JEREMÍAS 7:23 - Dios Rimashca Shimicunami

²³ Ashtahuanpish cashna nishpami mandarcani: Cancunaca ñuca rimashcata cazunguichij. Cancuna cazujpica, cancunapaj Dios cashami. Cancunapish ñuca agllashca runacunami canguichij. Ñuca imalla mandashcata chaitataj rurashpaca, allimi causanguichij nircanimi.

JEREMÍAS 7:23 Iomraidhean Croise

JOB 36:11

Chashna nishcata uyashpa, paita servishpaca huañungacamami cushicushpa alli causangacuna.

SALMOS 119:3

Pai yachachishca ñanpi purijcunaca ima millaita mana rurancunachu.

SALMOS 40:6

Sacrificiocunata cushcapish, ofrendata cushcapish mana quiquin munashca shinachu. Ñuca rinrincunatapish pascashcanguimi. Diosman cushpa tucui rupachinatapish, juchamanta cunatapish mana mañashcanguichu.

SALMOS 81:13

¡Ñucapajlla cajcunaca ñucata uyashca cajpica, israelcunaca ñuca yachachishca shina causashca cajpica!

ÉXODO 15:26

Chaipica cashnami nirca: “Cancunaca Mandaj Dios ima nishcata alli uyashpa, paipaj ñaupajpi ima pandata mana rurashpa, pai mandashcacunata alli uyashpa, chaitataj pajtachichun nishcacunata pajtachijpica, egipciocunaman cachashca ungüicunataca shujllatapish cancunapaj jahuaman mana apamushachu. Ñucaca Mandaj Diosmi cani. Cancunata alliyachijmi cani” nircami.

ÉXODO 16:32

Chai q'uipami Moisesca israelcunataca: –Mandaj Diosca cashnami nin: Maná shuti tandataca shuj gomerta japishpa huaquichichij. Egipto llajtamanta cancunata llujshichishpa cai shitashca pambapi cancunaman cai tandata carashcata cancunapaj huahua huahuacuna ricuchun ninmi– nircami.

ISAÍAS 3:10

Cashcata rurajtaca tucui imapipish allimi ringui ni. Quiquin maquihuan rurashcatami micunga.

JEREMÍAS 11:4

Cancunapaj ñaupa yayacunata Egipto llajtamanta llujshichimushpami, cai shimicunataca curcani. Fierrota yacuyachina hornomanta shina llujshichimushpami, paicunataca cashna mandarcani: Ñuca rimashcata uyanguichij. Imatapish ñuca mandashca shinataj rurashpa causanguichij. Chashna causashpaca ñuca agllashca runacunami canguichij. Ñucapish cancunapaj Diosmi casha.

JEREMÍAS 11:7

Cancunapaj ñaupa yayacunata Egipto llajtamanta llujshichimui punllamantapachami, ñuca mandashcata uyaichij nishpa rimarcani, cunarcani. Cancunatapish cai tucui huatacunata mana upalla saquishcanichu. Ashtahuanpish chai shinallatajmi cunani.

JEREMÍAS 13:11

Ñucaca tucui israelcunatapish, tucui Judá runacunatapish ñucapajlla causachun, ñuca jatun cashcata ricuchijcuna cachun, shujtajcunapish paicunamanta ñucata alli nishpa jatunyachichunmi chumbihuan chumbillishca shina ñuca muyundijpi charicurcani. Shina cajpipish, paicunaca ñucataca mana cazurcacunachu ninmi Mandaj Diosca ningui.

JEREMÍAS 22:21

Ñucaca cancuna manaraj ima llaqui tucujpimi rimarcani. Ashtahuanpish huambramantapachami ñuca imata nijpipish: Manataj uyashachu nishpa manataj uyaj carcanguichij.

JEREMÍAS 22:3

Mandaj Diosca cashnami nin: Cashcata rurashpa, alli mandaichigari. Huajchacunataca llaquichicujcunapaj maquimanta mitsaichigari. Ama pita umaichijchu. Shujtaj llajtamanta shamushcacunatapish, yaya mana illaj huahuacunatapish, viudacunatapish ama imata quichuichijchu. Cai llajtapica, ama manapish ima millaita rurajcunata huañuchishpa yahuarta jichaichijchu.

JEREMÍAS 24:7

Paicunaca, tucui shunguhuanmi ñucapajman cutiringacuna. Ñucataca Mandaj Diostaj cashcata rijsichun paicunamanca alli shungutami cusha. Chashnami paicunaca ñuca runacuna canga. Ñucapish paicunapaj Diosmi casha” nircami.

JEREMÍAS 31:33

Mandaj Diosca cashnapishmi nin: “Shamuj punllacunapica israelcunahuan ari ninacushpaca, cashnami rurasha: Ñuca mandashcataca paicunapaj yuyaipi churashami, paicunapaj shungupi quillcashami. Chashna rurashpaca ñucaca paicunapaj Diosmari casha, paicunapish ñucapajllamari canga.

JEREMÍAS 32:23

Cai llajtata japishpaca, caipi p'ucushcata micushpa cushicurcacunami. Shina cashpapish can rimashcataca mana uyarcacunachu, can mandashcatapish imata mana pajtachishpa causancunachu. Imallata rurachun can mandashcataca, imata mana rurarcacunachu. Chaimantamari cai tucui llaquicunata paicunapaj jahuapi cacharishcangui.

JEREMÍAS 38:20

Shina nijpimi, Jeremiasca cashna nirca: –Mana paicunapaj maquipi churangacunachu. Ñucaca Mandaj Dios huillachun nishcatamari huillani, chaita uyayari. Chaita uyashpaca mana ima tucunguichu, allimi causangui.

JEREMÍAS 42:6

Cantaca ñucanchijta Mandaj Diosta tapuchunmi cachanchij. Ñucanchijpaj alli cachun, mana alli cachunpish, pai mandashcatami cazushun. Ñucanchijta Mandaj Diosta cazushpamari, alli causaita japishun– nircacunami.

SOFONÍAS 3:2

Mandaj Dios rimashcatapish mana uyarcacunachu, alli tucuchun jarcashcatapish mana cazurcacunachu. Mandaj Diospica mana shunguta churarcacunachu. Paicunapaj Diospajmanpish mana c'uchuyarcacunachu.

ZACARÍAS 6:15

Shinallataj carupi causajcunami, Mandaj Diospaj huasita rurashpa ayudanaman shamungacuna. Chaita ricushpami, Mandaj Dios huillachun ñucata cancunapajman cachashcataca yachanguichij. Cancunata Mandaj Dios mandashcata uyashpa cazujpimi, cashnaca tucunga.

ZACARÍAS 7:7

Cai shina shimicunataca, Jerusalenpi causajcuna, chai c'uchulla pueblocunapi causajcuna, Neguev shuti, Sefela shuti pambacunapi causajcunapish sumajta causacujpirajmi Mandaj Diosca, pai ima nishcata huillajcunata huillachirca.

Romanos 16:26

Chaitaca huiñaita causaj Dios mandashca shinami, paipaj profetacunaman Quillcacunata quillcachishpa ricuchishca. Crinataj cashcata cazunata tucui mama llajtacunaman yachaj chayachingapajmi chashna ricuchishca.

2 Corintios 10:5

Chashnami Diosmanta ama yachachun nishpa jatun tucushpa jarcaj yuyaicunataca chingachinchij. Cristota cazungapajmi ñucanchij tucui yuyaicunataca paiman curinchij.

DEUTERONOMIO 11:27

Cunan ñuca quillcashpa cushca Mandaj Dios cancunapaj Taita Dios mandashcacunata cazushpaca allicunata chasquinguichijmi.

DEUTERONOMIO 13:4

Chaimanta cancunaca Mandaj Dios cancunapaj Taita Diosllata catinguichij, paillata manchanguichij. Pai mandashcacunallata huaquichinguichij, pai rimashcallata uyanguichij. Pai mandashcacunallata ruranguichij, paipajlla cana yuyailla canguichij.

DEUTERONOMIO 13:5

Dios huillachijpimi huillaj canchij nishpa mana cashpaca muscuipi ricushcata huillajcunami canchij nishpa llullashpa huillajca cancunapaj Mandaj Taita Diosta c'ariyanata yachachicushcamanta paicunaca huañuchishcatajmi cana can. Paicunaca cancuna Egiptopi huatashca shina ruracujmanta llujshichimuj, Mandaj Diospaj mandashca ñanmanta anchuchisha nishpa yachachishcamantami chashna huañuchishca cana can. Chashna rurashpallami cancunapuramantaca tucui millaitaca anchuchinguichij.

DEUTERONOMIO 30:2

cancunaca huananchijtajmi nishpa Mandaj Dios cancunapaj Taita Diospajman cutiringuichij. Chaipimi cancunapish cancunapaj huahua huahuacunapish cunan ñuca cushca mandashca shimicunataca tucui shunguhuan tucui almahuan cazujcuna tucunguichij. Chashna nishpaca cancuna cashpa cancunapaj huahua huahuacuna cashpapish huananchijtajmi nishpa Mandaj Dios cancunapaj Taita Diosman cutirishpa pai rimashcacunata cancunaman cunan ñuca cushpa mandashcacunata tucui shunguhuan, tucui almahuan pajtachina tucunguichij.

DEUTERONOMIO 30:20

Mandaj Dios cancunapaj Taita Diosta c'uyashpa, paita cazushpa paita catishpa causachunmi mandani. Paimantami cancunaca Mandaj Dios cancunapaj Taita Dios cancunapaj ñaupa yaya Abrahamman, Isaacman, Jacobman cushatajmi nishca llajtapica unita causanguichij' nircami.

DEUTERONOMIO 30:8

Cancunaca Mandaj Dios rimashcata uyashpa, paiman tigrarishpaca ñuca cunan cancunaman cushca mandashcacunata pajtachina yuyaillami pajtachicunguichij.

DEUTERONOMIO 4:10

Cancunata Mandaj Dios Horeb urcu c'uchupi cajpi, cancuna paipaj ñaupajpi cashca punllata chaipi ima nishcata yuyarichigari. Chaipica ñucataca: Tucui cai pachapi causashca punllacunacama ñucata manchanata yachachun ñucataj rimashpa yachachingapaj tucuicunata tandachi. Chaitaca paicunapaj huahuacunamanpish yachachichuncuna nircami.

DEUTERONOMIO 4:40

Pai chaitataj pajtachichun nishcacunata, pai mandashcacunataca cancuna pajtachichuntajmi mandashpa cuni. Chaimanta huiñaicama Mandaj Dios cancunapaj Taita Dios cancunaman cushca llajtapi cashpa canpish cambaj huahua huahuacunapish alli cangapaj, uni huatacunata chai llajtapi causangapajmi chai mandashcacunataca pajtachina canguichij” nircami.

DEUTERONOMIO 5:16

Mandaj Dios cambaj Taita Dios mandashca shinallataj cambaj yayata cambaj mamata alli ningui. Chashna rurashpami Mandaj Dios cambaj Taita Dios canman cushca llajtapi unita causangui. Tucui imapipish ñaupajman ringui.

DEUTERONOMIO 5:29

Paicunaca cunan ima shinami ñucata manchacun chashnalla ñucata manchaj shungulla cangapishchari. Chashna cashpa ñuca mandashcacunata punllanta huaquichishpami paicunapish, paicunapaj huahuacunapaj huahuacunapish tucuipi alli ringacuna.

DEUTERONOMIO 5:33

Mandaj Dios cancunapaj Taita Dios mandashca ñanllapi puringuichij. Chashna rurashpami cancuna japina cashca llajtata japishpa chai llajtapica unita causanguichij, tucui imapipish ñaupajman ringuichij.

DEUTERONOMIO 6:3

Chaimanta israelcuna uyaichij. Lechepish, sacha chuspipaj mishquipish yacu llujshicuj shina tiyan llajtapi cancuna imapipish ñaupajman ringapajca tucui chaicunata pajtachina yuyailla pajtachinguichij. Chashna rurashpami Mandaj Dios cancunapaj ñaupa yayacunapaj Taita Dios nishca shinallataj yallitaj miraringuichij.

Hebreos 5:9

Chashna tucuita pajtachij cashpami, paita tucui cazujcunapajca huiñaipaj Quishpichij tucurca.

1 SAMUEL 15:22

Chaimi Samuelca: –Mandaj Diosca paiman cushpa tucui rupachijpipish, sacrificiocunata cujpipish ¿pai nishcacunata cazushcamanta shinachu cushicunga? Sacrificiota cunapaj randi, carneropaj huirata cushpa rupachicunapajlla randica, pai nishcata uyashpa cazunami ashtahuan alli.