JEREMÍAS 7:2 - Dios Rimashca Shimicunami

² “Ñuca Mandaj Diospaj huasi pungupi shayarishpa, cashna nishpa cai shimicunata huillagri: Judá llajtapi causajcuna, cancunaca tucuicunami cai punguta yaicushpa, Mandaj Diostaca adoranguichij. Cunanca pai Mandaj Dios ima nishcata uyaichigari.

JEREMÍAS 7:2 Iomraidhean Croise

1 REYES 22:19

Chaimi Micaiasca: –Mandaj Dios imata nishcata uyayari. Mandaj Diostaca paipaj jatun tiyarinapi tiyacujtami ricurcani. Jahua pachapi paipajta rurajcunapish alli ladomanpish, lluqui ladomanpish paipaj c'uchupi cajtami ricurcani.

SALMOS 122:2

Jerusalén, ñucanchij chaquicunaca ñamari cambaj pungu ucupi,

ISAÍAS 1:10

Sodoma pueblota mandajcuna Mandaj Dios rimashcata uyaichigari. Gomorra pueblo, ñucanchij Taita Diospaj mandashcata uyaichigari.

JEREMÍAS 10:1

Israelcuna, Mandaj Dios cancunata ima nishcata uyaichij.

JEREMÍAS 11:6

Chashna nijpica, Mandaj Diosca cashnami nirca: “Cai shimicunataca Judá llajtapi tucui causajcunamanpish, Jerusalenpi causajcunamanpish callecunapi cashna huillagri: Dioshuan ari ninacushca cai shimicunata uyashpa, chai shina causaichij.

JEREMÍAS 19:14

Mandaj Dios chai Tofet pambapi imallata huillachun mandashcata huillashpaca, Jeremiasca Mandaj Diospaj huasimanmi tigrarca. Chai huasi canllapi shayarishpami, tucui chaipi cajcunata cashna nirca:

JEREMÍAS 2:2

“Ri, Jerusalenpi causajcuna uyajta cashna caparigri: Mandaj Diosca cashnami nin: Can huambraraj cashpaca, ñucata allimi cazuj carcangui. Ñucahuan cunanlla cazarashca cashpaca, ñucata c'uyarcanguimi. Chaimantami ima tarpushca mana tiyaj, shitashca pambata pushamujpipish, ñucata catishpa shamurcanguilla. Chaitaca allimi yuyarini.

JEREMÍAS 2:4

Yaya Jacobopaj huahua huahua tucui israelcuna, Mandaj Dios rimashcata uyaichigari.

JEREMÍAS 26:2

“Mandaj Diostajmi cashna mandani: Ñuca huasimanca tucui Judá llajtapi tiyaj pueblocunamantami adorangapaj shamuncuna. Tucui shamujcunaman ñuca imallata huillachun nishcata, ñuca huasi ñaupajpi shayarishpa huillagri. Imata mana saquishpa tucuitataj huillangui.

JEREMÍAS 28:5

Huillaj Hananías chashna nijpica, Dios ima nishcata huillaj Jeremiasca curacunapaj ñaupajpi, tucui chaipi tandanacushcacunapaj ñaupajpimi Mandaj Diospaj huasipica rimarca.

JEREMÍAS 34:4

Shina cajpipish Judá llajtata jatun mandaj Sedequiaslla, Mandaj Dios rimashcata uyayari. Mandaj Diosca canmantaca cashnamari nin: Canca mana espadahuan huañuchishca canguichu.

JEREMÍAS 36:10

Chai tandanacuipimi Barucca, Mandaj Diospaj huasi chaupi ucuman yaicushpa, mushuj pungu ñaupajpi shayarirca. Chaipi shayarishpami Jeremías quillcachishcataca pillushca carata pascashpa, tucui chaipi cajcunaman rezashpa uyachirca. Chai ucupica Safanpaj churi Gemarías shuti quillcajmi tiyaj carca.

JEREMÍAS 36:6

Chashna cashcamantaca, mana micushpa Diosta mañangapaj tandanacui punllapica, Mandaj Diospaj huasimanca can yaicungui. Chai punlla yaicushpaca, Mandaj Dios imallata huillachun nishcata ñuca rimajpi cai carapi can quillcashcataca Jerusalenpi causajcunamanpish, tucui Judá llajta pueblocunamanta tandanacushcacunamanpish rezashpa uyachingui.

JEREMÍAS 44:24

Jeremiasca tucui chaipi cajcunatapish, tucui huarmicunatapishmi cashnapish nirca: –Cai Egipto llajtapi caj tucui Judá runacuna, Mandaj Dios ima nishcata uyaichij.

JEREMÍAS 7:1

Mandaj Diosca, Jeremiastaca cashnami nirca:

EZEQUIEL 37:1

Mandaj Diosmi paipaj maquita ñuca jahuapi churarca. Mandaj Diospaj Espiritumi shuj pugru pambaman pushashpa, chaipi tiyaj tullucuna chaupipi churarca.

OSEAS 5:1

Curacuna, caita uyaichij. Israelcuna, alli uyaichij. Mandana huasipi causaj mandajcuna uyaichij. Mizpa pueblopica, lazyana angu shinami carcanguichij. Tabor urcupica, urmachinapaj linchita tendishca shinami carcanguichij. Cancunapajmanca jatun llaquimi shamugrin.

AMÓS 7:16

Cunanca Mandaj Dios imalla nishcata alli uyai. Canca ñucataca: Isaacpaj huahua huahua israelcunata llaquichina cashcataca ama huillaichu nishpami jarcangui.

MIQUEAS 1:2

Tucui cai pachapi causajcunapish, caipi imalla tiyajcunapish caita alli uyahuaichij. Mandaj Jatun Diosca, paipajlla huasimanta cancunata llaquichina cashcataca ricuchishca cachun.

MIQUEAS 3:1

Cashnami nircani: Cunanca Jacobpaj huahua huahua israelcunata mandajcunapish, pushajcunapish caita alli uyahuaichij. Imatapish cashcata ruranata yachanaca ¿manachu cancunapaj imatagari?

MIQUEAS 3:9

Cunanca Jacobpaj huahua huahua israelcunata mandajcunapish, pushajcunapish caillata alli uyahuaichij: Cancunaca cashcata ruranataca mana munanguichijchu, allita ruranatapish mana ruranguichijchu.

Mateo 13:9

Maijanpish uyanapaj rinrinta charijca uyaichigari” nircami.

Juan 18:20

Chaimi Jesusca: –Ñucaca cai pachapi causajcunamanca tucuicunapaj ñaupajpimi yachachircani. Sinagogapi, Taita Diospaj huasipi, maipi tucui judiocuna tandanacunpimi punllanta yachachircani. Pacallaca imata mana yachachircanichu.

Hechos 5:20

“Richij, Taita Diospaj huasipi shayarishpa, ima shina mushuj causaiyuj tucunata huillaichij” nirca.

Hechos 5:42

Chashna cashpami paicunaca Taita Diospaj huasipipish, huasin huasintapish Jesucristomi Quishpichij nishpa punllanta yachachinata huillanataca mana saquircacuna.

Apocalipsis 2:11

Rinrinta charijca, tandanacushca crijcunaman Diospaj Espíritu huillashcata uyachun. Millaita mishajcunataca q'uipa huañuica imata mana rurai tucungachu nishpa quillcai” nircami.

Apocalipsis 2:17

Rinrinta charijca, tandanacushca crijcunaman Diospaj Espíritu huillashcata uyachun. Millaita mishajmanca, pacashca tiyacuj maná shuti micuitami carasha. Shinallataj shuj uchilla yuraj rumitami cusha, chaipica shuj mushuj shutita quillcashcami, chai shutitaca pi mana yachanchu, maijanpish chasquijllami yachanga nishpa quillcai” nircami.

Apocalipsis 2:29

Rinrinta charijca, tandanacushca crijcunaman Diospaj Espíritu huillashcata uyachun nishpa quillcai” nircami.

Apocalipsis 2:7

Rinrinta charijca, tandanacushca crijcunaman Diospaj Espíritu huillashcata uyachun. Millaita mishajmanca, Diospaj paraíso chaupipi caj, causaita cuj yuramantami carasha nishpa quillcai” nircami.

Apocalipsis 3:13

Rinrinta charijca, tandanacushca crijcunaman Diospaj Espíritu huillashcata uyachun nishpa quillcai” nircami.

Apocalipsis 3:22

Rinrinta charijca, tandanacushca crijcunaman Diospaj Espíritu huillashcata uyachun nishpa quillcai” nircami.

Apocalipsis 3:6

Rinrinta charijca, tandanacushca crijcunaman Diospaj Espíritu huillashcata uyachun nishpa quillcai” nircami.