JEREMÍAS 8:8 - Dios Rimashca Shimicunami

⁸ Chashna cashca jahuaca ¿ima nishpataj cancunaca: Ñucanchijca jatun yachajcunami canchij. Mandaj Dios mandashcataca ñucanchijmari charinchij ninguichigari? Chai shimicunataca quillcajcunamari llullahuan mirachishpa quillcashcacuna.

JEREMÍAS 8:8 Iomraidhean Croise

JOB 11:12

Burroca, genteta mana huachai tucunchu. Shinallataj mana entendij runapish manataj alli yuyaiyuj cai tucunchu.

JOB 12:20

Mana llullashpa rimacujcunatapish upayachinllami. Cunaj yuyajcunatapish cunana yuyaita quichunllami.

SALMOS 147:19

Jacobmanca paimi paipaj shimicunata ricuchirca. Israelcunamanpish paimi chaitataj pajtachichun nishcacunata, mandashcacunata curca.

PROVERBIOS 17:6

Yuyajcunapajca, nietocunaca sumaj corona shinami. Shinallataj huahuacunapish, yaya mamamantami cushicuncuna.

ISAÍAS 43:27

Cambaj punta yayapish juchallircami. Canta yachachijcunapish, ñucata c'ariyarcacunami.

JEREMÍAS 18:18

Jeremías huillashcata uyashpaca, cashnami ninacurcacuna: “Shamuichij, Jeremiasta huañuchinata yuyarinacushunchij. Mandashcacunata ñucanchijman yachachichunpish curacunaca mana illanchu. Alli yuyaita cungapajpish, yachajcuna mana illanchu. Dios ima nishcata huillajcunapish mana illangachu. Juchachishpa huañuipi churashunchij. Pai huillashcataca imata mana uyashunchijchu” nircacunami.

JEREMÍAS 19:7

Chai pambapimi Judá llajtapi causajcuna, Jerusalenpi causajcuna imata yuyarinacushcataca chingachisha. Paicunata p'iñashpa huañuchingapaj shamuj runacunapaj maquipi churashpami, espadahuan huañuchichisha. Chai huañushca aichacunataca huairata purij pajarocunaman, sachapi causaj animalcunamanmi carasha.

JEREMÍAS 2:8

Curacunapish: ¿Mandaj Diosca maipitagari? ninallatapish mana yuyarircacunachu. Ñuca mandashcacunata charijcunallatajmi ñucataca mana rijsircacuna. Michijcunapish ñucata c'ariyancunami, ñucamanta huillajcunapish Baalpaj shutipimi imatapish huillancuna. Chashna rurashpami imata mana rurai tucuj, yanga dioscunata catincuna” ninmi.

JEREMÍAS 4:22

Ñuca runacunaca alli yuyaihuan canapaj randica, imatapish mana uyashun nij rumi shungucunamari. Allitaca imata mana yachancunachu, millaita ruranapajtajcarinpish jatun yachajcunamari.

JEREMÍAS 48:14

¿Cunanca ima shinataj: Ñucanchijca alli fuerzasapa runacunami canchij, alli macanacuj c'ari c'aricunami canchij ninguichigari?

OSEAS 8:12

Ñuca mandashcacunataca achcatamari quillcarcani. Chaicunataca mana paicunaman cushcata shinami charircacuna.

Mateo 15:6

Chashna nishpaca yaya mamata alli nishpa ayudanataj cashcatami” saquichinguichij. Cancunapaj yuyaimanta yachachinata chashna yachachishpami, Dios mandashcataca yangata ruranguichij.

Juan 9:41

Chaimi Jesusca: –Mana ricujcuna cashpaca, jucha illajcunami canguichijman. Ashtahuanpish cunanca: “Ricujcunami canchij” nishcamantaca juchayujcunallatajmi saquiringuichij.

Romanos 1:22

Yachaisapacunami canchij yuyashpapish, ch'ahuancunami tucurcacuna.