JEREMÍAS 9:12 - Dios Rimashca Shimicunami

¹² ¿Imamantataj cai llajtapi tucui ima tiyashcacunaca chingachishca cangari? ¿Imamantataj shitashca pamba shina saquirinri? Cunanca maijan purishpallapish, mana ricurinca. ¿Pitaj imamanta cashna tucushcata yachaipaj alli yuyaiyuj canguichigari? Caishujcunaman huillachun Mandaj Diosca ¿maijanman imata huillarcachu imatagari?

JEREMÍAS 9:12 Iomraidhean Croise

SALMOS 107:34

Alli granota p'ucuj allpacunatapish mana p'ucuj cachi allpata ruranllami. Chaipi causajcuna millaicuna cajpimi chashna ruran.

SALMOS 107:43

Maijanpish yachaisapa cashpa chaicunata huaquichijca, Mandaj Dios llaquij cashcatami entendinga.

ISAÍAS 42:23

Cai tucuita uyashpapish, pi mana cazunguichijca. Caya mincha ima tucunata huillajpipish, mana yuyaita japinguichijca.

JEREMÍAS 23:10

Cai llajtaca huainayajcunahuan jundamari. Millaita ruranallatami yachancuna, mandanapipish shujtajcunata llaquichishpallami tiyacuncuna. Chaimanta Dios llaqui tucuchun nijpimi, allpapish shitashca pamba shina chaquishca, michina pambacunapish tucui chaquishcami.

JEREMÍAS 23:16

Tucuita Mandaj Diosca cashnapishmi nin: “Chaimanta chai huillajcuna huillashcataca ama uyaichijchu. Paicunaca mana ñuca shimimanta llujshishca shimicunata huillancunachu. Ashtahuanpish cancunapaj yuyai samarichun llullanllacunamari. Paicunapaj shungu yuyashcallatamari muscuipi ricushcata shina huillancuna.

JEREMÍAS 23:22

Ñuca imata rurasha nicushcata ñuca huillacujpi uyashca cashpaca, ñuca huillachun nishcatamari ñuca agllashcacunamanca huillanmancuna carca. Chashna huillashpaca, paicunataca millai causaita, millai ruranacunata saquichishpa, alliman tigrachinmanmi carca.

JEREMÍAS 23:28

Maijan huillaj muscushpaca muscunillami nishpa parlachun. Ñuca shimicunatataj chasquishpa huillajpish, ñuca shimi cashcallata huillachun. Ujshaca trigohuanca, mana chai shinallatajchu” ninmi Mandaj Diosca.

JEREMÍAS 9:20

Huarmicuna, Mandaj Dios ima nishcata chasquichigari. Rinrinta pascashpa uyaichigari. Paipaj shimihuanmari cashna nin: “Cancunapaj ushushicunamanca huacanata yachachichigari. Cancunahuan apanacuj huarmicunamanpish cashna yupashpa, yupashpa huacanata yachachichigari:

EZEQUIEL 14:23

Paicuna ima shina causashcata, imata rurashcata ricushpami cushicunguichij. Chashna rurashcata ricushpami, chai pueblopi causajcunataca mana yangamanta llaquichishcata yachanguichij” ninmi Mandaj Diosca.

OSEAS 14:9

Caita entendingapajca ¿pitaj yachaisapari? Caicunata yachangapajca ¿pitaj alli yuyaiyugri? Mandaj Diospaj ñancunaca mana huishtuchu. Chai ñancunataca cashcata rurajcunallami puringa. Ashtahuanpish paita c'ariyajcunaca chai ñanllapitajmi ñitcarishpa urmangacuna.

OSEAS 4:10

Micungacunami, huijsa jundataca mana micungacunachu. Huainayangacunami, mana miraringacunachu. Mandaj Diospajta ruranata saquishcamantami chashna tucungacuna.

JOEL 1:11

Allpapi tarpushpa causajcunapish, uvata tarpushpa causajcunapish caparirishpa huacaichigari. Allpapi tarpushca trigo muyupish, cebada muyupish tucuimari chingarishca.

SOFONÍAS 3:6

“Llajtacunatapish chingachichircanimi, paicunapaj huasicunapish llaquinayajmi tucurca, ñancunatapish pi mana puripaj shitashcatami saquircani. Paicunapaj pueblocunapish pi mana causaipaj llaquinayajmi saquirirca.

Mateo 24:15

Chingachij millai runa Diospaj jucha illaj huasipi cajta ricushpaca, profeta Daniel chashna canata huillashcami pajtacunga. (Maijanpish rezajca entendichun).

DEUTERONOMIO 32:29

Caicunata entendingapaj yachaisapacuna cashpachari alli canman. Tucuripica ima tucuna cashcata yachashpachari alli canman.

Apocalipsis 1:3

Chai huillashca pajtana punllacunaca ñallami chayamucun. Imalla tucuna cashcata quillcashcata rezajpish, uyajcunapish chaipi imalla nishcata cazujcunapish cushichishcami canga.