llaquichishcacuna. Huahuacunatapish shujtaj dioscunapaj huahuacuna cachunmi saquishca. Chashna cashcamanta cunanca paicunatapish, paicunapaj allpacunatapish shuj quillallapimi tucuita chingachishca canga.

OSEAS 6:7

Ashtahuanpish paicunaca, Adán shinallatajmi ari ninacushcata p'aquirca. Chashna juchallishpami ñucata llaquichirca.

OSEAS 7:4

Tucui paicunami huainayajcuna. Rupajyachishca horno shinami. Tandata ruraj harinata chapushpa chai chapu p'unguilliringacama samarij shinallami pararincuna.

MIQUEAS 6:12

Achcata charijcunaca imatapish shuhuashpallami charijyarcacuna. Chaipi causajcunaca llullashpallami rimarcacuna. Paicunaca umangapajllami shimi llujshincuna.

SOFONÍAS 3:4

Paicunapaj huillajcunapish, llullashpalla huillajcunami. Paicunapaj curacunapish, Diospaj huasita mapayachijcunami, mandashcacunatapish mana cazujcunami.

MALAQUÍAS 2:11

Judá llajtapi causajcunaca mana cazurcacunachu. Israelpi, Jerusalenpi causajcunaca yallitajmi millaita rurarcacuna. Chaimanta Judá llajtapi causajcunaca, Mandaj Dios c'uyashca huasitami yangata rurarcacuna. Shinallataj shujtajcunapaj diosta adoraj huarmicunahuanmi casararcacuna.

MALAQUÍAS 2:14

Chaimanta cancunaca: “¿Imamantataj mana chasquinguichu imamí?” ninguichijmi. Canllatajmari mosoraj cashpa, ari ninacushpa cazarashca quiquin huarmitamari shitarcangui. Chaitaca Mandaj Diosca ricucurcami.

Santiago 4:4

¡Cai pachahuan huainayajcuna! ¿Manachu cai pachahuan apanacunaca, Diosta p'iñachij cashcataca yachanguichij? Maijanpish cai pachapaj amigo tucushpaca, Diosta p'iñajmi tucun.

JUECES 2:10

Josuehuan huiñai israelcunapish huañushpami paicunapaj ñaupa yayacunahuan tandanacugrirca. Q'uipa huiñai israelcunaca Mandaj Diostaca mana rijsircacunachu. Israelcunapaj pai imalla rurashcatapish mana yacharcacunachu.