JEREMÍAS 8:3 - Dios Rimashca Shimicunami

³ Chai millai runacunapuramanta saquirijcunatapish caita, chaitami prezu cachasha. Chaicunapish maipi cashpapish causanata munanapaj randica, huañunatami munangacuna” ninmi. Tucuita Mandaj Diostajmi chashna nin.

JEREMÍAS 8:3 Iomraidhean Croise

1 REYES 19:4

Paica ña shuj punllata shitashca pambata rishpami, enebro yura ucupi tiyarishpa ña huañunata munashpa: “Mandaj Dioslla, caicamallami causasha nini. Ñucaca ñuca ñaupa yayacunata yallica mana canichu. Ñuca causaita quichuhuailla” nirca.

JEREMÍAS 23:3

Tucui llajtacunaman ñuca shitashca ovejacunapaj huahuacunataca ñucallatajmi cutin tandachisha. Chashna tandachishpaca, ñucallatajmi paicuna shayanaman tigrachimusha. Caipimi achcata mirarishpa jundaringacuna.

JEREMÍAS 23:8

Ashtahuanpish ñuca tigrachimujpi, quiquin llajtapi causacushpami: Israelcunapaj huahuacunataca janaj llajtamantapish, pai maillaman shitashca tucui shujtaj llajtacunamantapish tigrachimuj, causaj Mandaj Diosca ricucunmi ninguichij” ninmi.

JEREMÍAS 29:14

Mandaj Diosca cashnapishmi nin: Ñucatajmi cancunapi japi tucusha. Chaimantaca prezu causacushcamanta tigrachimushami. Maijan llajtacunallaman ñuca llujshichishpa cachashcamantaca tucuimantami tandachimusha. Ñuca prezu japichishpa cachashca cai llajtallamantajmi tigrachimusha ninmi Mandaj Diosca.

JEREMÍAS 29:28

Paica Babilonia llajtapica, uni huatacunatami chaipi prezu causagringuichij. Huasicunata shayachishpa tiyarichijlla. Huertacunata rurashpa, chaipi p'ucushcata micuichijlla nishpami, quillcacunata ñucanchijman cachashca nishcami carcangui nishpa quillcai” nircami.

JEREMÍAS 40:12

Chaita yachashpaca, Judá llajtamanta caj tucui cai runacunami paicuna llujshishpa rishca allpacunallamantaj tigrarcacuna. Judá llajtapi caj Mizpa pueblomanpish Gedaliashuan rimanaman rircacunami. Paicunaca vinotapish, ima shujtaj granocunatapish achcatami tandarcacuna.

JEREMÍAS 44:2

“Tucuita Mandaj, israelcunapaj Diosca cashnami nin: Jerusalenpi causajcunatapish, Judá llajtallapitaj tucui caishuj pueblocunapi causajcunatapish, ñuca ima shinalla llaquichijtaca cancunallataj ricurcanguichijmi. Cunanca tucui chai pueblocuna urmachishca, pi mana causaipaj shitashca saquirishcataca ricurcanguichijllatajmi.

JEREMÍAS 44:6

Chaimantami ñucaca jatunta p'iñarircani. Chashna yallitaj p'iñarishpami, tucui Judá llajta pueblocunapipish, Jerusalén callecunapipish ninata japichircani. Cunan punllacamami chai pueblocunaca tucuita rupachishpa tucuchishca, shitashca siricun ninmi.

JEREMÍAS 6:9

Tucuita Mandaj Diosca cashnapishmi nirca: “Saquirij israelcunatapish uvata tandashca q'uipa saquirishca uvata cutin pallanaman tigraj shinami apangacuna. Uvata pallaj shina cambaj maquicunahuanca tucuita pallayari” nijpimi, ñucaca:

DANIEL 9:7

Jatun Dios, quiquinca cashcatami rurashcangui. Ashtahuanpish ñucanchijca quiquinpaj ñaupajpica ima ñahui mana ricuripajmi tucushcanchij. Cunan punllaca judacuna cashpapish, Jerusalenpi causajcuna cashpapish tucui israelcunami urata, janajta maitapish cachashca c'uchullapi cashpa carupi cashpa causacunchij. Quiquinta mana cazushcamantami chashna causacunchij.

LEVÍTICO 26:33

Cancunataca shujtaj llajtacunamanmi urajta janajta cachasha. Espadata llujshichishpa catirashpa llaquichishpami chashna rurasha. Cancunapaj llajtapish chushajllami saquiringa. Cancunapaj pueblocunapish shitashca pambacunami saquiringa.

AMÓS 3:1

Israelcunalla, Mandaj Dios cancunata rimashcata uyaichij. Egipto llajtamanta cancunata llujshichimuj Mandaj Diosca, cancunataca llaquichigrinmi. Paimi cashna nin:

JONÁS 4:3

Cunanca Mandaj Dioslla, ñucataca huañuchihuailla. Ñucapajca causanapaj randica, huañunami alli– nijpimi,

MIQUEAS 2:3

Chashna llaquichijcunataca, Mandaj Diosca cashnami nin: “Ñucapish cancuna millaita rurashcamantaca llaquichishami. Cancunaca chai llaquicunamantaca, shujllapish manataj quishpiringuichijchu. Ña mana ashtahuan jatun tucushpa puringuichijchu. Chai punllaca jatun llaquimi canga” ninmi.

DEUTERONOMIO 30:1

Cunanca Mandaj Diosta cazushpaca allicunata chasquinata, mana cazushpaca llaquicunata chasquinatami ña yachanguichij. Chaimanta Mandaj Dios llaquichishpa shujtaj llajtaman cachajpi chaipi cashpami,

DEUTERONOMIO 30:4

Cancunapaj cai llajtamanta tucui cai pachata caru llajtaman cancunata llujshichishpa cachashca cashpapish Mandaj Dios cancunapaj Taita Diosca chaimanta japishpa, cancunata tandachishpami cutinllataj pushamunga.

Apocalipsis 6:16

Paicunaca urcucunatapish, c'acacunatapish: “Ñucanchij jahuapi urmaichij, jatun tiyarinapi tiyacujpaj ñaupajmanta, Oveja p'iñarishpa llaquichinamantapish pacahuaichigari.

Apocalipsis 9:6

Chai punllacunapi chai runacunaca, huañunatami yuyangacuna. Ashtahuanpish mana ima shina huañui tucungachu. Paicuna huañusha nijpipish, huañuica manataj japingachu.