JEREMÍAS 8:13 - Dios Rimashca Shimicunami

¹³ Mandaj Diosca cashnapishmi nin: “Ñucaca tucuitamari chaquichigrini, uva chagrapipish shuj uva granollapish mana saquiringachu. Higo yuracunapipish shuj granollapish mana saquiringachu. Yura p'angacunacamami chaquishpa urmanga. Imallata paicunaman ñuca cushcacunaca shujtajcunapajmi tucunga” ninmi.

JEREMÍAS 8:13 Iomraidhean Croise

ISAÍAS 5:10

Chunga huagra yuntahuan yapushca uva chagraca shuj barril vinopajlla uvatami p'ucunga. Chunga costal muyu yaicushca trigo chagrapish, shuj costal trigollatami p'ucunga.

JEREMÍAS 14:12

Paicuna mana micushpa ñucata mañajpipish, manataj uyashachu. Animalcunata huañuchishpa tucui rupachijpipish, imata cujpipish manataj chasquishachu. Ashtahuanpish espadahuan, yaricaihuan, jatun ungüihuanmi tucuchisha” nircami.

JEREMÍAS 14:15

Manapish ñuca cachajpimari: Cai llajtamanca pi mana espadahuan huañuchingapaj shamungachu, yaricaipish mana tiyangachu nishpa llullashpalla ñuca shutipi huillancuna. Chaimanta Mandaj Diostajmi paicunataca cashna nini: Chai huillajcunaca espadahuan, yaricaihuanllatajmi huañushpa tucuringacuna.

JEREMÍAS 17:8

Paicunaca yacu uripi tarpushca yura shinami canga. Yacu llujshicuj allpapi sapiyashca yuraca inti sinchita rupachijpipish, mana anguyanchu. Verdijlla p'anga shayacunllami. Tamya mana tiyai huatapish mana chaquirishpa, granota p'ucunllami.

JEREMÍAS 5:17

Paicunami cancunapaj chagracunamanta tandashca granocunata, ovejacunata, huagracunata, uvata, higota micushpa tucuchingacuna. Cancunapaj churicunatapish, ushushicunatapish tucuchingacunami. Cancuna shunguta churashca jatun pircayuj pueblocunatapish urmachishpami, espadahuan huañuchishpa chushajta saquingacuna” ninmi.

JEREMÍAS 7:20

Chashna cashcamantaca, Mandaj Diosca cashnapishmi nin: “Cunantajca jatunta p'iñarishpami, cai llajtapica jatun llaquita talligrini. Runacunapaj jahuapi, animalcunapaj jahuapi, yuracuna jahuapi, grano chagracuna jahuapimi mana huañuj lunyacuj ninata shina shitagrini” ninmi.

EZEQUIEL 22:31

Chaimanta ñuca p'iñarishcataca, paicunapaj jahuapimi tallircani. Jatunta ñuca p'iñarishpami, paicunataca tucuchircani. Paicunapaj mapa causaimantaca, paicunallatatajmi llaquichircani” ninmi Mandaj Jatun Diosca.

OSEAS 2:12

Paipaj uva chagracunatapish, higo yuracunatapish p'itishpami shitasha. Chai huarmica: Caicunaca ñucata c'uyajcuna ñucaman cuna cashcata cushcamari niricurcami. Chaicunapica mapa q'uihuacunatami jundachisha. Chaicunataca purij animalcunami micunga.

JOEL 1:7

Ñuca uva chagracunatapish chingachircami. Ñuca higo yuracunatapish ramacunacama tucui jahua caratami lluchushpa micurcacuna, yuraj caspicunallatami urmachishpa saquircacuna.

LEVÍTICO 26:20

Cancunapaj fuerzapish yangallami tucuringa. Cancunapaj allpapica ima mana p'ucungachu. Yuracunapish imata mana p'ucungachu.

HABACUC 3:17

Higocuna mana sisajpipish, uvacuna mana granujpipish, olivocuna mana p'ucujpipish, imalla tarpushcacuna mana huiñajpipish, ovejacunata quichujpipish, vacacuna corralpi mana tiyajpipish,

HAGEO 1:11

Ñucamari cai llajtapica mana tamyachircani. Chaimantami urcucunapish, tarpuna allpacunapish tucui chaquishca siricun. Shinallataj trigotapish, vinotapish, aceitetapish, allpapi imalla p'ucushcatapish tucuimi chaquichircani. Runacunatapish, animalcunatapish, runacunapaj maquihuan trabajashcacunatapish tucuimi chingachircani” nishpami huillachirca.

HAGEO 2:17

Ñucamari cancuna tarpushca granocunataca, jatun acapanahuan, ungüicunahuan, runduhuan chingachircani. Chashna rurajpipish, manataj ñucapajman cutirircanguichijchu” ninmi Mandaj Diosca.

MALAQUÍAS 3:11

Cancuna tarpushca granocunata chingachijtapish jarcashami. Chaimantami granocunataca, imata mana chingachinga. Cancunapaj uva chagracunapish allimi p'ucunga. Tucuita Mandaj Diostajmi chashna nini.

Mateo 21:19

higo yura ñan c'uchullapi cajta ricushpa c'uchuyarca. Ashtahuanpish chai yuraca, imata mana p'ucushca p'angacunalla cajta ricushpami: –¡Cunanmantaca canpica amataj p'ucuchun!– nijpica higo yuraca chaquircallami.

Santiago 1:11

Q'uihuaca inti llujshishpa achcata rupachijpica, chaquirinmi. Paita sumajyachij sisa urmajpica, pai sumaj cashcapish chingarinmi. Shinallatajmi achcata charijca, paipaj charinacunandij tucuringa.