JEREMÍAS 7:10 - Dios Rimashca Shimicunami

¹⁰ Chashna rurashca jahuamari, ñucata mañana cai huasiman shamushpaca: Caipitajca ima mana manchachingachu ninguichij. Chashna nishpaca, ñuca mana ricunachishcallatatajmi ashtahuan ruranguichij.

JEREMÍAS 7:10 Iomraidhean Croise

1 REYES 9:3

Chaipi ricurishpaca Mandaj Diosca: “Ñuca ñaupajpi can mañashcata, rogarishcata uyarcanimi. Cai huasipi ñuca shuti huiñaipaj cachun, can rurashca cai huasitapish ñucapajlla cachun ch'icanchircanimi. Ñuca ñahuicunapish, ñuca shungupish punllantami chai huasipi canga.

2 REYES 21:4

Mandaj Diosca: “Jerusalenpi caj ñuca huasipimi ñuca shutitaca churani” nircami. Chai huasipipish altarcunata rurachircami.

2 CRÓNICAS 33:4

Mandaj Diosca: “Jerusalenpi caj ñuca huasipimi, huiñaipaj ñucata shutitaca churani” nircami. Chai huasipipish altarcunata rurachircami.

2 CRÓNICAS 33:7

Mandaj Diosca Davidmanpish paipaj churi Salomonmanpish: “Tucui israelcunapaj aillupuramanta agllashca Jerusalenpi churashca ñuca huasipimi ñuca shutitaca huiñaipaj churani nircami. Chai huasipimi Manasesca fierrota yacuyachishpa rurashcalla diosta churarca.

PROVERBIOS 15:8

Mandaj Diosca, paita mana manchajcuna cushpa rupachishcataca manataj ricunachinchu. Ashtahuanpish alli runacuna mañashcataca, cushicushpami uyan.

ISAÍAS 48:2

Cancunaca jucha illaj llajtapajmi nishcami canguichij. Cancunaca Israelcunapaj Taita Diospimi shunguta churanguichij. Paipaj shutica tucuita Mandaj Diosmi.

JEREMÍAS 32:34

Ashtahuanpish ñucata mañana huasitapish paicuna rurashca millanana dioscunata churashpami mapayachircacuna.

JEREMÍAS 34:15

Cancunaca cancunata servij cancunapaj familiacunata cacharishpa cachashpaca, ñuca munashcatami rurarcanguichij. Allita rurana yuyaita japishpami, ñucata mañana huasipi ñuca ñaupajpi ari nishpa, paicunataca cacharircanguichij.

JEREMÍAS 44:9

Cancunapaj ñaupa yayacunapish, Judá llajtata jatun mandajcunapish, paicunapaj huarmicunapish, cancunapish, cancunapaj huarmicunapish tucui Judá llajtapi, Jerusalén pueblo callecunapica, yallitaj millaitami rurashpa causarcanguichij. Chai tucui millaita rurashpa causashcataca ¿ñachari cungaringuichigari?

JEREMÍAS 7:11

¿Ñucata mañana cai huasica cancunapaj ricuipica, shuhuacuna causana jutcuchu imatagari? Ñucaca cancuna imallata ruracujtaca ricucunimi. Mandaj Diostajmi chashna nini.

JEREMÍAS 7:14

Chashna rurashcamantaca ñucata mañana cai huasitapish, Silo pueblota shinallatajmi ruragrini. Cancunapaj ñaupa yayacunaman cushcamanta, cancunapaj shunguta churashca cai huasitaca urmachishatajmi.

JEREMÍAS 7:30

Mandaj Diostajmi cashna nin: “Judá runacunaca ñuca ñaupajpimi millaita rurancuna. Ñucata mañana huasitaca, millanana dioscunata chai ucupi churashpamari mapayachincuna.

EZEQUIEL 20:39

Israelcunalla, cancunataca Mandaj Jatun Diostajmi cashna nini: Cancuna ñucata manataj cazusha nishpaca, cancunapaj quiquin dioscunallatataj adorashpa catichijlla. Ashtahuanpish ñuca jucha illaj shutitaca imata cuna cashcahuanpish, cancunapaj rurashcalla dioscunahuanpish ña ama yangata ruraichijchu.

EZEQUIEL 23:29

Paicunami p'iñarishpa cantaca jatunta llaquichingacuna. Can imalla rurashcamanta japishcacunataca tucuitami quichungacuna, lluchu aichallatami saquingacuna. Chashna yallitaj huainayashpa mapayashcamantaca, pingachishcami cangui.

EZEQUIEL 23:37

Paicunaca huainayajcunami, paicunapaj maquicunapish yahuarllami. Shinallataj rurashcalla dioscunahuanpishmi huainayarcacuna. Paicuna huachashca ñuca huahuacunatapish ninapimari tucui rupachircacuna.

EZEQUIEL 23:39

Shinallataj paicunapaj huahuacunata rurashcalla dioscunaman cushpa rupachishca punllallatajmi, ñucapajlla huasiman mapayachingapaj yaicurcacuna. Chashna rurashpamari, ñucapajlla huasitaca mapayachircacuna.

EZEQUIEL 33:25

Chashna nijcunamanca cashna niyari: Mandaj Jatun Diosca cashnami nin: Cancunaca aichatapish yahuarndijmi micunguichij, rurashcalla dioscunata adorajcunapishmi canguichij, huañuchijcunami canguichij. Chashna mana allita rurajcunaca ¿maitataj cai llajtataca japinguichigari?

EZEQUIEL 33:31

Can rimashcata uyana cashcallamantami, ñuca agllashcacuna cashca shina uyanaman shamuj tucungacuna. Paicunaca can imalla rimashcata uyashpapish, chaitaca mana pajtachincunachu. Ashtahuanpish mishquijlla shimicunahuan rimashpapish, charina yuyaillami purincuna.

EZEQUIEL 5:11

Mandaj Jatun Diostajmi cashna nini: Ñucaca causacunimi. Ñucapajlla huasita cancuna millai rurashcacunahuan yangata rurashcamantaca, llaquichishatajmi. Ñuca ñahuimantaca manataj quishpiringuichijchu, manataj llaquishachu.

DANIEL 9:18

Ñuca Dioslla, quiquinpaj rinrinta ñuca ladoman churashpa uyahuayari. Quiquinta mañana pueblo urmachishca shitashca siricujtaca ricuhuayari. Ñucanchijca allitamari rurashcanchij llaquihuayari nishpaca mana mañanchijchu. Ashtahuanpish quiquinpaj jatun c'uyaipi shunguta churashpallami, quiquintaca mañapanchij.

OSEAS 6:9

Siquemman rina ñanpi shuhuacuna tandanacushca chapashpa maijanta huañuchij shinami, tandanacushca curacunapish huañuchincuna. Chashna rurashpami paicunaca yallitaj millananata rurancuna.

AMÓS 4:5

Animaltapish huañuchishpa, levadurahuan rurashca tandatapish cushpa diosolopagui nigrichijlla. Cancunapaj imalla cushcacunatapish tucuicunaman huillagrichijlla. Israelcunalla, cancunaca chashna ruranatami munanguichij” ninmi Mandaj Jatun Diosca.

SOFONÍAS 1:5

Huasi jahuaman huichiyashpa luzerocunata cungurijcunatapish, Mandaj Diospish, Milcom diospish ricucunmi nishpa llullashpa cungurijcunatapishmi chingachisha ninmi.

MALAQUÍAS 3:15

Chaimanta cunanca ñucanchijca cashnami ninchij: Jatun tucushpa causajcunarajmi cushijlla causancuna, millaita rurajcunaca mana paicunallataj imayuj tucuncunachu. Ashtahuanpish Diosta umashpami, ima llaquimantapish quishpirincuna ninguichijmi” ninmi.

Mateo 23:13

Mandashcacunata quillcajcuna, fariseocuna, mishqui shimi jayaj shungucuna, ¡aij cancunalla! Jahua pachamanta mandacunman gentecuna yaicunatami jarcanguichij. Cancunapish mana yaicunguichijchu, yaicucujcunatapish mana yaicujta saquinguichijchu.

Juan 13:18

Mana tucui cancunatachu chashna nini. Maijanlla ñuca agllashcataj cajtaca yachanimi. Ashtahuanpish: “Ñucahuan micujllatajmi, ñucataca jaitanga” nishpa Quillcachishca pajtachunmi chashna tucun.

Juan 18:28

Tutamanta utcatami Jesustaca Caifaspaj huasimanta, Pilato mandashpa tiyana ucuman pushashpa rircacuna. Pascua micuita micunapaj, mana mapayashun nishpami, paicunaca, chai ucumanca mana yaicurcacuna.