JEREMÍAS 6:2 - Dios Rimashca Shimicunami

² Ñucami Sión urcupi caj sumaj ricunanqui pueblotaca urmachigrini.

JEREMÍAS 6:2 Iomraidhean Croise

ISAÍAS 1:8

Sionpaj ushushillamari saquirishca. Uva chagra chaupipi chuglla shina paillamari saquirishca. Melón chaupipi chuglla shina paillamari saquirishca. Chai pueblollamari p'iñajcuna muyunchishca saquirishca.

JEREMÍAS 4:31

Punta cutin huachana nanaihuan caj huarmi shina capariricujtami uyarcani. Sión urcupi causajcunamari caparirishpa huacacun. Maquicunata chutashpamari: “¡Aij ñucalla, cunantajca imachari tucusha! Cai huañuchij runacuna huañuchigrinca” nishpa capariricun.

LAMENTACIONES 2:1

¡Aij, Jatun Diosca yallitaj p'iñarishpamari, Sión pueblotaca amsayachirca! Pai jatunta p'iñari punllaca, Siónca paipaj chaqui saruna cashcatapish mana yuyarircachu. Chaimantami israelcuna sumaj cashcataca jahua pachamanta allpaman shitarca.

LAMENTACIONES 2:13

Jerusalenpi causajcunalla, cancunata ricuchunca ¿pitataj pushamushari? ¿Mana cashpaca pihuantaj cancunataca ch'imbapurashari? Siónpi causajcunalla, cancunataca ¿piman rijchashcata nishpataj cushichishari? Mama cucha shina jatun llaquimari cancunataca japishca. ¿Pitaj chaitaca alliyachi tucungari?

LAMENTACIONES 4:5

Sumaj alli micunallata micushpa causajcunapish, callecunapimi yaricaihuan huañurcacuna. Ashtahuan alli sumaj churanallata churashpa huiñajcunapish, mapata shitanacunapimi sirirircacuna.

DEUTERONOMIO 28:56

Cancunapurapica mana p'iñarij alli nishca nunca mana allpapi lluchu chaquilla saruj huarmipish yallitaj c'uyaj cusatapish, paipaj churitapish, paipaj ushushitapish p'iña ñahuihuanmi ricunga.