JEREMÍAS 9:11 - Dios Rimashca Shimicunami

¹¹ Jerusalén pueblotaca rumi montonllatami saquisha. Judá llajtapi caj tucui caishuj pueblocunatapish chacal nishca animalcuna causanallatami rurasha. Shuj runallapish mana chaipi causangapaj saquiringachu.

JEREMÍAS 9:11 Iomraidhean Croise

NEHEMÍAS 4:2

paipuracunapaj, Samaria soldadocunapaj ñaupajpi cashna nirca: “Cai mana valij judiocunaca ¿imatashi ruracuncuna? Sacrificiocunata Diosman cuchun saquingami yuyancunachu. Chai jatun pircataca ¿shuj punllallapi tucuchinatachu yuyancuna? ¿Rumicuna rupashpa allpa montonlla saquirishcataca cutin causachinatachu yuyancuna?” nircami.

SALMOS 107:43

Maijanpish yachaisapa cashpa chaicunata huaquichijca, Mandaj Dios llaquij cashcatami entendinga.

SALMOS 44:19

¿Ima nishpataj chacalcuna causanaman shitanguiyari? ¿Ima nishpataj huañunalla amsahuan tapanguiyari?

SALMOS 79:1

Taita Dioslla, cambajlla allpamanca shujtaj llajtacunami shamurcacuna. Cambajlla huasitami mapayachircacuna. Jerusalentaca chingachishpami rumi montonllata saquircacuna.

ISAÍAS 13:22

Paicunapaj mandana huasicunapipish, hiena nishca animalcunallami huacaricungacuna. Paicuna jatunta cushicuna huasicunapica chacal nishca animalcunallami huacaricungacuna. Babilonia chashna tucunaca ña caillapimi, ña mana uni huatacuna illanchu” nishpami huillachirca.

ISAÍAS 25:2

Pueblotaca rumi montón shinamanmi tigrachishcangui. Muyujta pircayuj pueblotapish tucuimi urmachishcangui. Shujtaj llajta mandajcunapaj mandana huasicunapish ña mana pueblochu canga. Chaitaca manataj pi cutin shayachingachu.

ISAÍAS 34:13

Mandajcuna mandashpa tiyana huasicunapica cashacunami huiñanga. Paicunapaj muyundij pircacunapica, chinicuna, sacha q'uihuacunami huiñanga. Chai ucucunaca chacal animalcuna causanami tucunga. Huasi canllaca avestruzcunapaj huahua pollocuna causanami canga.

ISAÍAS 44:26

Ñucapajta ruraj huillashcataca, ñucatajmi pajtachini. Ñuca cachajpi huillajcuna huillashcataca, chaitatajmi pajtachini Jerusalenpica: “Cutin causangami” nijca ñucami cani. Judá llajtapi caj pueblocunatapish: Cutin allichishcami canga. Tucui urmashca siricujta shayachijca ñucami cani.

JEREMÍAS 1:15

Ñuca, Mandaj Diostajmi janaj lado llajtacunapi causaj ch'ican ch'ican runacunataca, tandanacushpa shamuchun mandani. Chai llajtacunata jatun mandajcuna shamushpami, tucuicuna cai Jerusalén pueblo pungu ñaupaj pambapi macanacungapaj tiyaringacuna. Cai jatun pirca huashanij tucui muyundijtami chapangacuna. Cai Judá llajta tucui pueblocunapimi, chashna macanacungapaj shayaringacuna.

JEREMÍAS 10:22

Judá llajtapi caj tucui pueblocunata shitashcata saquingapajmari, janaj llajtamantaca caparirishpa shamuncuna. Chacal animalcuna causanatamari rurangacuna– nircanimi.

JEREMÍAS 16:10

Judá llajtapi causajcunaman tucui caicunata huillajpica, paicunaca cashnami ningacuna: Ñucanchijca ¿ima millaitataj rurashcanchigari? Mana cashpaca ¿ima juchata rurashpataj, ñucanchijta Mandaj Diostaca p'iñachishcanchigari? Mandaj Diosca ¿imamantataj ñucanchijtaca cashna jatun llaquihuan ñacachisha ninchu imamí? ningacunami.

JEREMÍAS 25:11

Cai tucui llajtami mancharina jatun llaqui tucunga. Cai llajtacunapi causajcunaca, canchis chunga huatatami Babilonia llajtata jatun mandajta servishpa causangacuna.

JEREMÍAS 25:18

Puntaca Jerusalenpi, Judá llajtapi caj tucui caishuj pueblocunapi causajcunaman, paicunata jatun mandajcunamanpish, caishuj mandajcunamanpish ubyachishpami, jatun llaquipi churarcani. Chaita ubyashpami, chanzata rurashpa asina, shujtajcunatapish paicuna shina tucushca alli cachun nishca canapaj saquirircacuna. Cunancamami chashna causacuncuna.

JEREMÍAS 26:18

“Ezequías shuti jatun mandaj cai Judá llajtata mandacui huatacunapica, Moreset pueblomanta Miqueas shuti huillajmi, tucui cai llajtapi causajcunaman cashna nishpa huillashca: Tucuita Mandaj Diosca cashnami nin: Cai Sión urcuca, tarpuna allpacuna shina yapushcami canga. Cai Jerusalén pueblopish, rumi montonllami saquiringa. Ñuca huasi shayacun lomapipish, sachallami jundanga ninmi nishpami huillashca.

JEREMÍAS 26:9

¿Imamantataj canca: Cai huasica Silo shinami saquiringa, cai pueblopish tucui urmachishcami canga. Shujllapish causangapaj mana saquiringachu nishpa, Mandaj Diospaj shutipi huillanguiyari?” nircacunami. Mandaj Diospaj huasipica, tucuicuna chashna nishpami, Jeremiasta huañuchishun nicurcacuna.

JEREMÍAS 34:22

Cunan rishca cajpipish, ñucallatajmi cutin cai puebloman tigrachimusha. Paimi cancunahuan macanacushpa mishanga, cai pueblotaca ninahuanmi tucui rupachinga. Chashna rurashpami, cai Judá llajta pueblocunataca shuj runallatapish mana saquishpa, shitashca, chushajta saquisha ninmi Mandaj Diosca” nircami.

JEREMÍAS 4:27

Ñaupamanmi Mandaj Diosca cashna nirca: “Tucui llajtatami chushajllata saquisha. Shina cashpapish, tucuitajca mana chingachishachu.

JEREMÍAS 44:2

“Tucuita Mandaj, israelcunapaj Diosca cashnami nin: Jerusalenpi causajcunatapish, Judá llajtallapitaj tucui caishuj pueblocunapi causajcunatapish, ñuca ima shinalla llaquichijtaca cancunallataj ricurcanguichijmi. Cunanca tucui chai pueblocuna urmachishca, pi mana causaipaj shitashca saquirishcataca ricurcanguichijllatajmi.

JEREMÍAS 49:33

Hazor puebloca, huiñaitami shitashca saquiringa, chacal animalcunallami causanga. Manataj cutinca pi causangachu” ninmi.

JEREMÍAS 50:3

Janaj llajtamantamari chai llajtata llaquichigringa. Chaicunamari tucui ima tiyashcata chingachingacuna. Tucuicunamari shitashpa, llujshishpa ringacuna. Runacunapish, animalcunapish chaipica mana causangachu” nircami.

JEREMÍAS 51:37

Babilonia pueblopish, rumi montonllami saquiringa. Chaipica chacal animalcunallami causanga. Chashna shitashca saquirishcamantaca tucuicuna mancharinapish, chanzata rurashpa asinapishmi canga.

JEREMÍAS 8:22

Galaad llajtapica ¿bálsamo aceite tiyanchu imashi? ¿Manachu maijan jambij tiyanga imashi? ¿Imamantataj ñuca llajtapi causajcunaca, ima jambihuan manataj alliyanchu imamí?

LAMENTACIONES 1:4

Sionmanta purina jatun ñancunaca llaquillamari siricun, jatun tandanacuicunata ruranaman pi mana shamunchu. Pueblo pungucunapish pambapi shitashcamari siricun. Paipaj curacunapish aij nincunamari, solteracunapish llaquinayajtamari huacacun. Sióntaca jatun llaquimari japirca.

LAMENTACIONES 2:2

Jatun Diosca jatunta p'iñarishpami, Jacobpaj huasicunataca shujllatapish mana saquishpa, tucui huasicunata urmachirca. Judapaj tucui jatun torrecunataca pambapimi shitarca. Tucui Judá llajtatami mandajcunandijta cumurichirca.

LAMENTACIONES 3:47

Mancharina jatun llaqui, trampapi urmana, tucuicuna huañushpa tucurinallami ñucanchijtaca japirca.

LEVÍTICO 26:32

Llajtatapish chushajllatami saquisha. Chaita ricushpami cancunata p'iñajcuna chai llajtapi causangapaj shamushcacunapish mancharinacungacuna.

MIQUEAS 1:6

“Chashna millaita rurachishcamantaca, Samaria pueblotaca rumi montonllatami saquisha, uvata tarpuna allpatami rurasha. Pircashca rumicunatapish pugru pambaman caita chaita shitashpami, callari rumicunatapish tucuita llujshichisha.

MIQUEAS 3:12

Cancuna chashna rurashcamantaca, Sión urcuca tarpuna allpata shina yapushcami canga. Jerusalén puebloca, rumi montonllami tucunga. Diospaj huasi tiyana urcupish q'uihua jundashca sachallami saquiringa.

MIQUEAS 6:16

Canca Omri mandashcacunallatami cazurcangui. Acabpaj familiacuna imata rurashcatami catircangui. Paicuna mandashcacunatapish, cunashcacunatapishmi rurarcangui. Chaimantami cantaca llaquinayajta saquisha. Caipi causajcunapish chanzata rurashpa asinami cangacuna. Chaimanta ñuca agllashcacunapaj llaquitami apanguichij” ninmi.

DEUTERONOMIO 29:23

Tucui cai llajtaca azufrehuan cachihuan rupachishca llajtami. Chaimanta imata mana tarpuipajmi, ima mana p'ucuipajmi, cai allpapica ima q'uihuapish mana huiñaipajmi. Sodomata, Gomorrata, Admata, Zeboimta tucuchij shinallatajmi, Mandaj Diosca nina sindirij shina yallitaj p'iñarishpa cai llajtatapish llaquichishca” ningacunami.

Apocalipsis 18:2

Paica sinchita caparishpami, cashna nirca: “¡Babilonia jatun puebloca urmashcamari, urmashcamari! Supaicuna causanamari tucushca. Mapayachij tucui espiritucuna causana jutcumari tucushca. Millanayaj pajarocuna causana tazinmari tucushca.