JEREMÍAS 7:16 - Dios Rimashca Shimicunami

¹⁶ Canca cai runacunamantaca ama mañaichu. Ama paicunamantaca caparishpa ñucata mañaichu, ama saquipailla nichu. Paicunamanta mañashcataca mana uyashachu.

JEREMÍAS 7:16 Iomraidhean Croise

2 SAMUEL 8:18

Joiadapaj churi Benaiaca cereteocunata, peleteocunata mandajmi carca. Davidpaj churicunaca, q'uipa mandajcunami carca.

ÉXODO 32:10

Cunantajca ñuca paicunata llaquichishpa tucuchingapaj saqui. Canmantami shuj jatun llajtata rurasha– nircami.

ISAÍAS 1:15

Cancunapaj maquicunaca yahuarhuan jundamari. Chashna cashca cashpa ñucaman maquicunata chutajpipish ñuca ñahuitaca shujmanmi churani. Cancuna achcata mañacujpipish, manataj uyanichu.

JEREMÍAS 11:14

Chashna cashcamantaca, canca ama paicunamanta ñucata mañanguichu, ama ñucata caparinguichu. Ñucaca llaquipi cashpa, paicunataj mañajpipish mana uyashachu.

JEREMÍAS 15:1

Mandaj Diosca ñucataca cashnami nirca: “Moiseshuan, Samuelhuan cunantaj ñuca ñaupajpi paicunamanta shayarijpipish, cai runacunahuanca manataj alli tucushachu. Ñuca ñaupajmanta anchuchun, llujshishpa richij nigri.

JEREMÍAS 15:6

Shinallataj Mandaj Diosca cashnami nin: “Cancunamari ñucata shitashpa, huashata ricuchircanguichij. Chaimantami cunanca ñuca maquihuan huajtashpa tucuchigrini. Ña manataj llaquishpa ashtahuan charicushalla ninichu.

JEREMÍAS 18:20

Cambaj ñaupajpi shayarishpa, ñuca paicunamanta mañashcataca canllataj yuyaripayari. Can paicunahuan ama ashtahuan p'iña cachunmari mañarcani. Chashna allita rurashcamantaca ¿llaquita cutichina cajpichu ñucapajca pambana jutcuta ña allashpa charicuncuna imatagari?

JEREMÍAS 4:28

Chai llaqui shamujpica, allpaca yanata churarishca shinami saquiringa. Jahua pachapish amsayangami. Chaitaca ñucatajmi chashnami rurasha nircani. Chashna ruranata yuyarishcataca, mana shujtajyachishachu. Ama chashna rurasha nishpa, mana saquishallachu” nircami.

JEREMÍAS 7:17

Tucui Judá llajtapi, Jerusalén pueblo callecunapi cai runacuna ima shina millaita rurajtaca ¿manachu ricungui imatagari?

MIQUEAS 3:4

Chashna yallitaj millaita rurashpa causashcamantaca, cancuna llaquipi cashpa Mandaj Diosta caparicujpipish, paica manataj cutichingachu. Ashtahuanpish chai llaqui punllapica, paipaj ñahuitaca shujtajmanmi churanga.

DEUTERONOMIO 9:14

Shuyai, paicunataca cunanmi tucuita tucuchishpa, paicunapaj shutitaca cai pachamantaca tucuita anchuchigrini. Ashtahuanpish canmantami paicunatapish yalli c'ari c'ari llajtata achcacunata mirachisha nircami.

1 Juan 5:16

Maijan huauqui mana huañuiman apaj juchata ruracujta ricushpaca, paimanta Diosta mañachun. Pai mana huañuiman apaj juchata rurashca cajpica, Diosca causaita cungami. Huañuiman apaj juchapish tiyanmi. Chaimantaca mana mañachun ninichu.