JEREMÍAS 7:13 - Dios Rimashca Shimicunami

¹³ Cancunapish cai tucui millaitami rurashpa causanguichij. Shina cajpipish ñucaca sarun huatacunamantami cancunataca punllanta rimani. Ashtahuanpish cancunaca manataj uyanguichijchu. Cayajpipish manataj cutichinguichijchu.

JEREMÍAS 7:13 Iomraidhean Croise

PROVERBIOS 1:24

Cancunaca mashna cutin cayajpipish, pi mana shamurcanguichijchu. Maquihuan cayajpipish, tigrarishpallapish mana ricurcanguichijchu.

ISAÍAS 50:2

Ñuca shamushpaca pita mana japircanichu. Huasiyuj nijpipish pi mana uyarircachu. ¿Ñuca maquica uchijllachari cancunata mana cacharichi tucungapajca? Cancunata quishpichingapajca ¿manachari poderta chariniyari? Riqui, ñucaca rimashcallahuanmi mama cucha yacutapish chaquichini. Jatun yacucunatapish shitashca pambatami rurani. Chaipi causaj chalhuacunapish yacu illashcamanta yacunaihuan huañushpa ismunmi.

ISAÍAS 65:12

ñucapish paicunamanca espadapi huañunata cujpica tucui cancunami cungata p'itishpa huañuchijcunapaj ñaupajpi cunguringuichij. Cayajpipish, mana cutichircanguichijchu. Rimajpipish mana uyarcanguichijchu. Ashtahuanpish ñuca ñaupajpi millaita rurashpami ñuca mana munashcata agllarcanguichij” ninmi.

ISAÍAS 66:4

Chaimantami ñucapish paicunapajca llaquicunalla shamuchun agllasha. Paicuna manchacushcatami paicunapaj jahuaman apamusha. Ñuca cayajpipish, pi mana cutichircachu. Rimajpipish pi mana uyarcachu. Ashtahuanpish ñuca ñaupajpica millaillatami rurarcacuna. Ñuca mana munashcatami agllarcacuna” ninmi.

JEREMÍAS 11:7

Cancunapaj ñaupa yayacunata Egipto llajtamanta llujshichimui punllamantapachami, ñuca mandashcata uyaichij nishpa rimarcani, cunarcani. Cancunatapish cai tucui huatacunata mana upalla saquishcanichu. Ashtahuanpish chai shinallatajmi cunani.

JEREMÍAS 11:8

Shina cajpipish manataj uyanguichijchu, manataj yuyaita churanguichijchu. Ashtahuanpish tucuicunami cancunapaj millai, ch'ahuan shungu yuyachishcata ruranguichij. Chaimantami cunanca ñucahuan ari ninacushca shimicunapurapi quillcashca tiyacuj tucui llaquicunata cancunapaj jahuapi cachagrini. Cai shimicunataca pajtachichun nishpa cushca jahua mana pajtachishcamantami, chashna ruragrini ninmi ni” nircami.

JEREMÍAS 13:10

Cai runacunaca ñuca yachachishcata mana uyashun nij millai runcunami. Paicunapaj shungu yuyashcatami rurashpa causancuna. Shujtajcunapaj dioscunata mashcashpami, chaicunata servincuna, chaicunatami cungurincuna. Chashna rurashcamantaca, cai ismushca chumbi shina imapaj mana valijcunami.

JEREMÍAS 13:11

Ñucaca tucui israelcunatapish, tucui Judá runacunatapish ñucapajlla causachun, ñuca jatun cashcata ricuchijcuna cachun, shujtajcunapish paicunamanta ñucata alli nishpa jatunyachichunmi chumbihuan chumbillishca shina ñuca muyundijpi charicurcani. Shina cajpipish, paicunaca ñucataca mana cazurcacunachu ninmi Mandaj Diosca ningui.

JEREMÍAS 25:3

“Amonpaj churi Josías Judá llajtata chunga quimsa huatata mandacui huatamanta cunancamaca, ña ishqui chunga quimsa huatami. Mandaj Diosca chai huatamanta callarishpa cunancamami ñucataca huillachirca. Chai tucui huatacuna ñaupamantami cancunataca rimashcani, mana upalla cashcanichu. Shina cajpipish, cancunaca manataj uyarcanguichijchu.

JEREMÍAS 26:5

Ñaupa huatacunamantapachami ñuca ima nishcata huillaj, ñucata servijcunatapish cancunaman huillachun cacharcani. Paicunata huasha huasha cachashpa huillachijpipish, cancunaca manataj uyarcanguichijchu.

JEREMÍAS 29:19

Mandaj Diosca cashnapishmi nin: “Cancunallatajmari ñucata servij ñuca ima nishcata huillajcunahuan huillachishca ñuca shimicunataca mana uyashun nircanguichij. Ñaupamantapacha huasha huasha cachashpa huillachijpipish, manataj cazurcanguichijchu. Mandaj Diostajmi chashna nini.

JEREMÍAS 32:33

Ñucaca manataj upalla saquishcanillachu, ñaupamantapacha yachachicurcanillami. Ashtahuanpish paicunaca ñuca yachachishcata chasquingapaj ñahuita ricuchinapaj randica, huashatami ricuchircacuna.

JEREMÍAS 35:14

Vinota ama ubyachun Recabpaj churi Jonadab mandashcataca, paipaj huahuacunaca manataj paquishcacunachu. Paicunapaj punta yaya mandashcata cazushpamari, cunancamapish vinotaca mana ubyashpa causashcacuna. Ñucacarin cancunataca ñaupamantapacha cai tucui huatacunatami rimani. Shina cajpipish, manataj cazunguichijca.

JEREMÍAS 35:15

Ñucata servij ñuca ima nishcata huillajcunataca, ñaupamantapacha cunancama huashan huashan cachashpa huillachicunillami. Chai tucui huillajcunahuanmi: Tucuicuna cancunapaj millai causaita saquishpa, ñucaman cutirichij. Mana allita ruranata saquichij. Ña ama chai shujtajcunapaj dioscunapajman rishpa cungurichijchu, ama chaicunata servichijchu. Tucui chaicunata saquishpaca cancunapaj yayacunamanpish, cancunamanpish ñuca cushca cai llajtapi causanguichijmi nishpa huillachircani. Shina cajpipish, cancunaca manataj uyanguichijchu, manataj cazunguichijchu.

JEREMÍAS 35:17

Cancuna chashna cashcamantaca tucuita Mandaj, israelcunapaj Diosca cashnami nin: “Ñuca rimashcataca cai Judá llajtapi causajcunapish, Jerusalenpi causajcunapish manataj uyancunachu, cayajpipish manataj cutichincunachu. Chaimanta paicunapajca, ñuca imalla llaquicunata apamusha nishcatami apamugrini” ninmi.

JEREMÍAS 44:23

Cancunami shujtajcunapaj dioscunaman inciensota cushpa, Mandaj Diostaca yallitaj p'iñachircanguichij. Mandaj Dios mandashcataca manataj cazurcanguichijchu. Ima shinalla causanata yachachishcacunatapish manataj pajtachircanguichijchu. Chaimantami cancunataca cai tucui llaquicuna japishca. Cunan punllacamallatajmi chashna llaquipi causacunguichij– nircami.

JEREMÍAS 44:4

Ñucaca ñaupa huatacunamantapachami, ñuca ima nishcata huillaj, ñucata servijcunataca huashan huashan cacharcani. Chashna cachashpaca: Cancuna cashna millaita rurachunca mana ricunanchu. Cashna millanacunataca ama ruraichijchu nishpami, huillachij carcani.

JEREMÍAS 5:21

Shungu illaj ch'ahuanyashca runacuna, cancunaca ñahuita charishpapish, mana ricunguichijchu. Rinrinta charishpapish, mana uyanguichijchu. Cunanca caita uyaichigari:

JEREMÍAS 6:10

“Cai runacunaca rinrin huichcashcamari, mana uyashun nincunaca. ¿Pitataj rimashpa cunashari? Can Mandaj Diospaj shimitaca, ima pinganayaj shimicunata shina mana munancunachu” nircani.

JEREMÍAS 7:25

Cancunapaj ñaupa yayacunata Egipto llajtamanta llujshichimushcamantapacha cunancamami, ñucata servij tucui huillajcunata huasha huasha cachashpa huillachini.

OSEAS 11:2

Ñuca cayajpirajmari paicunaca ashtahuan ñucamanta caruyarcacuna. Baalcunamanmi animalcunata huañuchishpa curcacuna. Rurashcalla dioscunamanmi inciensota rupachircacuna.

OSEAS 11:7

Ñuca agllashcacunaca ñucata c'ariyanapimi rumi shungu tucushcacuna. Ñucataca: “Jahua pacha Taita Dios” nishpapish, pi mana jatunyachinatatajca munancunachu.

OSEAS 9:17

Paicuna mana uyashcamantami ñuca Taita Diosca cai llajtamanta llujshichinga. Paicunaca maiman chayanata mana charijcuna shinami tucui llajtacunata puringa.

ZACARÍAS 7:13

Tucuita Mandajca cashnami nin: “Ima shinami paicunapish ñuca rimashcacunata mana uyarcacuna, chashnallatajmi paicuna mañashcatapish mana uyarcani.

Mateo 23:37

¡Jerusalenpi causajcunalla, Jerusalenpi causajcunalla cancunaca profetacunata huañuchijcuna, Dios cachashca huillajcunata rumihuan shitajcunapishmi canguichij! ¡Tauca cutinmi mama atillpa paipaj huahuacunata alas ucupi ugllaj shina tandachisha nircani! Ashtahuanpish mana uyarcanguichijchu.