JEREMÍAS 8:5 - Dios Rimashca Shimicunami

⁵ Chashna cashcamantaca ¿imamantataj cai Jerusalenpi causajcunaca, huiñaita ñucahuan p'iñarishpa, manataj ñucapajman tigrancunachu imamí?

JEREMÍAS 8:5 Iomraidhean Croise

PROVERBIOS 4:13

Ñuca cunashcataca alli charishpa, chai yuyai cangui. Chaitaca huaquichinguitaj, chaimari canmanca causaita cunga.

ISAÍAS 1:20

Ñuca nishcacunata mana munashpa mana cazushpaca, espadahuan tucuchishcami canguichij” ninmi Mandaj Diosca.

ISAÍAS 30:10

Dios ricuchishcata huillajcunataca: “Muscuipi shinaca ama ashtahuan ricuichijchu” nincuna. Dios huillachishcata huillajcunatapish: “Dios huillachishca shinatajca ama huillaichijchu. Ashtahuanpish llullashpalla ñucanchij uyanajllacunallata huillaichij nishpami,

ISAÍAS 44:20

Chashna rurashpaca ushpallatami micun. Paipaj shungu umarishpami shujtaj ñanta rin. Paillatajca mana quishpiri tucunchu: “Ñuca alli maquipi charicunca manachu yangalla” nishpapish mana ni tucunchu.

JEREMÍAS 14:7

Mandaj Dioslla, ñucanchij juchacunahuanca cantamari p'iñachishcanchij. Chai juchacunallatajmari ñucanchijtaca llaquipi churashca. Cai tucui huatacunatamari canta mana cazushpa causashcanchij. Shina cajpipish, canta jatunyachingapaj ayudahuayari.

JEREMÍAS 2:32

Maijan solterapish, sumajcunata churarinataca mana cungarinchu. Cazarangapaj ari ninacushca solterapish, sumajta allichirinataca mana cungarinchu. Ashtahuanpish ñuca agllashcacunaca ñamari mana yupaipaj cai tucui huatacunata ñucata cungarishpa causancuna.

JEREMÍAS 3:5

Ashtahuanpish canca: Diosca mana huiñaitachu p'iña canga, alli tucungallami nishpami, ima millaita rurasha nishcata rurashpa causangui ninmi.

JEREMÍAS 5:27

Umashpa quichushpami, jatun charijcuna tucuncuna. Chashna japishca charinacunahuanca, paicunapaj huasica jaulapi pajarocuna jundachishca shinami tiyacun.

JEREMÍAS 5:3

Mandaj Dioslla, canca mana llullaj cachunmari munangui. Paicunaca macajpipish, mana nanachincunaca. Imata jarcashpa llaquichichunpish, manataj munancunaca. Rumita yalli sinchi shungucunamari tucuncuna. Manataj cambajman tigrarishun nincunachu.

JEREMÍAS 5:6

Chashna cashcamantaca, sachamanta león llujshishpa huañuchingatajmi. Shitashca pambapi causaj atuj shamushpa tucuchingatajmi. Leopardomari paicunapaj pueblo muyundijta chapanga. Maijanpish pueblomanta llujshijpica, japishcahuan micungallami. Paicunallataj Diosta yallitaj mana cazushpa, paimanta ashtahuan ashtahuan caruyashcamantamari chai llaquica japinga.

JEREMÍAS 6:17

Shinallataj: “Trompetapi tocashcata uyaichij” nishpa huillajcunatapishmi churarcani. Paicuna chashna nijpipish cancunaca: “Mana uyashun ninchijchu” nircanguichijmi.

JEREMÍAS 6:19

Tucui cai pachapi causajcunapish uyaichij: Cai runacunapajca jatun llaquitami apamugrini. Paicunallataj ñuca rimashcata mana uyashun nishpa, ñuca mandashcacunata p'iñashpa millaita rurashcamantami, paicuna japina cashcata cugrini.

JEREMÍAS 9:6

Tucui laya umarishpami causacuncuna. Chashna yallitaj umajcuna cashpami, ñucataca mana paicunapaj Dios cashcata rijsishun nincuna” ninmi Mandaj Diosca.

DANIEL 9:11

Tucui israelcunami quiquin mandashcata p'aquishpa, quiquin rimashcata mana cazungapaj quiquinmanta anchurishcacuna. Chashna rurashpaca Taita Diosta p'iñachishpamari juchallishcanchij. Chaimantami Taita Diospajta ruraj Moisesta quillcachishca mandashcapi mana cazujpica llaqui tucushca canman nishcaca ñucanchij jahuapi urmashca.

OSEAS 11:5

Paicunaca Egiptomanca mana tigrangacunachu. Ashtahuanpish asiriocunami paicunapaj jatun mandajca canga. Ñucapajman mana cutirishun nishcamantami chashna tucunga.

OSEAS 11:7

Ñuca agllashcacunaca ñucata c'ariyanapimi rumi shungu tucushcacuna. Ñucataca: “Jahua pacha Taita Dios” nishpapish, pi mana jatunyachinatatajca munancunachu.

OSEAS 13:2

Paicunaca ashtahuan ashtahuan chai juchallatataj cunancama rurashpa catishpami, cullquita yacuyachishpa imamanpish rijchaj dioscunata rurancuna. Quiquin yuyaimantami imamanpish rijchaj dioscunata rurancuna. ¡Tucui chaicunaca imatapish ruranata yachaj rurashcallami! Chashna rurashpaca chai dioscunaman animalcunata huañuchishpa cujcunataca chai bizicunata muchaichij nircacunami.

OSEAS 4:16

Israelcunaca quita vaquilla shinami caruyarcacuna. Chashna cajpica ¿Mandaj Diosca paicunataca malta ovejacunata shina ancho pambapi michingachari?

ZACARÍAS 7:11

Chashna nijpipish, mana uyashun nircacunachu. Ashtahuanpish huashata ricuchishpami, mana uyanachishpa rinrinta taparircacuna.

Juan 5:40

Chashna cajpipish huiñai causaita charingapajca, manamari ñucapajman shamushun ninguichijchu.

1 Tesalonicenses 5:21

Tucui imalla yachachishcataca, alli cashcata mana alli cashcata alli ricuichij. Alli cajllata chariraichij.

Hebreos 12:25

Riquichij, cancunata rimajtaca ama yanganchichijchu. Dios rimachishcata cai pachapi yanganchijcunaca llaquichishcatajmi carcacuna. Ñucanchijcarin jahua pachamanta rimajta yanganchishpaca llaquichishcatajmi cashun.

Apocalipsis 2:25

Shina cajpica cancuna ima shina caticushca shinallataj ñuca shamungacama caticuichijlla.