JEREMÍAS 8:12 - Dios Rimashca Shimicunami

¹² Millaicunata rurashcamantaca ¿pingarincunachu imatagari? Mana yangamanta nicunichu, paicunaca manataj pingarincunachu. Ashallatapish mana pingarincunachu. Pingarina ima cashcatapish mana yachancunachu. Chaimanta ñuca llaquichi punllapica, caishujcuna shinallatajmi urmangacuna” ninmi Mandaj Diosca.

JEREMÍAS 8:12 Iomraidhean Croise

GÉNESIS 19:34

Chai cayandij punllami punta ushushica, q'uipa ushushitaca: –Ñucaca caina tutaca ñucanchij yayahuanmi dormircani. Cunan tutaca can dormingui. Cunanpish vinota ubyachishpa machachishun. Chashna rurashpa huahuacunayuj tucujllapimi, ñucanchij yayapaj huahua huahuacunaca mana chingaringa– nircami.

SALMOS 52:1

Imatapish rurai tucuj ¿ima nishpataj millaita rurashcahuan jatun tucunguiyari? Taita Diospaj c'uyaica manataj tucuringachu.

SALMOS 52:7

“Chaica Taita Dios paipaj muyundij pirca shina cashcata mana yuyaj runamari. Ashtahuanpish pai achcata charishcacunallapimari shunguta churarca. Paica millaillapimari causarca” ningacunami.

ISAÍAS 24:2

Chaipica tucuicunapaj ima shinami llaqui, chai shinallatajmi curapajpish canga. Amopajta rurajpaj ima shinami canga, chai shinallatajmi amopajpish canga. Amapajta ruraj huarmipaj ima shinami canga, chai shinallatajmi amapajpish canga. C'atujpaj ima shinami canga, chai shinallatajmi randijpajpish canga. Randijpaj ima shinami canga, chai shinallatajmi c'atujpajpish canga. Mañajpaj ima shinami canga, chai shinallatajmi mañachijpajpish canga. Mañachishcata japijpaj ima shinami canga, chai shinallatajmi mañachijpajpish canga. Divijpaj ima shinami canga, chai shinallatajmi diviyachijpajpish canga.

ISAÍAS 3:9

Paicunapaj ñahuillatajmi paicuna mana alli cashcataca ricuchin. Paicunaca Sodomacuna shinallatajmi juchallishcatapish mana pingashpa huillanllacuna. ¡Aij paicunapaj causailla! Paicunapaj llaquipajllatajmi montonacuncuna.

JEREMÍAS 10:15

Chaicunaca yangallami, imapaj mana valinchu. Dios llaquichi punllapica chingaringallami.

JEREMÍAS 14:15

Manapish ñuca cachajpimari: Cai llajtamanca pi mana espadahuan huañuchingapaj shamungachu, yaricaipish mana tiyangachu nishpa llullashpalla ñuca shutipi huillancuna. Chaimanta Mandaj Diostajmi paicunataca cashna nini: Chai huillajcunaca espadahuan, yaricaihuanllatajmi huañushpa tucuringacuna.

JEREMÍAS 23:12

Chaipica paicunapajca, jatun lluchca ñanta amsa tutapi puricushca shinami canga. Chashna lluchcapi cajpitaj, t'angashpa shitajpi shinami llaquipi urmangacuna.

JEREMÍAS 3:3

Chashna rurashcamantamari punta tamyana punllacunapipish, q'uipata tamyana punllacunapipish mana tamyarca. Shina cajpipish huainayaj, pingai illaj huarmi shinamari manataj pingai tucungui.

JEREMÍAS 44:10

Cancuna chashna causashcataca cunancama manamari llaquiringuichijchu, mana manchanguichijllapishchu. Cancunapaj yayacunapish, cancunapish pajtachishpa causachun ñuca cushca mandashcacunataca, shujllatapish mana pajtachishcanguichijchu ninmi.

JEREMÍAS 6:15

Millananacunata rurashcamantaca ¿pingarincunachu imatagari? Mana yangamanta nicunichu, paicunaca manataj pingancunachu. Ima shina pingarinatapish mana yachancunachu. Chaimantami ñuca llaquichijpica, caishujcuna shinallataj llaquipi urmangacuna” ninmi Mandaj Diosca.

JEREMÍAS 6:21

Mandaj Diosca cashnapishmi nin: “Ñucaca cai runacuna urmachunca, ñucatajmi ñitcarinacunata churani. Chaicunapi ñitcarishpami yayacunapish, churicunapish urmangacuna. C'uchullapi causajcunandij, paicunahuan apanacujcunandijmi huañungacuna” ninmi.

EZEQUIEL 23:18

Paica lluchulla tucushpa paipaj aichata munachishpami, tucuicuna ricucunpi huainayarca. Chaimantami ñucaca paipaj ñañata p'iñashca shinallataj paitapish p'iñarcani.

OSEAS 5:9

Efrainca llaquichi punllapimi tucui chingachishca canga. Tucui chaicuna tucunataca Israel aillucunapurapimi huillarcani.

SOFONÍAS 3:5

Mandaj Diosca, paicunapaj chaupipica cashcata rurajmi. Paica, ima millaitaca mana rurangachu. Paica cashcata ruranataca, achijman llujshichishpami ricuchinga. Cashcata ruranataca manataj cungaringachu. Ashtahuanpish millai runaca, pingai tucushcataca mana rijsirinchu.

DEUTERONOMIO 32:35

Chai tucuimantaca ñucami paicunatapish llaquichisha. Paicuna rurashca shinallatajmi cusha. Paicunapaj llaqui punllaca ñallami chayamugrin. Paicunaman cunataca allichishcatami charicuni.

Filipenses 3:19

Paicunaca causai tucuripica, chingaringacunami. Paicunapaj diosca huijsami. Paicunaca pingarinapaj randica jatun tucuncunami. Paicunaca cai allpapaj cajllatami yuyancuna.