JEREMÍAS 6:7 - Dios Rimashca Shimicunami

⁷ Ima shinami pugyumantaca punllanta yacu llujshin, chashnallataj chai pueblopi causajcunapish millaita ruracunllami. Shujtajcunata llaquichishpa, shuhuashpami causancuna. Punllantami ñuca ñaupajpi chugrichishpa unguchincuna.

JEREMÍAS 6:7 Iomraidhean Croise

PROVERBIOS 4:23

Tucuimanta yallica cambaj shunguta huaquichingui. Shungupi yuyashcami causaipica ricurin.

ISAÍAS 1:6

Chaqui plantamanta umacama maipi mana sanochu. Ashtahuanpish chugri, p'unguishca, carachayashpa ismucunguichijmi. Pi mana jambishca, pi mana pilluchishpa huatashca, aceitehuan churashpa pi mana nuyuchishcami canguichij.

ISAÍAS 57:20

Ashtahuanpish Diosta mana rijsijcunaca huairandij tamyahuan mama cucha mana casilla cai tucushpa, mapacunata, lodota yacu uriman shitacuj shinami.

ISAÍAS 59:6

Paicuna ahuashcaca churarinapajca mana valinchu. Paicuna rurashcacunahuanca pi mana c'atari tucunchu. Paicunapaj rurashcacunaca millaillami. Paicunapaj maquicunapica millaita ruranallami tiyan.

JEREMÍAS 20:8

Punllantamari can Mandaj Dios huillachun nishca shina, jatun llaquipish, huañuipish shamunallata huillani. Chaimantamari ñucataca c'amishpa, asishpa pingachincuna.

JEREMÍAS 30:12

Mandaj Diosca cashnapishmi nin: “Cambaj ungüica, mana imahuan jambipaj ungüimi. Cambaj chugrica, mana imahuan alliyachipajchu.

JEREMÍAS 30:13

Cantaca, pi mana jambishpa alliyachi tucunchu. Alliyachipaj ima jambipish mana tiyanchu.

JEREMÍAS 30:15

Canta llaquichishcamantaca ¿imapajtaj capariringuiyari? Cambaj nanaica imahuan mana jambipajchu. Canllataj jatun mana allita, yallitaj juchacunata rurashcamantami ñucataj chashna llaquichircani.

JEREMÍAS 32:31

Cai pueblopish shayachi callarimantapacha cunancama, ñucata p'iñachishpallami tiyan. Chaimantami cunanca ñuca ñaupajmanta anchuchigrini.

JEREMÍAS 8:22

Galaad llajtapica ¿bálsamo aceite tiyanchu imashi? ¿Manachu maijan jambij tiyanga imashi? ¿Imamantataj ñuca llajtapi causajcunaca, ima jambihuan manataj alliyanchu imamí?

EZEQUIEL 21:29

Cancuna ima tucunataca, yangamanta llullashpa adivinashpallami huillancuna. Chai espadaca, huañunapi churashca yallitaj millai runacunatami huañuchinga. Millaita rurajcunata tucuchina punllaca ñami chayamushca.

EZEQUIEL 24:7

Cai puebloca yahuarhuan jundamari. Chai yahuartaca lluchujlla rumipimari jichashcacuna. Chai yahuartaca ñutu allpa tapachunllapish, manamari allpa jahuapi jichashcachu.

EZEQUIEL 45:9

Mandaj Jatun Dios ñucatajmi cashnapish nini: Israel llajtata mandajcunalla, ña chailla millaitaca ruraichigari. Huañuchinatapish, shuhuanatapish saquichigari. Ashtahuanpish imatapish allita, cashcata rurashpa causaichigari, ñuca agllashcacunata mandashpa llaquichishpa causanataca saquichigari. Mandaj Jatun Diostajmi chashna nini.

EZEQUIEL 7:11

Millaita ruranaca shujtajcunata llaquichina varami tucushca. Paicunaca achcacuna cashpapish, shujllapish mana saquiringacunachu. Paicunamanta huacajcunapish pi mana tiyangachu.

EZEQUIEL 7:23

Cai llajtapi causajcunaca huañuchina yuyaillahuan jundami, cai pueblopi causajcunaca llaquichina yuyaillahuan jundami. Paicunapaj shuj cadenata rurayari.

SOFONÍAS 3:1

Juchahuan mapayashpa causacuj, huajchacunata llaquichij Jerusalén pueblopi causajcunalla, ¡aij imachari tucunga!