JEREMÍAS 9:16 - Dios Rimashca Shimicunami

¹⁶ Shinallataj paicunapaj yayacunapish, paicunapish mana rijsishca llajtacunamanmi paicunataca caita chaita cachagrini. Maipi cajpipish, tucuringacamami espadahuan huañuchichisha” ninmi.

JEREMÍAS 9:16 Iomraidhean Croise

NEHEMÍAS 1:8

Quiquinpajta ruraj Moisesman cashna nishcata yuyaripai: Cancuna juchallijpica, ñucaca urata janajta tsirapashpami tucui pueblocunaman cachasha.

SALMOS 106:27

Paicunapaj huahua huahuacunapish mana cazujpica, chashnallataj tucui llajtacunata urajta janajta cachanata ricuchishpami chashna rurarca.

ECLESIASTÉS 12:5

Maiman huichiyanapish manchananami ricuringa, ñanpipish llaqui japinallami canga. Almendro yura sisashcapica, langosta c'urucunallapish llashajmi canga. Micuna munaipish illangami. Huiñaita tiyan huasiman ricujpica, callepica yupashpa yupashpa huacashpami, muyundijta catingacuna.

JEREMÍAS 13:24

Chaimantami cancunataca shitashca pambamanta shamuj huairapi t'amuta cachaj shina, maita cachagrini ninmi.

JEREMÍAS 24:10

Paicunapaj ñaupa yayacunamanpish, paicunamanpish cushca cai llajtapica shujllatapish mana saquishachu. Jatun macanacuita, yaricaita, ungüita cachashpami tucui chingachisha” ninmi.

JEREMÍAS 25:27

Mandaj Diosca ñucataca cashnami mandarca: “Tucui paicunataca cashna ningui: Tucuita Mandaj, israelcunapaj Diosca cashnami nin: Caita ubyashpa machaichij, shungu tigrashpa pambaman urmaichij. Ñucaca cancunata huañuchichunca, espadahuanmi cachagrini. Cutinca ña mana jataringuichijchu ninmi” ningui.

JEREMÍAS 29:17

Tucuita Mandaj Diosca cashnami nin: Ñucaca paicunapajca espadata, yaricaita, ungüitapishmi cugrini. Mana micui tucuipaj yallitaj ismushca higocunata shinami ruragrini.

JEREMÍAS 44:27

Ñuca paicunapaj ima allita ruranapaj randica, jatun llaquita rurangapajmi paicunataca chaparacuni. Cai Egipto llajtapi caj Judá runacunaca tucuicunami espadahuanpish, yaricaihuanpish chingachishca cangacuna.

JEREMÍAS 7:29

Jerusalenpi causajcuna, Mandaj Diosca cancunataca paita p'iñachij huahuacuna cajpimari p'iñarishpa shitashca. Cancunapaj uma ajchata rutushpa pambapi shitaichij. Lomacunaman huichiyashpa caparishpa huacaichij.

JEREMÍAS 8:19

¡Aij, ñuca llajtapi causajcunalla! Manchanayajta caparirishcamari carucunamanta uyaricun. “¿Mandaj Diosca Sionmantaca illanchu imatagari? Sionta Jatun Mandajca ¿ñachu mana chaipi tiyacun imatagari?” nincunamari. Mandaj Diosca: “¿Imamantataj rurashcalla shujtaj yanga dioscunata cungurishpa ñucata p'iñachircacuna?” nircami.

EZEQUIEL 11:17

Cashnapish huillangui: Mandaj Jatun Diosca cashnami nin: Cancunataca shujtaj runacunapaj chaupipi shujtaj llajtacunapi tsiraparishpa causacunmanta tandachishpami, Israel llajtataca cusha.

EZEQUIEL 12:15

Tucui cai pachapi tiyaj llajtacunapi tsirapashpa chingachijpimi, ñucataca Mandaj Diostaj cashcata yachangacuna.

EZEQUIEL 14:17

Mana cashpaca espadata cai llajtaman apamushpaca: Espada, cai llajtapi causaj runacunatapish, animalcunatapish huañuchi nishpa huañuchichicujpica,

EZEQUIEL 20:23

Shinallataj chai shitashca pamballapitaj cashpami, ñuca maquita alzashpa, paicunataca tucui cai pachapi tiyaj llajtacunaman caita chaita cachasha nircani.

EZEQUIEL 27:2

“Huañujlla aichayuj runalla, Tiro pueblomantaca yupashpa yupashpa huacayari.

EZEQUIEL 5:12

Cancunapuramanta maijancuna saquirishpaca ungüihuanpish, yaricaihuanpishmi caillapitaj huañungacuna. Caishujcunaca cai muyundijllapitajmi espadapi huañungacuna. Chaishujcunataca caita chaitami cachasha. Paicunataca espadahuanmi catishpa risha.

EZEQUIEL 5:2

Macanacuna punllacuna ña tucurijpica, quimsapi chaupishca shuj mirgataca, chai pueblo chaupillapitaj ninahuan rupachingui. Caishuj mirgataca, chai pueblo muyundijpi espadahuan p'itingui. Caishuj mirga ajchataca, tsirapashpa huairapi cachangui. Ñucami paicunataca espadahuan catishpa risha.

LEVÍTICO 26:33

Cancunataca shujtaj llajtacunamanmi urajta janajta cachasha. Espadata llujshichishpa catirashpa llaquichishpami chashna rurasha. Cancunapaj llajtapish chushajllami saquiringa. Cancunapaj pueblocunapish shitashca pambacunami saquiringa.

AMÓS 5:16

Tucuita Mandaj Taita Diosca cashnapishmi nin: “Tucui plazacunapimi huacai tiyanga, tucui ñancunapimi aij, aij nishpa huacana tiyanga. Tarpuj runatapish, huacaj shamui nishpami cayangacuna. Yupashpa yupashpa huacanata alli yachajcunatapish huacachunmi cayangacuna.

MIQUEAS 2:4

Cancuna llaquita apacui punllapica yuyachij shimicunahuanmi, yupashpa yupashpa cashna huacangacuna: “Tucuicunamari llaquichishca canchij. Mandaj Diosmari caipi causajcunataca ashallata rurashca. Ñucanchij allpacunatapish quichushpamari, shujtajcunaman chaupishpa cushca” ningacunami.

ZACARÍAS 7:14

Ashtahuanpish paicunataca, jatun acapanahuanmi llujshichishpa tucui llajtacunaman caita chaita cacharcani. Chaimantami paicuna causana llajtaca, llaquinayaj saquirirca. Pipish mana tigrashpa ricuipaj jatun llaquimi tucurca. Paicuna munashca allpaca, shitashcami saquirirca” ninmi.

DEUTERONOMIO 28:25

Cancunata p'iñajcunapaj maquipimi Mandaj Diosca paicuna mishachun cancunataca churanga. Paicunahuan macanacungapaj shuj ñanllata llujshishpapish, canchis ñancunatami paicunata miticushpa callpanguichij. Cancunaca tucui cai pachapi causajcuna mancharinami tucunguichij.

DEUTERONOMIO 28:36

Mandaj Diosca cancunapish cancunapaj ñaupa yayacunapish mana rijsishca llajtamanmi cancunatapish cancunata mandaj cachun cancunapaj jahuapi churashca mandajtapish apanga. Chai llajtapimi cancunaca caspimanta, rumimanta rurashca dioscunapaj ruranacunata ruranguichij.

DEUTERONOMIO 28:64

Mandaj Diosllatajmi cancunataca tucui cai pacha tucuri llajtacunacama caita chaita cachanga. Chai llajtacunapimi cancunapish, cancunapaj ñaupa yayacunapish mana rijsishca, caspi diospaj, rumi diospaj ruranacunata rurashpa causanguichij.

DEUTERONOMIO 32:26

Paicunataca mai caruta cachashpa tsirapanatami yuyarcani. Chashna rurashpami paicunataca pi ama ashtahuan yuyarichun cai pachapi causaj runacuna puramantaca chingachisha' nircani.

DEUTERONOMIO 4:27

Mandaj Diosllataj cancunataca shujtaj llajtacunaman urata janajta cachajpimi urata janajta rishpaca chaicunapica ashacunalla saquiringuichij.

Santiago 1:1

Taita Diospajtapish, Mandaj Jesucristopajtapish ruraj Santiagomi cani. Caita chaita rishca chunga ishqui aillucunatami allilla cashca cachun nini.