JEREMÍAS 8:6 - Dios Rimashca Shimicunami

⁶ Ñucaca callarishpamari, tucuita uyacuni. Manamari shujllapish millaita rurashcamanta llaquirishpa cutirinchu. ¿Caitaca imatataj ruracunichu imamí? nishpallapish mana tapurinca. Allitaca pi mana rimanchu. Tucuicunamari paicunapaj quiquin ñantaca, frenota cacharijpi macanacuiman caballo callpashpa yaicuj shina purincuna.

JEREMÍAS 8:6 Iomraidhean Croise

JOB 10:2

Taita Diostaca cashna nisha: Ama llaquiman cachahuaichu, ñucahuan imamanta p'iñarishcata ricuchihuayari.

JOB 34:31

Cunantajca Taita Diostaca, cashnami nina cangui: Ñami cai tucui llaquitaca apashcani. Cunanca cantaca ña mana ashtahuan p'iñachisha ninichu.

JOB 34:32

Taita Dioslla, ñuca mana ricushcacunata yachachihuai. Ñaupaman mana allicunata rurashcataca, ña mana ashtahuan rurashachu ninami cangui.

SALMOS 14:2

Mandaj Diosca jahua pachamantami huañujlla runacunataca ricucun. Maijan entendij tiyashcata, Diosta mashcaj tiyashcatami ricucun.

ISAÍAS 30:18

Shina cajpipish Mandaj Diosca cancunata llaquingapaj shuyacunmi. Paica cancunata chashna llaquishpaca c'uyaj cashcatami ricuchinga. Mandaj Diosca cashcata ruraj Diosmi. Paipi shunguta churajcunaca tucuicunami cushichishca canga.

ISAÍAS 57:17

Mana israelcunapaj rurashcata munashpa paicuna shina millaita rurajpimi, p'iñarishpa llaquichircani. Ñuca ñahuita shujman churashpami paicunataca llaquichircani. Ashtahuanpish paicunaca ashtahuan ñucata c'ariyashpami, paicunapaj shungu munashca ñanta catircallacuna.

ISAÍAS 59:16

Chaita ruracujpipish pi mana jarcaj tiyajta ricushpami Mandaj Diosca mancharirca. Chaimantami Mandaj Diosca paipaj quiquin maquihuan quishpichingapaj shamunga. Pai cashcata rurashcami paica cashcata ruraj cashcata ricuchinga.

JEREMÍAS 23:25

Ñucaca chai huillajcunataca: Muscunimari, muscunimari nishpa, llullashpalla ñuca shutipi huillajtami uyani.

JEREMÍAS 3:5

Ashtahuanpish canca: Diosca mana huiñaitachu p'iña canga, alli tucungallami nishpami, ima millaita rurasha nishcata rurashpa causangui ninmi.

JEREMÍAS 5:1

“Shuj runallapish cashcata ruraj, ima millaita ruranata mana munaj tiyangapishchari. Tucui Jerusalén pueblo callecunapi, tandanacuna pambacunapi callarishpa mashcashpa ricuichigari. Shuj runallapish chashna tiyajpica, Jerusalentaca mana llaquichishachu.

EZEQUIEL 18:28

Tucui millaita ruracushcata saquishpaca causangatajmi, mana huañungachu.

EZEQUIEL 22:30

Cai llajtata ama llaquichichun nishpa ñuca ñaupajpi jarcashpa pata tunirishcapi shayarichunmi, israelcunapuramanta shuj runata mashcarcani. Chaita ruraj runataca manamari japircanichu.

DANIEL 9:11

Tucui israelcunami quiquin mandashcata p'aquishpa, quiquin rimashcata mana cazungapaj quiquinmanta anchurishcacuna. Chashna rurashpaca Taita Diosta p'iñachishpamari juchallishcanchij. Chaimantami Taita Diospajta ruraj Moisesta quillcachishca mandashcapi mana cazujpica llaqui tucushca canman nishcaca ñucanchij jahuapi urmashca.

MIQUEAS 7:2

Cai pachata llaquijmari illarca. Cai pachapi causaj runacunamantaca allita rurajca, shujllapish manamari tiyanchu. Tucuicunami huañuchijcuna tucushca. Paicunapurallataj urmachinacungapajmi linchitapish rurancuna.

SOFONÍAS 3:7

Chai tucui llaquicunata ricushpaca, ñucataca manchangami yuyarcanimi. Imamanta jarcashpa llaquichishcatapish cazungami yuyarcanimi. Ñuca llaquichishcamanta paicuna cazushca cajpica, paicuna causana huasicunatapish mana chingachimanchu carcani. Ashtahuanpish millaitarajmi utca rurarcacuna.

HAGEO 1:5

Chaimantami tucuita Mandaj Diosca cashna nin: “Cancuna ima shina cashcataraj yuyarichigari.

HAGEO 1:7

Chaimantami tucuita Mandaj Diosca cashna nin: “Cancuna ima shina causacushcataraj alli yuyarichigari.

MALAQUÍAS 3:16

Chaimantami Mandaj Diosta manchajcunapura tandanacushpa, caishuj chaishuj parlanacurca. Paicuna parlanacushcataca, Mandaj Diosca tucuitami uyarca. Paicuna imalla parlanacushcata yuyaringapajmi, Mandaj Diosca paipaj libropi quillcachirca. Chaimantami Mandaj Diosca maijanlla paita manchashpa causajcunapaj, maijanlla paita yuyarishpa causajcunapaj shuticunataca quillcarca.

2 Pedro 3:9

Mandaj Jesusca ima nishpataj mana utca shamun nishpa maijancuna nicujpipish, mana paicuna yuyashca shinachu. Ashtahuanpish shujllapish ama chingarichun nishpa tucuicuna mana allita ruracushcata saquishpa cutirichun nishpa ñucanchijta llaquishcamantamari manaraj shamun.

Apocalipsis 9:20

Cai tucui llaquicunata apacushpapish mana huañujcunaca, paicuna millaita ruracushcata saquishpa Diosman mana cutirircacunachu. Ashtahuanpish supaicunata, curimanta, cullquimanta, broncemanta, rumimanta, caspimanta rurashcalla dioscunata adoranatapish mana saquircacunachu. Chaicunaca mana ricui tucunchu, mana uyai tucunchu, mana puri tucunchu.