JEREMÍAS 8:16 - Dios Rimashca Shimicunami

¹⁶ P'iñajcunaca ñamari shamuncuna. Paicunapaj caballocunaca ñamari p'ucurishpa Dan llajtata shamucun. Chai caballocunaca allpa chujchujtamari huacarishpa callpamuncuna. Paicuna chayamushpaca allpapi tucui imalla tiyajtami tucuchicun. Tucui pueblocunatapish, chaicunapi causajcunatapishmi tucuchicun.

JEREMÍAS 8:16 Iomraidhean Croise

JOB 39:20

¿Paitaca langosta c'uruta shinalla manchachinguimanchu? Paica singahuan p'ucushpallapish sinchitamari p'ucun.

SALMOS 24:1

Cai pacha allpaca Mandaj Diospajmi. Chaipi imalla tiyajcunapish paipajmi. Cai pachapi tucui imalla causajcunapish paipajmi.

JEREMÍAS 10:25

Canta mana rijsijcunata, canta mana mañajcunata p'iñarishpa llaquichiyari. Paicunamari Jacobpaj huahuacunataca millpuncuna. Tucuicunatamari huañuchishpa tucuchincuna. Can causana huasitapish, shitashcatamari saquincuna.

JEREMÍAS 3:24

Ñucanchijllataj pandarishcamantamari, ñucanchij huambraraj cajpi ñucanchij yayacuna trabajashpa charishcacunataca tucui chingachishcanchij. Ovejacuna, huagracunapish illaj, churicuna, ushushicunapish illajllamari saquirinchij.

JEREMÍAS 30:16

Canta p'iñashpa tucuchijcunataca tucuicunallatatajmi tucuchingacuna. Tucui paicunami prezu ringacuna. Canta sarujcunaca sarushcallatajmi cangacuna. Tucui can charishcata quichujcunataca paicuna charishcatapish, shujtajcuna quichuchun cushami.

JEREMÍAS 30:5

Mandaj Diosca cashnami nirca: “Sumajta causacushcamanta cushicushpa caparijtaca mana uyanchijchu. Jatun manchaihuan chujchushpa caparicujtami uyanchij.

JEREMÍAS 4:24

Urcucunata ricujpipish chujchucurcami. Tucui lomacunapish, chushajllami saquirishca carca.

JEREMÍAS 4:7

Leonmari sachamanta llujshimucun. Llajtacunata tucuchijmari caiman shamungapaj ñanpi yaicushca. Cancunapaj llajtata tucuchingapajmari pai tiyanamanta llujshimushca. Cancunapaj tucui pueblocunamari shuj runallapish illaj, shitashca saquiringa” ninmi.

JEREMÍAS 47:3

Caballocunami culun nishpa callpamunga, carretacunapish ruedacuna t'alaj nishpa huajiashpami shamunga. Chaita uyashpaca yayacunapish, huahuacunata shitashpami callpangacuna. Maquicuna chujchushpa imata mana rurai tucungacunachu.

JEREMÍAS 5:17

Paicunami cancunapaj chagracunamanta tandashca granocunata, ovejacunata, huagracunata, uvata, higota micushpa tucuchingacuna. Cancunapaj churicunatapish, ushushicunatapish tucuchingacunami. Cancuna shunguta churashca jatun pircayuj pueblocunatapish urmachishpami, espadahuan huañuchishpa chushajta saquingacuna” ninmi.

JEREMÍAS 50:42

Paicunaca arcohuanpish, lanzahuanpish alli macanacunata yachajcunami. Pita mana llaquishpa huañuchingallacunami. Paicuna caparirishcapish mama cucha yacu jatarishca shina manchananatami uyaringa. Babiloniapi causajcunalla, chai runacunamari cancunahuan macanacungapaj allichirishpa, caballocunapi tiyarishca shamungacuna.

JEREMÍAS 51:29

Mandaj Diosca, Babilonia llajtata llaquichisha nishcataca pajtachigrinmari. Chai llajtataca shuj runallapish illaj, shitashcatamari saquinga. Chaita rurajpica, cai pachapish chujchushpa llaquillamari saquiringa.

JEREMÍAS 6:23

Chai runacunaca arcotapish, shitashpa macanacuna lanzatapish aisashcami shamungacuna. Paicunaca pitapish mana llaquishpa huañuchijcunami. Mama cucha yacu manchanayajta huajiashpa jatarij shinami uyarimungacuna. Sión urcu pueblopi causajcunalla, chaicunaca cancunahuan macanacungapajmi caballocunapi tiyarishpa, allichirishca shamungacuna” ninmi.

NAHUM 3:2

Anguhuan azotishca, carreta ruedacuna c'ulun nishcamari uyarin. Caballocuna callpamucuj shamuncuna, carretacuna saltashpa c'ulun nicujmari uyarin.

HABACUC 3:10

Canta ricushpaca urcucunapish mancharcami. Yacu jundaicunapish pasarcami. Manchanana jatun jutcupish caparircami. Mama cucha yacupish, caiman chaimanmi cuyurirca.

1 Corintios 10:26

Cai pachapish, chaipi tucui ima tiyajcunapish Jatun Diospajmi.

1 Corintios 10:28

Ashtahuanpish cancunaman maijan: “Caica rurashcalla dioscunaman rupachinapaj cushcami carca” nijpica, ama micunguichijchu. Huillajmantapish, yuyai mapayanamantapish ama micunguichijchu. Cai pachapish, chaipi tucui imalla tiyajcunapish Jatun Diospajmi.

JUECES 18:29

Chai pueblotaca ñaupaman Lais shuti cashca cajpipish, paicunaca Dan shutitami shutichircacuna. Paicunapaj ñaupa yayaca Israelpaj churi Dan shutimi carca. Chai pueblotaca chai shutitami shutichircacuna.

JUECES 20:1

Ña alli yuyarinacushpaca tucui israelcunami, Mandaj Diospaj ñaupajpi tandanacurcacuna. Tucuicuna shuj yuyaillami Mizpapi tandanacurcacuna. Danpi causajcunamanta callarishpaca, Beersebapi causajcunacama Galaad llajtapi causajcunandijmi tandanacurcacuna.

JUECES 5:22

Caballocunapish sillucuna t'alaj t'alajmi callparcacuna. C'ari c'ari soldadocuna tiyarishpa rijpimi, chashna uyarirca.