JEREMÍAS 6:6 - Dios Rimashca Shimicunami

⁶ Tucuita Mandaj Diostajmi, paicunata cashna mandashca: “Yuracunata p'itishpa Jerusalén pueblo muyundij torrecunata rurashpa macanacuichij. Cai pueblopi causajcunaca tucuicuna yallitaj millaicunami. Chaimantami paicunataca llaquichinataj canguichij.

JEREMÍAS 6:6 Iomraidhean Croise

ISAÍAS 37:33

Chaimanta Asiria llajtata jatun mandajmantaca Mandaj Diosca cashnami nin: Cai pueblomanca mana yaicungachu, puntajlla caspillatapish mana shitangachu, escudota apashcapish mana shamungachu, cai pueblota llaquichingapaj baluartetapish mana shayachingachu.

JEREMÍAS 20:8

Punllantamari can Mandaj Dios huillachun nishca shina, jatun llaquipish, huañuipish shamunallata huillani. Chaimantamari ñucataca c'amishpa, asishpa pingachincuna.

JEREMÍAS 32:24

Cunanca caldeocunaca mishashpa japingapajmari, cai pueblo tucui muyundijta caspicunahuan arietecunata rurancuna. Jatun macanacuipi huañushpa tucurishcamantapish, yaricaimantapish cai puebloca chai caldeocunapaj maquipi urmagrinca. Mandaj Dioslla, can huillashca ña pajtacujtaca canllataj ricunguimi.

JEREMÍAS 32:31

Cai pueblopish shayachi callarimantapacha cunancama, ñucata p'iñachishpallami tiyan. Chaimantami cunanca ñuca ñaupajmanta anchuchigrini.

JEREMÍAS 33:4

Israelcunata Mandaj Diosca ariete nishca macanacunacunahuanpish, hachacunahuanpish urmachinapaj tiyacuj cai Jerusalén pueblo huasicunamantapish, Judá llajtata jatun mandajcunapaj huasicunamantapish cashnami nin:

JEREMÍAS 39:1

Jatun mandaj Sedequiasca, Judá llajtataca ñami iscun huatata mandacurca. Chai huatapaj chunga quillapimi, Babilonia llajtata jatun mandaj Nabucodonosorca, paipaj tucui soldadocunahuan shamushpa, Jerusalén pueblo muyundijta shayarishpa macanacuita callarircacuna.

JEREMÍAS 5:29

Chashna rurashcamantaca ¿manachu llaquichisha imatagari? Chashna millai runacunamanca ¿manachu paicuna chasquina cashcata cusha imatagari? Mandaj Diostajmi chashna nini.

JEREMÍAS 5:9

Cashna juchamantaca ¿manachu llaquichina cani imatagari? Chashna millai runacunataca ¿manachu p'iñarishpa ñacachisha imatagari? Mandaj Diostajmi chashna nini.

EZEQUIEL 4:2

Chai q'uipaca, chai pueblota p'iñajcunata churangui. Jatun patatapish rurangui, baluartetapish churangui. Chai ñaupajpica, soldadocunapaj carpa huasicunatapish rurangui. Chai jatun patata tsagmachishpa urmachina jatun caspicunatapish churangui.

EZEQUIEL 5:5

Mandaj Jatun Diostajmi cashna nini: Ñucamari Jerusalén pueblotaca, shujtaj llajtacunapaj chaupipipish, tucui muyundij llajtacunapaj chaupipipish churarcani.

DANIEL 11:15

Janaj lado llajtata jatun mandaj uriyashpaca, baluartecunata shayachishpami sinchi pircayuj pueblotaca japinga. Chashna rurajpica, ura lado llajta soldadocunaca mana ch'imbapurai tucungacunachu. Ashtahuan c'ari c'ari soldadocunapish mana ch'imbapurai tucungacunachu. Fuerza illaj shina cashcamantami chashna tucunga.

SOFONÍAS 3:1

Juchahuan mapayashpa causacuj, huajchacunata llaquichij Jerusalén pueblopi causajcunalla, ¡aij imachari tucunga!

Lucas 19:43

Cancunata p'iñajcunaca muyundijta patacunata rurashpa, muyujta shayarishpa cancunata ñutuchingapaj llapimuna punllacunami ña chayamucun.