JEREMÍAS 7:21 - Dios Rimashca Shimicunami

²¹ Tucuita Mandaj, can israelcunapaj Diosca cashnapishmi nin: “Cancunaca mashna animalcunatapish huañuchicuichijlla, tucui rupachicuichijlla. Chai aichacunataca amijta micucuichijlla.

JEREMÍAS 7:21 Iomraidhean Croise

SALMOS 50:8

Cancuna ñucaman cushpa animalcunata rupachishcamantaca imata mana rimagrinichu. Ñuca ñaupajpi punllanta animalcunata ñucaman cushpa tucui rupachishcamantapish imata mana rimagrinichu.

ISAÍAS 43:23

Tucuita cushpa rupachina animalcunatapish ñucaman cungapaj mana apamurcanguichijchu. Animalcunata cushpa rurachishpa adoranatapish mana adorarcanguichijchu. Ñucaman cuna cashcacunahuanpish ñucapajta rurachun mana mañarcanichu. Inciensota cuchun nishpapish mana shaicuchircanichu.

JEREMÍAS 14:12

Paicuna mana micushpa ñucata mañajpipish, manataj uyashachu. Animalcunata huañuchishpa tucui rupachijpipish, imata cujpipish manataj chasquishachu. Ashtahuanpish espadahuan, yaricaihuan, jatun ungüihuanmi tucuchisha” nircami.

JEREMÍAS 6:20

Ñucamanca ¿imapajtaj chai Sabá llajta inciensota cushpa rupachinguichigari? Caru llajtamanta apamushca sumaj mishquijllata ashnaj huiru yacutapish ¿imapajtaj ñucamanca cunguichigari? Cancuna animalcunata cushpa tucui rupachishcapish, maita mana chasquipajmi. Animalcunata cushpa huañuchishcatapish manataj ricunanchu” ninmi.

EZEQUIEL 33:25

Chashna nijcunamanca cashna niyari: Mandaj Jatun Diosca cashnami nin: Cancunaca aichatapish yahuarndijmi micunguichij, rurashcalla dioscunata adorajcunapishmi canguichij, huañuchijcunami canguichij. Chashna mana allita rurajcunaca ¿maitataj cai llajtataca japinguichigari?

OSEAS 8:13

Ñucaman cushpa rupachinacunatapish, aichata cushpami rupachincuna. Aichataca micuncunami. Mandaj Diosca chaitaca mana munarcachu. Cunanca paicuna millaita rurashcataca callarishpa yuyarishpami, paicuna juchallishcamantaca llaquichisha. Egiptomanmi tigrachishpa cachasha.

DEUTERONOMIO 12:27

Mandaj Diosman cushpa tucui rupachina aichatatajca, yahuartatajca Mandaj Dios cancunapaj Taita Diospaj altar jahuapi paiman cunguichij. Yahuartaca Mandaj Dios cancunapaj Taita Diospaj altar jahuapi tsirapashca cachun. Aichataca cancuna micunguichij.