JEREMÍAS 7:4 - Dios Rimashca Shimicunami

⁴ Caica Mandaj Diospaj huasimari, caica Mandaj Diospaj huasimari, caica Mandaj Diospaj huasimari nishpa cancunata inquitajcunapica, ama shunguta churaichijchu.

JEREMÍAS 7:4 Iomraidhean Croise

1 REYES 9:7

ñuca cancunaman cushca allpamantaca israelcunataca anchuchishami. Ñucapajlla cachun ch'icanchishca cai huasitapish ñuca ñaupajmanta anchuchishami. Chashna rurajpimi israelcunamantaca, tucui cai pachapi causajcunaca yuyachij shimicunata rimashpa asicungallacuna.

ISAÍAS 48:2

Cancunaca jucha illaj llajtapajmi nishcami canguichij. Cancunaca Israelcunapaj Taita Diospimi shunguta churanguichij. Paipaj shutica tucuita Mandaj Diosmi.

ISAÍAS 59:4

Cashcata ruranamantaca pi mana caparinchu. Pi mana cashcata ricushpa mandanchu. Yangallapimi shunguta churancuna. Yangallatami rimancuna. Millaillatami chichun. Millaitami huachan.

ISAÍAS 66:1

Mandaj Diosca cashnami nin: “Jahua pachaca ñuca mandashpa tiyanami, cai pachaca ñuca chaqui sarunami. ¿Maipitaj ñucapajca huasita shayachi tucunguichigari? ¿Maipitaj ñuca samarinataca rurai tucunguichigari?” ninmi.

JEREMÍAS 28:15

Chashna mandajpimi, Dios ima nishcata huillaj Jeremiasca, huillaj Hananiastaca cashna nirca: –Riqui Hananías, cantaca mana Mandaj Dioschu huillanaman cachashca. Canca cai runacunataca can llullashcallapimari shunguta churachingui.

JEREMÍAS 29:23

Paicunaca israelcunapurapica, jatun millaitamari rurancuna. Pipaj huarmihuanpish huainayashpa puricushca jahuami, manapish ñuca huillachun cachajpi, llullashpalla ñuca shutipi huillancuna. Chaitaca tucuitami yachani, ñucatajmi tucuita ricuchigrini ninmi Mandaj Diosca” nishpami quillcashpa cacharca.

JEREMÍAS 29:31

“Tucui chaiman prezu apashcacunaman cashna nishpa quillcai: Mandaj Diosca chai Nehelammanta caj Semaiastaca cashnami nin: Semaiastaca mana ñuca huillanaman cacharcanichu. Llullashpallami ñuca shutipi huillacun. Cancunataca pai llullashcallapimi shunguta churachicun.

JEREMÍAS 6:14

Ñuca agllashcacuna chugririshcataca: Ñami sumaj causai tiyagrin, ñami sumaj causai tiyagrin nishpami, nanaita cungachisha nincuna. Ashtahuanpish sumaj causaica mana tiyanchu.

JEREMÍAS 7:14

Chashna rurashcamantaca ñucata mañana cai huasitapish, Silo pueblota shinallatajmi ruragrini. Cancunapaj ñaupa yayacunaman cushcamanta, cancunapaj shunguta churashca cai huasitaca urmachishatajmi.

EZEQUIEL 13:19

Cancunaca lutsaj cebadamanta, mirga tandamantami ñuca agllashcacunapurapica, manapish huañuchina runacunataraj huañuchishpa, huañuchina runacunamanraj causaita curcanguichij. Chashnami llullashcata uyaj paicunamanca llullarcanguichij. Chashna rurashpami, ñucataca yangata rurarcanguichij.

MIQUEAS 3:11

Paicunata mandajcunaca camarita japishpallami, millaita rurajcunataca mana imata nincuna. Curacunapish cullquiraicullami imatapish yachachincuna. Dios ima nishcata huillajcunapish cullquiraicullami huillancuna. Chai jahuamari paicunaca: “Mandaj Diosca ñucanchijhuanmari. Ima llaquipish mana tiyangachu” nishpa, Mandaj Diospi shunguta churancuna.

SOFONÍAS 3:11

Cancunapaj chaupimantaca, jatun tucushpa cushicujcunataca anchuchishami. Chaimantami ñucapajlla urcupica, ña mana cutinca jatun tucunguichij. Chashnami chai punllapica, cancunaca millaita rurashpa ñucata c'ariyashcamanta ña mana pingachishca canguichij.

Lucas 3:8

Mana allita ruracushcata saquishpa cutirishcataj cashpaca alli causashpa ricuchichigari. “Ñucanchijca Abrahamtami yayata charinchij” nishpaca ama yuyaichijchu. Cashnami nini: Diosca, cai rumicunatapish Abrahampaj huahuacuna cachun rurai tucunmi.