JEREMÍAS 8:21 - Dios Rimashca Shimicunami

²¹ Ñuca llajtapi causajcuna llaquita apacujpimari, ñucapish jatun llaquihuan cani. Llaquihuan, manchaihuan yuyai amsayashcamari cani.

JEREMÍAS 8:21 Iomraidhean Croise

NEHEMÍAS 2:3

jatun mandajtaca: –Jatun mandajlla, huiñaita causangui. Ñaupa ñuca yayacunata maipimi pambarca chai pueblomari shitashca pamba saquirishca. Chai pueblopaj pungucunatapish rupachishpa chingachishcamari. Chashna cajpica ¿maitataj mana llaquilla ñahui cashari?– nircanimi.

JEREMÍAS 14:17

Cunanca tucuicunata cashna nigri: Ñuca llajtapi causajcunapajca, c'arihuan manaraj chayarinacushca soltera shina cajpipish, jatun llaquimari chayamushca. Yallitaj jatun nanaimari japishca. Cunantajca tutapish, punllapish huacacushallami. Ñuca ñahuimantaca manataj huiqui illangachu.

JEREMÍAS 14:2

“Judá runacunaca, tucuicunami llaquirishpa huacacuncuna. Pueblo pungucunatapish, pi mana llujshishpa yaicushpa ricurinchu. Jerusalenpi causajcunaca llaquirishpa pambapi tiyarishpami, caparirishpa huacancuna.

JEREMÍAS 17:16

Shina nicujpipish, ñucaca mana paicunata utca llaquichichun mañashcanichu. Paicunapaj jatun llaqui punlla chayamuchunpish mana mañashcanichu. Ñuca imallata nishcataca canllataj yachanguimi. Cambaj ñaupajpimi, imatapish shimi llujshini.

JEREMÍAS 4:19

¡Aij ñuca shungulla! ¡Aij ñuca shungulla! Ñuca shungu angucuna nanaihuan p'itirigrinca. Ñuca shunguca manchanayajta saltacunca. Jatun macanacuipaj trompetapi tocashcapish, caparishcapish uyarijpica, maitataj ñuca almaca upalla cangari.

JEREMÍAS 8:20

Ñapishmari chagracunata tandana usya punllacunapish tucurin. Shina cajpipish ñucanchijpajca, quishpirina mana tiyanca.

JEREMÍAS 9:1

Ñuca uma pugyu tucujpica, ñuca ñahuicunamanta yacu huiñacuj shina huiqui llujshicujllapica, ñuca llajtapi causajcuna huañushcamantaca, tutapish punllapish huacacuimanllachari.

LAMENTACIONES 3:1

Ñucaca, ñuca aichapi jatun llaquita apashca runami cani. Mandaj Diosmari jatunta p'iñarishpa anguhuan macahuarca.

JOEL 2:6

Paipaj ñaupajpica, tucuicunami manchangacuna. Ñahuicunapish, quillu quillumi tucungacuna.

NAHUM 2:10

Chushajlla, huañucuj, llaquinayajmari saquirishca. Shungupish huañushcamari. Cunguri mucucunapish chujchucunmari, huijsatapish nanachicunmari. Ñahuicunapish quillu quillumari tucushca.

Lucas 19:41

Jerusalenman chayagrishpaca, chai pueblopi causajcunata ricushpa huacashpami,