JEREMÍAS 8:2 - Dios Rimashca Shimicunami

² Chai tullucunataca intipish, lunapish, jahua pachapi tiyaj tucui luzerocunapish yurajyachishca sirichunmi shitangacuna. Paicuna causacushpaca chaicunatami c'uyarcacuna, chaicunatami servircacuna, chaicunatami catircacuna, chaicunatami cungurishpa imatapish tapujcuna carca. Pi mana pallashpa pambangacunachu. Ashtahuanpish majada shinami allpa jahuapi siringa.

JEREMÍAS 8:2 Iomraidhean Croise

2 REYES 17:16

Ashtahuanpish paicunaca Mandaj paicunapaj Dios tucui mandashcacunata saquishpami, bronce ishqui bizi diosta, Asera huarmi diosman rijchajtapish rurarcacuna. Jahua pachapi tucui imalla tiyajcunatapish adorashpa, Baalpajtapish rurashpami,

2 REYES 21:3

Lomacunapi tiyaj altarcunata paipaj yaya Ezequías urmachishcatami cutin shayachirca. Israel llajtata jatun mandaj Acab rurashca shinallatajmi, Baalpaj altarcunata rurachirca. Asera huarmi diosman rijchajtapishmi rurachirca. Jahua pachapi tucui imalla tiyajcunatapish adorarcami. Chaicunatami llaquihuai nishpa adorashpa mañarca.

2 REYES 21:5

Mandaj Diospaj huasi canllapipish, ishquindij ladopimi jahua pachapi tucui imalla tiyajcunapaj altarcunata rurachirca.

2 REYES 23:5

Chai q'uipaca, rurashcalla dioscunapaj curacunatami anchuchirca. Chaicunaca Judapi caj lomacunapi, Jerusalén muyundijcunapi tiyaj altarcunapi inciensota rupachichun Judá llajtata jatun mandajcuna churashcami carca. Shinallataj Baalmanpish, intimanpish, lunamanpish, zodiaco nishcata ricuchijcunamanpish, jahua pachapi tiyaj tucui luzerocunamanpish inciensota cushpa rupachij curacunatapishmi anchuchirca.

SALMOS 53:5

Manchana manapish tiyajpipish yallitaj jatun manchaihuanmi chujchurcacuna. Canta llaquichingapaj muyundijta shayacujcunapaj tullucunataca Taita Diosmi tsiraparca. Taita Dios shitajpimi paicunataca pingachircangui.

SALMOS 83:10

Paicunaca Endor pueblopimi chingarircacuna. Allpapaj majada tucushpamari saquirircacuna.

SALMOS 83:11

Paicunapaj soldadocunata mandajcunataca Orebta, Zeebta shinallataj huañuchiyari. Tucui paicunata jatun mandajcunataca Zebata, Zalmunata shinallataj chingachiyari.

ECLESIASTÉS 6:3

Shuj runaca patsaj churicunata charinmanchari, unitapish causanmanchari. Chashna achca huatacunata causashpapish, ashallatapish mana cushicushpa causarcachari. Huañujpipish mana pambashca cangachari. Chashna cashca cajpica, ñucaca shullushca huahuaraj chai runata yalli alli cashcatami nini.

JEREMÍAS 14:16

Paicuna huillashcata uyajcunatapish espadapish, yaricaipish huañuchijpimi, Jerusalén pueblo callecunapica shitashca siringacuna. C'aricunatapish, huarmicunatapish, churicunatapish, ushushicunatapish pi mana pambaipajmi canga. Paicuna millaita rurashcamantaca, paicunapaj jahuallapitajmi llaquita tallisha.

JEREMÍAS 16:11

Chashna nijpica cashna ningui: Mandaj Diosca cashnami nin: Cancunapaj yayacunamari ñucata shitashpa, shujtajcunapaj dioscunapajman rishpa chaicunata cungurircacuna. Chaicunatami servircacuna. Chashna ñucata saquishpami, ñuca mandashcatapish mana pajtachircacuna.

JEREMÍAS 16:4

Mancharina ungüicunahuanmi huañungacuna. Paicunamantaca pi mana huacangachu, mana pambangacunallapishchu. Majada shinallami allpa jahuapi shitashca siringacuna. Shinallataj espadahuanpish, yaricaihuanpishmi huañungacuna. Paicunapaj aichacunaca huairata purij pajarocunapaj, sacha animalcunapaj micunami canga” nircami.

JEREMÍAS 16:6

Cai llajtapi causajcunaca jatuncunandij, uchillacunandijmi huañungacuna. Paicunataca pi mana pambangacunachu, pi mana huacangallapishchu. Pi mana llaquirishpa churanata lliquiringachu, uma ajchatapish mana ruturingacunachu.

JEREMÍAS 19:13

Jerusalén tucui pueblo huasi jahuacunapipish, Judá llajtata jatun mandajcunapaj huasi jahuacunapipishmi, jahua pachapi tiyaj tucui luzerocunaman inciensota cushpa rupachijcuna carca. Shinallataj shujtajcunapaj dioscunamanpish vinota cushpami tallijcuna carca. Chaimanta chai tucui huasicunaca ñuca ñaupajpica, Tofet pamba shina mapami canga ninmi ningui” nircami.

JEREMÍAS 22:19

Sirijta aisashpami, Jerusalenmanta canllaman llujshichishpa shitangacuna. Huañushca burrocunata shitana jutcupimi shitangacuna” ninmi.

JEREMÍAS 25:33

Chai punllapica, Mandaj Dios ñuca huañuchishcacunaca, shuj ladomanta caishuj ladocama, tucui cai pachapimi shitashca siricunga. Chai huañushcacunamantaca pi mana huacangachu, pi mana tandashpa pambangallapishchu. Majada shinami allpa jahuapi shitashca saquiringa.

JEREMÍAS 31:40

Shinallataj huañushca aichacunata pambana, ushpata shitana pugru pambapish, chai tucui lado pambapish cedrón shuti huaicucama, inti llujshin ladoman caj caballocuna yaicuna pungucamami ñuca, Mandaj Diospajlla ch'icanchishca pueblo tucunga. Chaimanta cai pueblopi causajcunaca, ña mana llujshichishpa cachashca cangacunachu, cutinca mana urmachishca cangachu” ninmi.

JEREMÍAS 36:30

Chashna rurashcamantaca Mandaj Diosca, Judá llajtata jatun mandaj Joacimtaca cashnapishmi nin: Paica Davidpaj jatun tiyanapi tiyashpa mandachun huahuacunata mana charingachu. Pai huañujpipish punlla rupaipi, tuta chiripi sirichun shitangacunallami.

JEREMÍAS 9:20

Huarmicuna, Mandaj Dios ima nishcata chasquichigari. Rinrinta pascashpa uyaichigari. Paipaj shimihuanmari cashna nin: “Cancunapaj ushushicunamanca huacanata yachachichigari. Cancunahuan apanacuj huarmicunamanpish cashna yupashpa, yupashpa huacanata yachachichigari:

JEREMÍAS 9:21

Ñucanchij huasicunamanca huañuimari ventanacunata yaicumushca. Mandana huasicunacamamari yaicushca. Cunanca callecunapi puricuj huahuacunatapish, tandanacuna pambacunapi purij chairaj c'aricunatapishmi tucuchicun nichun yachachichij ninmi” ningui.

JEREMÍAS 9:22

Cashnapish ningui: “Mandaj Diosca cashnami nin: Huañushcacunaca majada shinami pambacunapi shitashca saquiringa. Trigota cuchushpa, gavillashpa saquijpi mana tandashca shinami ricuringa ninmi ningui” nircami.

EZEQUIEL 29:5

Chaimanta llujshichishpaca cantapish, cambaj jatun yacucunapi tiyaj tucui chalhuacunatapish shitashca pambapimi saquisha. Tucuicuna ricunalla allpa jahuapimi urmangui. Pipish mana japingachu, pipish mana tandachingachu. Cantaca cai pachapi tiyaj p'iña animalcunaman, pajarocunamanmi micuchun curcani.

EZEQUIEL 39:5

Tucuicuna ricunallapimi urmangui. Mandaj Jatun Diostajmi chashna nini.

EZEQUIEL 6:5

Huañushca israelcunataca, rurashcalla dioscunapaj ñaupajpimi churasha. Tullucunataca altar muyundijcunapimi tsirapashpa shitasha.

EZEQUIEL 8:16

Chaimantaca ñucataca Mandaj Diospaj huasi canllamanmi pusharca. Mandaj Diospaj huasiman yaicuna punguhuan altarhuan chaupipica, ishqui chunga pichca runacunatami ricurcani. Paicunaca Mandaj Diospaj huasi ladoman huashata ricuchishpami, inti llujshin ladota ricushpa shayacurcacuna. Inti llujshin ladollamantajmi cungurishpa intita adorarcacuna.

SOFONÍAS 1:17

“Mandaj Dios ñucata, p'iñachishpa millaita ruraj runacunataca jatuntami llaquichisha. Chaimantami paicunaca ñahui mana ricuj shina musparishpa puringacuna. Paicunapaj yahuarpish allpa shinami jicharinga. Paicunapaj aichapish mapa shinami shitaringa” ninmi.

SOFONÍAS 1:5

Huasi jahuaman huichiyashpa luzerocunata cungurijcunatapish, Mandaj Diospish, Milcom diospish ricucunmi nishpa llullashpa cungurijcunatapishmi chingachisha ninmi.

Hechos 7:42

Chaimi Taita Diosca paicunamanta anchushpa jahua pacha luzerocunata adorachun saquirca. Profetacunata Taita Dios Quillcachishcapi nishca shinami tucurca: “Israelcuna chuscu chunga huatacunatami shitashca pambapi carcanguichij. ¿Chaipica ñucamanchari animalcunata huañuchishpaca curcanguichij?

DEUTERONOMIO 17:3

ñuca ama rurangui nishcacunata, rurashcalla shujtaj dioscunapajta ruranaman, chaicunapaj ñaupajpi cungurinaman, intita, lunata, jahua pachapi tiyaj tucui luzerocunata cungurinaman rishcata yachanguichari.

DEUTERONOMIO 4:19

Jahua pachata huichilla ricushpapish intita, lunata, luzerocunata, tucui ima tiyajcunatapish ñataj paicunata cungurina yuyaita japishpa paicunapajta ruranguichijman. Chaicunataca Mandaj Dios cancunapaj Taita Diosmi tucui cai pachapi causajcunapaj rurarca.