JEREMÍAS 6:8 - Dios Rimashca Shimicunami

⁸ Jerusalenpi causajcunalla, alli tucuichigari. Chashna alli tucujpica, mana p'iñarishpa cancunamanta anchurishachu. Cai llajtapish mana chaquishca, shitashca pamba saquiringachu” ninmi.

JEREMÍAS 6:8 Iomraidhean Croise

SALMOS 2:10

Cunanca jatun mandajcuna alli yuyaita japichij. Cai pacha juezcunapish ñuca cunashcata uyaichij.

SALMOS 50:17

Ñuca cunajpipish canca p'iñaringuimi. Ñuca cunashcacunataca cambaj huashamanmi shitangui.

SALMOS 94:12

Mandaj Dioslla, quiquin cunashca runaca cushijllamari. Quiquinpaj mandashcata yachachishca runaca cushijllamari.

PROVERBIOS 19:20

Cunashcatapish uyangui, alli tucuchun rimashcatapish chasquingui. Chashnami ña yuyaj cashpaca, yachaisapa cangui.

PROVERBIOS 4:13

Ñuca cunashcataca alli charishpa, chai yuyai cangui. Chaitaca huaquichinguitaj, chaimari canmanca causaita cunga.

JEREMÍAS 17:23

Paicunapish mana uyarcacunachu, mana cazurcacunachu, sinchi shungucuna tucushpami manataj uyashun nircacuna, imata jarcachunpish manataj munarcacunachu ninmi ningui” nircami.

JEREMÍAS 2:15

Malta leoncunamari huacarishpa shamurcacuna. Paicunata llaquichingapaj huacarishpa shamushpamari, chushaj llajtata saquincuna. Tucui pueblocunatamari rupachishpa, shujllapish chaipi causachun mana saquincuna.

JEREMÍAS 31:19

Canmanta anchurishca cashpapish, cunanca llaquirinimi. Ñucallataj mana allita rurashcata cunan yuyaita japishpamari, ñuca changata chugrichirini. Manataj cungaripaj, yallitaj pingai tucunica. Huambraraj cashpa juchata rurashcamantamari cashna pingai tucuni ninmi.

JEREMÍAS 32:33

Ñucaca manataj upalla saquishcanillachu, ñaupamantapacha yachachicurcanillami. Ashtahuanpish paicunaca ñuca yachachishcata chasquingapaj ñahuita ricuchinapaj randica, huashatami ricuchircacuna.

JEREMÍAS 4:14

Jerusalenpi causajcunalla, ¿maicamataj millaita rurana yuyailla canguichigari? Cancunata quishpichichun nishpaca, shungumanta tucui millai yuyaita maillarichigari.

JEREMÍAS 7:20

Chashna cashcamantaca, Mandaj Diosca cashnapishmi nin: “Cunantajca jatunta p'iñarishpami, cai llajtapica jatun llaquita talligrini. Runacunapaj jahuapi, animalcunapaj jahuapi, yuracuna jahuapi, grano chagracuna jahuapimi mana huañuj lunyacuj ninata shina shitagrini” ninmi.

JEREMÍAS 7:28

Chashna cashcamantaca cashna ningui: Cai llajta runacunaca, paicunata Mandaj Diosta mana cazuj runacunami. Imata jarcashpa yachachishcatapish, mana chasquishun nincunachu. Paicunapaj shimimantaca mana llullaj shimicunaca tucui chingarishcami ningui” nircami.

JEREMÍAS 7:34

Chashna rurashpami, Judá llajtamantapish, Jerusalén pueblo callecunamantapish asishpa cushicuihuan cantanataca chingachisha. Shinallataj cusayuj, huarmiyuj tucushca punlla cantanatapishmi chingachisha. Tucui llajtatami shitashcata saquisha” ninmi.

JEREMÍAS 9:11

Jerusalén pueblotaca rumi montonllatami saquisha. Judá llajtapi caj tucui caishuj pueblocunatapish chacal nishca animalcuna causanallatami rurasha. Shuj runallapish mana chaipi causangapaj saquiringachu.

EZEQUIEL 23:18

Paica lluchulla tucushpa paipaj aichata munachishpami, tucuicuna ricucunpi huainayarca. Chaimantami ñucaca paipaj ñañata p'iñashca shinallataj paitapish p'iñarcani.

OSEAS 2:5

Cambaj mamaca huainayashcahuan causaj huarmimi tucurca. Canta huachajca pingai illajmi. Chashna cashpami paica: Micunata, yacuta, millmata, linota, aceiteta, ima ubyanacunatapish ñucaman cujcunata catishpa rishalla nishpa catishpa ricujlla tucurca.

OSEAS 9:12

Paicunapaj huahuacuna jatunyajpipish, paicunapuramantaca anchuchishami. Paicunamanta ñuca anchurijpica, ¡aij imachari tucungacuna!

LEVÍTICO 26:34

Cancuna cancunata p'iñajcunapaj llajtapi causacui punllacunapimi, allpaca samarina cashca punllacunapi mana samarishcamantaca cushicushpa samaringa. Allpacunata samachina punllacunapi mana samachishcamantaca, chashna shitashcata saquishca punllacunapimi allpaca cushicushpa samaringa.

SOFONÍAS 3:7

Chai tucui llaquicunata ricushpaca, ñucataca manchangami yuyarcanimi. Imamanta jarcashpa llaquichishcatapish cazungami yuyarcanimi. Ñuca llaquichishcamanta paicuna cazushca cajpica, paicuna causana huasicunatapish mana chingachimanchu carcani. Ashtahuanpish millaitarajmi utca rurarcacuna.

DEUTERONOMIO 32:29

Caicunata entendingapaj yachaisapacuna cashpachari alli canman. Tucuripica ima tucuna cashcata yachashpachari alli canman.