JEREMÍAS 7:18 - Dios Rimashca Shimicunami

¹⁸ Huahuacunaca, yantatami pallashpa cuncuna. Yayacunaca, ninatami japichincuna. Huarmicunaca, cutata chapushpa tandata rurashpami, jahua pachata jatun mandaj nishca huarmi diosman cuncuna. Shinallataj shujtaj dioscunamanpishmi cuncuna. Chashna rurashpami, ñucataca yallitaj p'iñachincuna.

JEREMÍAS 7:18 Iomraidhean Croise

1 REYES 14:9

Ashtahuanpish canca cambaj ñaupa tiyaj mandajcunata yalli millaita rurashpami, ñucamanta anchurishpa shujtajcunapaj dioscunata rurashcangui. Canca curimantami, shujtajcunapaj dioscunatajllata rurashcangui. Chashna rurashpami ñucata p'iñachishpa ñucamanca cambaj huashata ricuchishcangui.

1 REYES 16:2

“Cantaca ñutu allpamanta jatarichishpami, ñuca agllashca israelcunata mandaj cachun churarcani. Ashtahuanpish canca Jeroboampaj ñanta purishpami, ñuca agllashca israelcunata juchallichingui. Chashnami canca cambaj juchacunahuan ñucataca p'iñachingui.

SALMOS 16:4

Shujtaj diosta adorangapaj callpashpa, chai dioscunapajta rurashcamantaca nanaicunami jahuanpi shamunga. Ñucaca chai diosmanca mana ima animalpaj yahuarta cushpa tallishachu. Chaicunaca diosmi ninatapish manataj nishachu.

ISAÍAS 3:8

Jerusalenca ñuturishcami saquirishca. Judaca urmashcamari. Paicunapaj c'alluhuan, paicunapaj rurashcacunahuan, Mandaj Diosta p'iñachishcamanta, Mandaj Dios jatun mandaj cashcata yanganchishcamantami chashna tucushca.

ISAÍAS 57:6

Canca pugru pambapi tiyaj llambu rumicunatami adorangui. Chaicunami canmanca imatapish cun yuyanguimi. Chai rumicunamanmi vinotapish tallircangui. Granocunatapishmi cushpa rupachircangui. Chai tucui millaita rurashcamantaca, ¿manachu llaquichisha imatagari?

ISAÍAS 65:11

Ashtahuanpish Mandaj Diosta saquij cancunata, ñucapajlla caj urcuta cungarijcunata, suerteta cujcunaman micunata carajcunata, causaipi alli pushaj nishca diosman vinota tallishpa cujcunataca,

ISAÍAS 65:3

Chai gentecunaca ñuca ñaupajpi punllanta millaita rurashpa p'iñachijcunami. Huertacunapi sacrificiota cujcunami. Inciensotapish ladrillo jahuacunapi rupachijcunami.

JEREMÍAS 1:16

Cai tucui pueblocunapi causajcunatami, paicunallataj ñucata saquishpa millaita rurashcamantaca, chashna llaquichigrini. Paicunaca quiquin maquillahuantaj rurashca dioscunatamari inciensota rupachishpa adorarcacuna.

JEREMÍAS 11:17

Canta tarpuj, tucuita Mandaj Diostajmari cantaca llaquichishami nini. Israelcunapish, can Judá runacunapish Baalman inciensota cushpa rupachishpa, millaita rurashpa ñucata p'iñachishcamantami chashna ruragrini” nircami.

JEREMÍAS 17:2

Cancunapaj huahuacunaca p'angasapa yura ucucunapi, jatun lomacunapi, urcucunapi, pugru pambacunapi cancuna churashca altarcunata, Asera shuti huarmi dioscunallatami yuyaipi charincuna. Cancunapaj tucui llajtapi cancuna chai altarcunata shayachishpa juchata rurashcamantami, cancuna charishca tucui ima sumajcunataca shuhuacunaman cusha.

JEREMÍAS 19:13

Jerusalén tucui pueblo huasi jahuacunapipish, Judá llajtata jatun mandajcunapaj huasi jahuacunapipishmi, jahua pachapi tiyaj tucui luzerocunaman inciensota cushpa rupachijcuna carca. Shinallataj shujtajcunapaj dioscunamanpish vinota cushpami tallijcuna carca. Chaimanta chai tucui huasicunaca ñuca ñaupajpica, Tofet pamba shina mapami canga ninmi ningui” nircami.

JEREMÍAS 25:7

Mandaj Diosca cashnapishmi nin: Chashna huillachijpipish cancunaca manataj ñucata cazurcanguichijchu. Ashtahuanpish cancunapaj llaquipajllatajmi quiquin maquillahuantaj rurashca dioscunata cungurishpa ñucata p'iñachircanguichij ninmi.

JEREMÍAS 32:29

Chai caldeocuna yaicushpami, cai pueblotaca ninata japichishpa tucui rupachingacuna. Israelcunaca huasi jahuacunapimi inciensota Baalman cushpa rupachijcuna carca. Shujtajcunapaj dioscunamanpish vinota cushpami tallijcuna carca. Chashna rurashpami ñucata p'iñachircacuna, tucui chai huasicunatami rupachingacuna.

JEREMÍAS 44:25

Tucuita Mandaj, israelcunapaj Diosca cashnami nin: Cancunapish, cancunapaj huarmicunapish cancunapaj shimihuan rimashcataca cancunapaj maquihuanmi ruranguichij. Cancunaca: Jahua pachata mandaj huarmi diosmanmi inciensota cushpa rupachishun, vinotapish cushpa tallishun. Chaitaca pajtachishuntajmi nishpaca, chaitatajmi ruranguichij. Paiman imata cusha nishcataca cunguichijtajmi ninmi.

JEREMÍAS 44:4

Ñucaca ñaupa huatacunamantapachami, ñuca ima nishcata huillaj, ñucata servijcunataca huashan huashan cacharcani. Chashna cachashpaca: Cancuna cashna millaita rurachunca mana ricunanchu. Cashna millanacunataca ama ruraichijchu nishpami, huillachij carcani.

JEREMÍAS 7:17

Tucui Judá llajtapi, Jerusalén pueblo callecunapi cai runacuna ima shina millaita rurajtaca ¿manachu ricungui imatagari?

LAMENTACIONES 5:13

Sinchiraj c'aricunataca cutachunmi churarcacuna. Huambra c'aricunamari yantata aparinapica, shaicushpa urmarcacuna.

EZEQUIEL 16:26

Shinallataj cambaj c'uchullapi causaj Egipto runacunahuanpishmi huainayarcangui. Paicunaca charishca aichapish yallitaj racumi carca. Ñuca p'iñaringacamami, ashtahuan ashtahuan huainayashpa catircangui.

EZEQUIEL 20:28

Ñuca maquita alzashpami, chai llajtataca cushatajmi nircani. Chai llajtaman pushamujpica, chai llajtapi tiyaj jatun lomacunata, p'angasapa yuracunata ricushpaca chaipimi animalcunata cushpa huañuchircacuna. Ñuca mana ricunachishcacunatami chaicunapi curcacuna. Shinallataj mishquijllata ashnaj inciensotapish chaipimi rupachircacuna, vinotapish chaipimi tallircacuna ninmi ningui.

EZEQUIEL 8:16

Chaimantaca ñucataca Mandaj Diospaj huasi canllamanmi pusharca. Mandaj Diospaj huasiman yaicuna punguhuan altarhuan chaupipica, ishqui chunga pichca runacunatami ricurcani. Paicunaca Mandaj Diospaj huasi ladoman huashata ricuchishpami, inti llujshin ladota ricushpa shayacurcacuna. Inti llujshin ladollamantajmi cungurishpa intita adorarcacuna.

EZEQUIEL 8:17

Chaimantaca ñucataca: “Huañujlla aichayuj runa, ¿manachu caitaca ricungui imatagari? ¿Judá llajtapi causajcuna yallitaj millaita rurashcaca, jahuallachu cashca imatagari? Paicunaca cai llajtapica millai ruranacunahuan jundachishca q'uipamari, ñucata ashtahuan p'iñachingapaj ñucapajman tigramuncuna. Paicunaca singapimi ramacunata churancuna.

1 Corintios 10:22

¿Mandaj Jesús p'iñarishpa llaquichingacamatajchu chashna rurashun? ¿Ñucanchijca paita yalli poderyujchari canchij?

DEUTERONOMIO 32:16

Paicunaca shujtaj dioscunapajman rishpami yallitaj p'iñachircacuna. Millananacunata rurashpami p'iñachircacuna.

DEUTERONOMIO 32:21

Paicunaca manapish dios cajta mañashpami ñucataca yallitaj p'iñachircacuna. Paicunapaj rurashcalla dioscunata cungurishpami ñucataca p'iñachircacuna. Ñucapish paicunataca manapish ñucapaj cajcunahuanmi llaquichisha. Ch'ahuan runacunahuanmi llaquichisha.

DEUTERONOMIO 4:19

Jahua pachata huichilla ricushpapish intita, lunata, luzerocunata, tucui ima tiyajcunatapish ñataj paicunata cungurina yuyaita japishpa paicunapajta ruranguichijman. Chaicunataca Mandaj Dios cancunapaj Taita Diosmi tucui cai pachapi causajcunapaj rurarca.